ଉତ୍ତରପ୍ରଦେଶ ନିର୍ବାଚନ 2022 : ବିଧାୟକ ସୁଭାଷ ପାସିଙ୍କୁ ଦଳରୁ ବହିଷ୍କାର କଲେ ଅଖିଳେଶ ଯାଦବ, ଆଜି ବିଜେପିରେ ଯୋଗଦେବେ !

ସମାଜବାଦୀ ପାର୍ଟି ବିଧାୟକ ସୁଭାଷ ପାସି ବିଜେପିରେ ଯୋଗଦେବା ନେଇ କଳ୍ପନାଜଳ୍ପନା ମଧ୍ୟରେ ଦଳ ତାଙ୍କୁ ବାହାରର ରାସ୍ତା ଦେଖାଇଛି । ସମାଜବାଦୀ ପାର୍ଟିର ଅଫିସିଆଲ ଟ୍ୱିଟର ହ୍ୟାଣ୍ଡେଲରୁ ଟ୍ୱିଟ୍ କରି ସୂଚନା ଦିଆଯାଇଛି ।

Published: Tuesday, November 2, 2021, 13:54 [IST]

ଲକ୍ଷ୍ନୌ : ଉତ୍ତରପ୍ରଦେଶରେ ହେବାକୁ ଥିବା ବିଧାନସଭା ନିର୍ବାଚନ ପୂର୍ବରୁ ନେତାଙ୍କ ଦଳବଦଳ ଜାରି ରହିଛି । ସମାଜବାଦୀ ପାର୍ଟି ବିଧାୟକ ସୁଭାଷ ପାସି ବିଜେପିରେ ଯୋଗଦେବା ନେଇ କଳ୍ପନାଜଳ୍ପନା ମଧ୍ୟରେ ଦଳ ତାଙ୍କୁ ବାହାରର ରାସ୍ତା ଦେଖାଇଛି । ସମାଜବାଦୀ ପାର୍ଟିର ଅଫିସିଆଲ ଟ୍ୱିଟର ହ୍ୟାଣ୍ଡେଲରୁ ଟ୍ୱିଟ୍ କରି ସୂଚନା ଦିଆଯାଇଛି ଯେ, ଗାଜୀପୁରର ସୈଦପୁର ବିଧାନସଭା ପକ୍ଷରୁ ଏସପି ବିଧାୟକ ସୁଭାଷ ପାସିଙ୍କୁ ଦଳ ବିରୋଧୀ କାର୍ଯ୍ୟକଳାପରେ ସାମିଲ ଥିବାରୁ ତାଙ୍କୁ ଦଳରୁ ବହିଷ୍କୃତ କରାଯାଇଛି ।

କୁହାଯାଉଛି ସୁଭାଷ ପାସି ଶୀଘ୍ର ବିଜେପିରେ ଯୋଗ ଦେଇପାରନ୍ତି । ସୁଭାଷ ଦିଲ୍ଲୀରେ ଗୃହମନ୍ତ୍ରୀ ଅମିତ ଶାହା ଏବଂ ସୋମବାର ଦିନ ଲକ୍ଷ୍ନୌରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଭେଟିଛନ୍ତି । ସୁଭାଷ ପାସି ମଙ୍ଗଳବାର ଅର୍ଥାତ୍ ଆଜି ଅପରାହ୍ନରେ ବିଜେପିରେ ଯୋଗ ଦେଇପାରନ୍ତି । ଏହି ସମୟରେ ବିଜେପି ପ୍ରଭାରୀ ରାଧା ମୋହନ ସିଂହ ଏବଂ ରାଜ୍ୟ ଅଧ୍ୟକ୍ଷ ସ୍ୱତନ୍ତ୍ର ଦେବ ସିଂହ ଉପସ୍ଥିତ ରହିବେ ।

गाजीपुर की सैदपुर विधानसभा से सपा विधायक सुभाष पासी जी को पार्टी विरोधी गतिविधियों में शामिल होने के कारण पार्टी से निष्कासित किया जाता है।
— Samajwadi Party (@samajwadiparty) November 2, 2021