ଗୋଆରେ ମୁଖ୍ୟମନ୍ତ୍ରୀ ପ୍ରାର୍ଥୀ ନାମ ଘୋଷଣା କଲା AAP, ଅମିତ ପାଲେକର ହେବେ ମୁଖ୍ୟମନ୍ତ୍ରୀ ଚେହେରା

ପଞ୍ଜାବ ପରେ ବର୍ତ୍ତମାନ ଆମ୍ ଆଦମୀ ପାର୍ଟି (AAP) ର ଜାତୀୟ ସଂଯୋଜକ ଅରବିନ୍ଦ କେଜ୍ରିୱାଲ ଗୋଆ ପାଇଁ ଦଳର ମୁଖ୍ୟମନ୍ତ୍ରୀ ଚେହେରାଙ୍କ ନାମ ପ୍ରକାଶ କରିଛନ୍ତି । ଗୋଆ ବିଧାନସଭା ନିର୍ବାଚନ ପାଇଁ ଅମିତ ପାଲେକରଙ୍କୁ ସିଏମ୍ ଚେହେରା ଭାବରେ ଘୋଷଣା କରାଯାଇଛି ।

ପାନାଜୀ : ପଞ୍ଜାବ ପରେ ବର୍ତ୍ତମାନ ଆମ୍ ଆଦମୀ ପାର୍ଟି (AAP) ର ଜାତୀୟ ସଂଯୋଜକ ଅରବିନ୍ଦ କେଜ୍ରିୱାଲ ଗୋଆ ପାଇଁ ଦଳର ମୁଖ୍ୟମନ୍ତ୍ରୀ ଚେହେରାଙ୍କ ନାମ ପ୍ରକାଶ କରିଛନ୍ତି । ଗୋଆ ବିଧାନସଭା ନିର୍ବାଚନ ପାଇଁ ଅମିତ ପାଲେକରଙ୍କୁ ସିଏମ୍ ଚେହେରା ଭାବରେ ଘୋଷଣା କରାଯାଇଛି ।

ପଞ୍ଜାବରେ ଆମ୍ ଆଦମୀ ପାର୍ଟି ଭଗୱନ୍ତ ମାନ୍ ଙ୍କୁ ସିଏମ୍ ପ୍ରାର୍ଥୀ ଭାବେ ଘୋଷଣା କରିଥିଲା । ଗୋଆ ସମେତ ପାଞ୍ଚଟି ରାଜ୍ୟରେ ନିର୍ବାଚନ ତାରିଖ ଘୋଷଣା ହଇସାରିଛି । ଗୋଆରେ ବିଧାନସଭା ନିର୍ବାଚନ ପାଇଁ ଫେବୃଆରୀ 14 ରେ ମତଦାନ ହେବ ଏବଂ ଫଳାଫଳ ମାର୍ଚ୍ଚ 10 ରେ ଘୋଷଣା କରାଯିବା ନେଇ ନିର୍ବାଚନ କମିଶନ ଘୋଷଣା କରିସାରିଛନ୍ତି ।

ଗୋଆରେ, AAP ର CM ପ୍ରାର୍ଥୀ ଅମିତ ପାଲେକର ବୃତ୍ତିରେ ଜଣେ ଓକିଲ ଏବଂ ଭଣ୍ଡାରୀ ସମ୍ପ୍ରଦାୟର ଅଟନ୍ତି । ଦିଲ୍ଲୀର ସିଏମ୍ ଅରବିନ୍ଦ କେଜ୍ରିୱାଲ ମଙ୍ଗଳବାର ଦିନ ଗୋଆରେ ପହଞ୍ଚି ଆଜି (ବୁଧବାର) ରାଜ୍ୟରେ ଦଳର ସିଏମ୍ ପ୍ରାର୍ଥୀଙ୍କ ନାମ ଘୋଷଣା କରିଛନ୍ତି ।

ଗୋଆରେ ଆମ୍ ଆଦମୀ ପାର୍ଟି ସମସ୍ତ 40 ଟି ବିଧାନସଭା ଆସନରେ ପ୍ରତିଦ୍ୱନ୍ଦ୍ୱିତା କରିବ । ଏକ ସାମ୍ବାଦିକ ସମ୍ମିଳନୀରେ କେଜିୱାଲ କହିଛନ୍ତି ଯେ ଗୋଆର ଲୋକମାନେ ସତ୍ତାରେ ଥିବା ଦଳକୁ ନେଇ ଅସନ୍ତୁଷ୍ଟ ଅଛନ୍ତି, ସେମାନେ ନେତାଙ୍କ ଉପରେ ଅସନ୍ତୋଷ ପ୍ରକାଶ କରିଛନ୍ତି । ଏହି ନେତା ମାନେ ରାଜନୀତିକୁ ଅକ୍ତିଆର କରିଛନ୍ତି । କ୍ଷମତାରେ ରହି ଟଙ୍କା ରୋଜଗାର କରନ୍ତି ଏବଂ ତା'ପରେ ସେହି ଟଙ୍କା ସହିତ କ୍ଷମତାକୁ ଆସନ୍ତି ।

गोवा के लिए आम आदमी पार्टी के लिए मुख्यमंत्री पद का चेहरा अमित पालेकर होंगे: दिल्ली के मुख्यमंत्री अरविंद केजरीवाल #GoaElections pic.twitter.com/jxA0O3X7mG

— ANI_HindiNews (@AHindinews) January 19, 2022

ସିଏମ୍ ଅରବିନ୍ଦ କେଜ୍ରିୱାଲ ଆହୁରି କହିଛନ୍ତି, 'ଗୋଆର ଲୋକମାନେ ଏଥର ପରିବର୍ତ୍ତନ ଚାହୁଁଛନ୍ତି । ପୂର୍ବରୁ ସେମାନଙ୍କର କୌଣସି ବିକଳ୍ପ ନଥିଲା, କିନ୍ତୁ ବର୍ତ୍ତମାନ ଆମ୍ ଆଦମୀ ପାର୍ଟି ଆସିଛି । ଆମେ ଅନେକ ସାଧାରଣ ଲୋକଙ୍କୁ ଟିକେଟ୍ ଦେଇଛୁ ଯେଉଁମାନେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରନ୍ତି ନାହିଁ । ଆମେ ଗୋଆକୁ ଏକ ଚେହେରା ଦେଉଛୁ ଯାହା ହୃଦୟରେ ଗୋଆ ଅଛି । ସେ ଗୋଆ ପାଇଁ ମଧ୍ୟ ନିଜ ଜୀବନ ଦେଇପାରନ୍ତି । ସେ ସମସ୍ତ ଧର୍ମର ଲୋକଙ୍କୁ ସାଙ୍ଗରେ ନେଇ ଚାଲିବେ । ସେ ନିଶ୍ଚୟ ଶିକ୍ଷିତ ହୋଇଥିବେ, ଯାହାକୁ କେହି ବୋକା ବନାଇ ପାରିବେ ନାହିଁ ।'

English summary

Amit Palekar will be AAP chief ministerial candidate for the Goa Assembly polls 2022