ଚା' ପତିକୁ ନେଇ ରାଜନୀତି ! ପ୍ରିୟଙ୍କାଙ୍କ ଫଟୋକୁ ନେଇ କହିଲେ ଜିତେନ୍ଦ୍ର ସିଂହ - 'ଫିଲ୍ମ ସୁଟିଂ ଚାଲିଥିଲା'
ଆସାମ ଗସ୍ତରେ ଯାଇଥିବା ପ୍ରିୟଙ୍କା ଗାନ୍ଧୀଙ୍କ ଉପରେ ପ୍ରତିକ୍ରିୟା ରଖି ବିଜେପି ନେତା ଜିତେନ୍ଦ୍ର ସିଂ କହିଛନ୍ତି, ପ୍ରିୟଙ୍କା ଗାନ୍ଧୀ ଅଫ୍ ସିଜିନରେ ଚା' ପତ୍ର ତୋଳୁଥିଲେ, ଲାଗୁଛି ଯେପରି ଫିଲ୍ମର ସୁଟିଂ ଚାଲିଛି ।
ଦିସପୁର : ଆସାମ ବିଧାନସଭା ନିର୍ବାଚନର ତାରିଖ ଘୋଷଣା ହେବା ପରେ ରାଜ୍ୟରେ ରାଜନୈତିକ ବୟାନବାଜି ଆରମ୍ଭ ହୋଇଯାଇଛି । କିଛି ଦିନ ପୂର୍ବରୁ କଂଗ୍ରେସ ସାଧାରଣ ସମ୍ପାଦିକା ପ୍ରିୟଙ୍କା ଗାନ୍ଧୀ ଭଦ୍ରା ଆସାମ ଗସ୍ତରେ ଯାଇ ସେଠାରେ ଏକ ନିର୍ବାଚନ ସମାବେଶକୁ ସମ୍ବୋଧିତ କରିଥିଲେ ଏବଂ ଚା ବଗିଚାରେ ଟୋକେଇ ନେଇଥିବା ଚା ପତ୍ର ତୋଳିଥିଲେ । ପ୍ରିୟଙ୍କା ଗାନ୍ଧୀଙ୍କ ଗସ୍ତକୁ ଭାରତୀୟ ଜନତା ପାର୍ଟି ନେତା ତଥା କେନ୍ଦ୍ର ମନ୍ତ୍ରୀ ଜିତେନ୍ଦ୍ର ସିଂ କଟାକ୍ଷ କରିବା ସହ ପ୍ରିୟଙ୍କା ଗାନ୍ଧୀଙ୍କ ବଗିଚାରେ ଚା ପତ୍ର ତୋଳିବାକୁ ଫିଲ୍ମର ସୁଟିଂ ବୋଲି କହିଛନ୍ତି ।
ଆସାମ ଗସ୍ତରେ ଯାଇଥିବା ପ୍ରିୟଙ୍କା ଗାନ୍ଧୀଙ୍କ ଉପରେ ପ୍ରତିକ୍ରିୟା ରଖି ବିଜେପି ନେତା ଜିତେନ୍ଦ୍ର ସିଂ କହିଛନ୍ତି, ପ୍ରିୟଙ୍କା ଗାନ୍ଧୀ ଅଫ୍ ସିଜିନରେ ଚା' ପତ୍ର ତୋଳୁଥିଲେ, ଲାଗୁଛି ଯେପରି ଫିଲ୍ମର ସୁଟିଂ ଚାଲିଛି ।
ସୀଚନା ଯୋଗ୍ୟ, ଆସାମ ଗସ୍ତ ସମୟରେ ପ୍ରିୟଙ୍କା ଗାନ୍ଧୀ କିଛି ଦିନ ପୂର୍ବରୁ ଆସାମ ଗସ୍ତ ସମୟରେ ଚା' ବଗିଚାରେ କାମ କରୁଥିବା ମହିଳାଙ୍କ ସହ ମିଶି ଚା' ପତ୍ର ତୋଳୁଥୁବା ଫଟୋ ପ୍ରକାଶ ପାଇଥିଲା । ଏହା ପରେ କଂଗ୍ରେସ ନେତ୍ରୀଙ୍କ ଏହି ଫଟୋକୁ ନେଇ ଜିତେନ୍ଦ୍ର ସିଂ ପରିହାସ କରିଛନ୍ତି ।
'କଂଗ୍ରେସରେ ପ୍ରାର୍ଥୀଙ୍କ ନାମ ରୋଷେଇ ଘରେ ସ୍ଥିର ହୁଏ'
ବିଜେପି ନେତା ଆହୁରି କହିଛନ୍ତି ଯେ, 'କଂଗ୍ରେସ କାର୍ଯ୍ୟକାଳ ସମୟରେ ହିଂସା ଏବଂ ବାରମ୍ବାର ଆକ୍ରମଣକୁ ରାଜ୍ୟବାସୀ ଭୁଲି ନାହାଁନ୍ତି । ତେଣୁ ଏଠାରେ ଦ୍ୱିତୀୟ ଥର ପାଇଁ ବିଜେପି ସରକାର ଗଠନ ହେବା ନିଶ୍ଚିତ । କଂଗ୍ରେସ ଶାସନ କାଳରେ ଆସାମରେ ହିଂସା, ଧର୍ମଘଟ ନିୟନ୍ତ୍ରଣ ବାହାରେ ରହିଥିଲା । ଆଜି, ନୂଆ ପିଢୀର ପିଲାମାନେ ସେହି ସମୟରେ ପରିବେଶ କିପରି ଥିଲା ତାହା ଭୁଲି ଯାଇଛନ୍ତି । କେବଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବ୍ୟକ୍ତିଗତ ଆଗ୍ରହ ଯୋଗୁଁ ଏହା ସମ୍ଭବ ହୋଇଛି । କଂଗ୍ରେସ ଦଳକୁ ଟାର୍ଗେଟ କରି ମନ୍ତ୍ରୀ ଜିତେନ୍ଦ୍ର ସିଂ ଆହୁରି କହିଛନ୍ତି, 'ବିଜେପି ଏକ ପ୍ରକ୍ରିୟା ମାଧ୍ୟମରେ କାମ କରେ, କିନ୍ତୁ କଂଗ୍ରେସରେ ପ୍ରାର୍ଥୀଙ୍କ ନାମ ରୋଷେଇ ଘରେ ସ୍ଥିର ହୋଇଥାଏ ।'
Click it and Unblock the Notifications
Sign in with Google