ବିଦେଶ ମାମଲାରେ କିଛି କୁହନ୍ତୁନି କେଜ୍ରିୱାଲ, ସିଙ୍ଗାପୁର ସହ ଖରାପ ହୋଇପାରେ ସମ୍ପର୍କ : ଜୟଶଙ୍କର
ଅରବିନ୍ଦ କେଜ୍ରିୱାଲଙ୍କ ବିବୃତ୍ତିରେ ଏସ ଜୟଶଙ୍କର ଅସନ୍ତୋଷ ବ୍ୟକ୍ତ କରିଛନ୍ତି ଯେ ତାଙ୍କର ଦାୟିତ୍ୱହୀନ ବିବୃତ୍ତି ସିଙ୍ଗାପୁର ସହ ଆମର ସମ୍ପର୍କକୁ ଖରାପ କରିପାରେ ।
ନୂଆଦିଲ୍ଲୀ : ସିଙ୍ଗାପୁରରେ କରୋନା ଭାଇରସର ନୂଆ ଷ୍ଟ୍ରେନ୍ ବିସ୍ତାରକୁ ଦୃଷ୍ଟିରେ ରଖି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ତୁରନ୍ତ ସିଙ୍ଗାପୁରରୁ ବିମାନ ଉଡ଼ାଣକୁ ବାତିଲ କରିବାକୁ କେନ୍ଦ୍ର ସରକାରଙ୍କ ନିକଟରେ ଦାବି କରିଥିଲେ । କେଜ୍ରିୱାଲଙ୍କ ଏହି ଦାବି ଉପରେ ବୈଦେଶିକ ମନ୍ତ୍ରୀ ଏସ ଜୟଶଙ୍କରଙ୍କ ପ୍ରତିକ୍ରିୟା ଆସିଛି । ବୈଦେଶିକ ମନ୍ତ୍ରୀ କହିଛନ୍ତି ଯେ କରୋନା ମହାମାରୀ ବିରୋଧରେ ଭାରତ ଏବଂ ସିଙ୍ଗାପୁର ମିଳିତ ଲଢେଇ କରୁଛନ୍ତି । ଅରବିନ୍ଦ କେଜ୍ରିୱାଲଙ୍କ ବିବୃତ୍ତିରେ ଏସ ଜୟଶଙ୍କର ଅସନ୍ତୋଷ ବ୍ୟକ୍ତ କରିଛନ୍ତି ଯେ ତାଙ୍କର ଦାୟିତ୍ୱହୀନ ବିବୃତ୍ତି ସିଙ୍ଗାପୁର ସହ ଆମର ସମ୍ପର୍କକୁ ଖରାପ କରିପାରେ ।
ଦିଲ୍ଲୀର ମୁଖ୍ୟମନ୍ତ୍ରୀଙ୍କ ବୟାନ ଭାରତ ପାଇଁ ନୁହେଁ : ଏସ୍ ଜୟଶଙ୍କର
ଅରବିନ୍ଦ କେଜ୍ରିୱାଲଙ୍କ ବିବୃତ୍ତିରେ ବୈଦେଶିକ ମନ୍ତ୍ରୀ ଏସ ଜୟଶଙ୍କର ଟ୍ୱିଟ କରିଛନ୍ତି । ତାଙ୍କ ଟ୍ୱିଟ୍ରେ ସେ କହିଛନ୍ତି, "ଭାରତ ଏବଂ ସିଙ୍ଗାପୁର କୋଭିଡ୍ 19 ବିରୋଧରେ ମିଳିତ ଭାବେ ଲଢେଇ କରୁଛନ୍ତି । କେଜ୍ରିୱାଲଙ୍କ ଦାୟିତ୍ୱହୀନ ମନ୍ତବ୍ୟ ଦୀର୍ଘ ଦିନର ସହଭାଗୀତାକୁ କ୍ଷତି ପହଞ୍ଚାଇପାରେ । ମୁଁ ସ୍ପଷ୍ଟ କରିଦେଉଛି, ଦିଲ୍ଲୀ ମୁଖ୍ୟମନ୍ତ୍ରୀ ଭାରତ ପାଇଁ କୁହନ୍ତି ନାହିଁ ।
Singapore and India have been solid partners in the fight against #COVID19...However, irresponsible comments from those who should know better can damage long-standing partnerships. So, let me clarify- Delhi CM does not speak for India: EAM Dr S Jaishankar pic.twitter.com/UGm8jWS5xW
— ANI (@ANI) May 19, 2021
ଏସ୍ ଜୟଶଙ୍କରଙ୍କ ବିବୃତ୍ତିରେ ସିଙ୍ଗାପୁରର ବୈଦେଶିକ ମନ୍ତ୍ରୀ ବିବିୟନ୍ ବାଲାକ୍ରିଷ୍ଣନ୍ ମଧ୍ୟ ପ୍ରତିକ୍ରିୟା ରଖିଛନ୍ତି । ଜୟଶଙ୍କରଙ୍କ ଟ୍ୱିଟର ଉଦ୍ଧୃତ କରି ସେ ଲେଖିଛନ୍ତି, "ଧନ୍ୟବାଦ। ଆମ ଦେଶରେ ସ୍ଥିତିର ଉନ୍ନତି ପାଇଁ ଆମେ ଧ୍ୟାନ ଦେଉଛୁ, ଯେପର୍ଯ୍ୟନ୍ତ ସମସ୍ତେ ସୁରକ୍ଷିତ ନୁହେଁ, କେହି ସୁରକ୍ଷିତ ରହିବେ ନାହିଁ ।"
Thanks @DrSJaishankar let’s focus on resolving the situation in our respective countries and helping one another. Nobody is safe until everyone is safe. https://t.co/2ofAZbGw9k
— Vivian Balakrishnan (@VivianBala) May 19, 2021
କ'ଣ କହିଥିଲେ ଅରବିନ୍ଦ କେଜ୍ରିୱାଲ ?
ଆମେ ଆପଣଙ୍କୁ କହିରରଖୁଛୁ, ଅରବିନ୍ଦ କେଜ୍ରିୱାଲ ସୋମବାର କେନ୍ଦ୍ର ସରକାରଙ୍କ ଠାରୁ ଦାବି କରିଛନ୍ତି ଯେ ସିଙ୍ଗାପୁରର କରୋନାର ନୂଆ ଷ୍ଟ୍ରେନ୍ ପିଲାମାନଙ୍କ ପାଇଁ ଅତ୍ୟନ୍ତ ମାରାତ୍ମକ ଅଟେ । କେଜ୍ରିୱାଲ କହିଥିଲେ ଯେ ଏହି ଷ୍ଟ୍ରେନ୍ ଯୋଗୁଁ ଭାରତରେ ତୃତୀୟ ଲହର ଆଣିପାରେ । ତେଣୁ ସିଙ୍ଗାପୁର ସହିତ ବିମାନ ସେବାକୁ ତୁରନ୍ତ ସ୍ଥଗିତ ରଖିବାକୁ ମୁଁ ସରକାରଙ୍କୁ ନିବେଦନ କରୁଛି । ଏହା ବ୍ୟତୀତ କେଜ୍ରିୱାଲ ଏହା ମଧ୍ୟ କହିଛନ୍ତି ଯେ ପିଲାମାନଙ୍କ ପାଇଁ ଟିକା ବିକଳ୍ପ ମଧ୍ୟ ପ୍ରାଥମିକତା ଉପରେ କାର୍ଯ୍ୟ କରାଯିବା ଉଚିତ୍ ।
Click it and Unblock the Notifications
Sign in with Google