ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ ଅଖିଳେଶ ଯାଦବ

ସମାଜବାଦୀ ପାର୍ଟି ସଭାପତି ଅଖିଳେଶ ଯାଦବ ସୋମବାର କହିଛନ୍ତି ଯେ ସେ ଆସନ୍ତା ବର୍ଷ ଉତ୍ତରପ୍ରଦେଶ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ ।

ଲକ୍ଷ୍ନୌ : ସମାଜବାଦୀ ପାର୍ଟି ସଭାପତି ଅଖିଳେଶ ଯାଦବ ସୋମବାର କହିଛନ୍ତି ଯେ ସେ ଆସନ୍ତା ବର୍ଷ ଉତ୍ତରପ୍ରଦେଶ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ । ସେ ଆହୁରି ମଧ୍ୟ କହିଛନ୍ତି ଯେ ନିର୍ବାଚନ ପାଇଁ ତାଙ୍କ ଦଳ ଏବଂ ରାଷ୍ଟ୍ରୀୟ ଲୋକ ଦଳ (ଆରଏଲଡି) ମଧ୍ୟରେ ମିଳିତ ମଞ୍ଚ ହୋଇଛି । ପିଟିଆଇକୁ ଦେଇଥିବା ଏକ ସାକ୍ଷାତକାରରେ ଅଖିଳେଶ ଯାଦବ କହିଛନ୍ତି, "ଆରଏଲଡି ସହ ଆମର ମିଳିତମଞ୍ଚ ଚୂଡାନ୍ତ ହୋଇଛି । ସିଟ୍ ବଣ୍ଟନ ହେବ ।" ଅଖିଳେଶ ଯାଦବ ଆଜମଗଡର ସାଂସଦ ଏବଂ ଏସପିର ମୁଖ୍ୟମନ୍ତ୍ରୀ ଚେହେରା ।

ଉତ୍ତରପ୍ରଦେଶ 2022 ନିର୍ବାଚନରେ ଶିବପାଲ ଯାଦବଙ୍କ ପ୍ରଗତିଶୀଳ ସମାଜବାଦୀ ପାର୍ଟି ଲୋହିଆ (PSPL) ସହିତ ଗଠବନ୍ଧନ ହେବାର ସମ୍ଭାବନା ଉପରେ ଅଖିଳେଶ କହିଛନ୍ତି ଯେ "ମୋର ଏଥିରେ କୌଣସି ଅସୁବିଧା ନାହିଁ । ସେମାନଙ୍କ ଦଳ ଏବଂ ଦଳର ଲୋଙ୍କୁ ଉଚିତ୍ ସମ୍ମାନ ଦିଆଯିବ ।"

ଅନ୍ୟପକ୍ଷରେ ଆଲିଗଡରେ ଶିବପାଲ ଯାଦବ କହିଛନ୍ତି ଯେ ଯଦି ତାଙ୍କ କର୍ମୀମାନେ ସମ୍ମାନ ପାଆନ୍ତି ତେବେ ସେ ସମାଜବାଦୀ ପାର୍ଟି ସହିତ ମିଶ୍ରଣ କରିବାକୁ ପ୍ରସ୍ତୁତ ଅଛନ୍ତି । ଶିବପାଲ କହିଛନ୍ତି ଯେ ବିଜେପି ସରକାରରେ ଆଇନ ଶୃଙ୍ଖଳା ଏବଂ ମୁଦ୍ରାସ୍ଫୀତି ସାଧାରଣ ଲୋକଙ୍କ ଉପରେ ଦାଉ ସାଜିଝି । କୌଣସି ସ୍ଥାନ ଏବଂ କୌଣସି ଅନୁଷ୍ଠାନର ନାମ ପରିବର୍ତ୍ତନ କରିବା ଦ୍ୱାରା ବିକାଶ ହୋଇପାରିବ ନାହିଁ, କିନ୍ତୁ ଏଥିପାଇଁ କାର୍ଯ୍ୟ କରିବାକୁ ପଡିବ, ଯାହା ବିଜେପି ସରକାର କରୁନାହାଁନ୍ତି । ସେ କହିଛନ୍ତି ଯେ ସବକା ସାଥ, ସାବକା ବିକାଶ, ସାବକା ବିଶ୍ୱାସ ସ୍ଲୋଗାନ ଦେଇ ମଧ୍ୟ ସେମାନେ ଲୋକମାନଙ୍କୁ ଠକିଛନ୍ତି ।

ରବିବାର ଦିନ ଏସପି ସଭାପତି ଅଖିଳେଶ ଯାଦବ ଦାବି କରିଛନ୍ତି ଯେ ଉତ୍ତର ପ୍ରଦେଶର ସମସ୍ତ ବର୍ଗର ଲୋକମାନେ 2022 ବିଧାନସଭା ନିର୍ବାଚନରେ ତାଙ୍କ ଦଳକୁ ରାଜ୍ୟକୁ ଆଣିବା ପାଇଁ ନିଷ୍ପତ୍ତି ନେଇଛନ୍ତି । ହରଦୋଇରେ ଏକ ସାଧାରଣ ସଭାକୁ ସମ୍ବୋଧିତ କରି ସେ କହିଛନ୍ତି ଯେ ଏସପି କ୍ଷମତାକୁ ଆସିବା ପରେ ଉତ୍ତରପ୍ରଦେଶ ସମୃଦ୍ଧି ପଥକୁ ଫେରିବ ।

English summary

Akhilesh Yadav Will Not Contest In UP Assembly Election