ସାଂସଦଙ୍କ ନିଲମ୍ବନ ପ୍ରତ୍ୟାହାର ଦାବିରେ 50 ଘଣ୍ଟା ଧରି ଧାରଣାରେ ବସିବେ ବିରୋଧୀ

24 ନିଲମ୍ବିତ ସାଂସଦଙ୍କ ସହ ବର୍ତ୍ତମାନ ସମସ୍ତ ବିରୋଧୀ ଦଳ ଆସିଛନ୍ତି । କେବଳ ଏତିକି ନୁହେଁ, 20 ଜଣ ରାଜ୍ୟସଭା ସାଂସଦ ଏବଂ ଚାରି ଜଣ ଲୋକସଭା ସାଂସଦଙ୍କ ନିଲମ୍ବନକୁ ପ୍ରତ୍ୟାହାର କରିବା ପାଇଁ ବିରୋଧୀମାନେ ଦିନରାତି ଧର୍ମଘଟକୁ 50 ଘଣ୍ଟା ଜାରି ରଖିବେ ।

ନୂଆଦିଲ୍ଲୀ : ସଂସଦର ମୌସୁମୀ ଅଧିବେଶନ ଆରମ୍ଭ ହେବା ଦିନ ଠାରୁ ଗୋଟିଏ ଦିନ ମଧ୍ୟ ଗୃହ ସ୍ୱାଭାବିକ ଭାବେ ଚାଲିପାରି ନାହିଁ । ମହଙ୍ଗା ବୃଦ୍ଧି, ଜିଏସଟି, ପେଟ୍ରୋଲ - ଡିଜେଲ ଦର ବୃଦ୍ଧି ଆଦି ପ୍ରସଙ୍ଗରେ ବିରୋଧୀ ବାରମ୍ବାର ସରକାରକୁ ଘେରିବାକୁ ପ୍ରୟାସ କରୁଛନ୍ତି । ପ୍ରତିଦିନ ଉଭୟ ଗୃହରେ ବିରୋଧୀଙ୍କ ବିକ୍ଷୋଭ ପ୍ରଦର୍ଶନ ଯୋଗୁଁ ବାରମ୍ବାର ଗୃହ ମୁଲତବୀ ଘୋଷଣା ହେଉଛି । ଏପରିକି ଏହି ସମୟରେ 20 ରାଜ୍ୟସଭା ସାସଂଦ ଓ 4 ଲୋକସଭା ସାଂସଦଙ୍କୁ ନିଲମ୍ବନ କରାଯାଇଛି ।

ଏହି 24 ନିଲମ୍ବିତ ସାଂସଦଙ୍କ ସହ ବର୍ତ୍ତମାନ ସମସ୍ତ ବିରୋଧୀ ଦଳ ଆସିଛନ୍ତି । କେବଳ ଏତିକି ନୁହେଁ, 20 ଜଣ ରାଜ୍ୟସଭା ସାଂସଦ ଏବଂ ଚାରି ଜଣ ଲୋକସଭା ସାଂସଦଙ୍କ ନିଲମ୍ବନକୁ ପ୍ରତ୍ୟାହାର କରିବା ପାଇଁ ବିରୋଧୀମାନେ ଦିନରାତି ଧର୍ମଘଟକୁ 50 ଘଣ୍ଟା ଜାରି ରଖିବାକୁ ଘୋଷଣା କରିଛନ୍ତି ।
ଆପଣଙ୍କୁ କହି ରଖୁଛୁ 26 ଜୁଲାଇ ମଙ୍ଗଳବାର ଦିନ 19 ସାଂସଦଙ୍କୁ ଏହି ସପ୍ତାହର ରାଜ୍ୟସଭା ପ୍ରକ୍ରିୟାରୁ ନିଲମ୍ବିତ କରାଯାଇଛି । ଏଥି ସହିତ ଆଜି ମଧ୍ୟ ଡେପୁଟି ଚେୟାରମ୍ୟାନ୍ ରାଜ୍ୟସଭା ଆହୁରି ପାଞ୍ଚଜଣ ସାଂସଦଙ୍କ ବିରୋଧରେ ଏକ ବଡ ପଦକ୍ଷେପ ନେଇଛନ୍ତି । ଯେଉଁଥିରେ AAP ସାଂସଦ ସଞ୍ଜୟ ସିଂହ ମଧ୍ୟ ଅଛନ୍ତି ।

ମଙ୍ଗଳବାର ଦିନ ଗୃହରେ ସ୍ଲୋଗାନ ଦେବା, କାଗଜପତ୍ର ଛିଣ୍ଡାଇ ପୋଡିୟମ ଆଡକୁ ଫିଙ୍ଗି ବା ନେଇ ରାଜ୍ୟସଭାର ଡେପୁଟି ଚେୟାରମ୍ୟାନ୍ ସପ୍ତାହର ବାକି ଦିନ ପାଇଁ ଗୃହ କାର୍ଯ୍ୟରୁ ଏଏପି ସାଂସଦ ସଞ୍ଜୟ ସିଂହଙ୍କୁ ନିଲମ୍ବନ କରିଛନ୍ତି । ଏହା ପରେ ସଞ୍ଜୟ ସିଂହ ହେଉଛନ୍ତି 20 ତମ ରାଜ୍ୟସଭା ସାଂସଦ, ଯିଏକି ପ୍ରକ୍ରିୟାରେ ବାଧା ସୃଷ୍ଟି କରିଥିବାରୁ ତାଙ୍କୁ ନିଲମ୍ବିତ କରାଯାଇଛି ।

ଏଥିସହ ତାଙ୍କ ବିରୋଧରେ ନିଆଯାଇଥିବା କାର୍ଯ୍ୟାନୁଷ୍ଠାନ ବିରୋଧରେ AAP ସାଂସଦ ଟ୍ୱିଟ୍ କରି ଲେଖିଛନ୍ତି, 'ଯଦିଓ ମୋଦୀ ଜୀ ମୋତେ ନିଲମ୍ବନ କରିଛନ୍ତି, କିନ୍ତୁ ଗୁଜୁରାଟରେ ବିଷାକ୍ତ ମଦ ଯୋଗୁଁ 55 ଜଣଙ୍କ ମୃତ୍ୟୁର ଜବାବ ମାଗିବା ଜାରି ରଖିବି । ମୁଁ ବର୍ତ୍ତମାନ ଗହରେ ଅଛି । ଏହାପୂର୍ବରୁ ଗୁଜୁରାଟରେ ନକଲି ମଦ କାରଣରୁ ମୃତ୍ୟୁ ପ୍ରସଙ୍ଗରେ ସଂସଦ ପରିସରରେ ଗାନ୍ଧୀ ପ୍ରତିମୂର୍ତ୍ତି ନିକଟରେ ବିରୋଧ କରୁଥିବାବେଳେ AAP ସାଂସଦମାନେ ସ୍ଲୋଗାନ ଦେଇଥିଲେ ।

English summary

All opposition parties Will Protest Against suspension of 24 MPs