ରାଜନୀତିରୁ ଅବସର ଘୋଷଣା କଲେ ଏ.କେ ଆଣ୍ଟୋନୀ, କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷଙ୍କୁ ଲେଖିଲେ ଚିଠି
ଏ.କେ ଆଣ୍ଟୋନୀ ବର୍ତ୍ତମାନ କେରଳର ଜଣେ ରାଜ୍ୟସଭା ସାଂସଦ ଏବଂ ତାଙ୍କର କାର୍ଯ୍ୟକାଳ ଅପ୍ରେଲ 2 ରେ ଶେଷ ହେବ । ସେ 1970 ମସିହାରେ ପ୍ରଥମ ଥର ପାଇଁ ବିଧାୟକ ଭାବେ ନିର୍ବାଚିତ ହୋଇଥିଲେ ଏବଂ 52 ବର୍ଷ ଧରି ରାଜନୀତିରେ ସକ୍ରିୟ ଥିଲେ ।
ନୂଆଦିଲ୍ଲୀ : କଂଗ୍ରେସର ବରିଷ୍ଠ ନେତା ତଥା ପୂର୍ବତନ କେନ୍ଦ୍ର ମନ୍ତ୍ରୀ ଏ.କେ ଆଣ୍ଟୋନୀ ରାଜନୀତିରୁ ଅବସର ନେଇ ଘୋଷଣା କରିଛନ୍ତି । ବର୍ତ୍ତମାନ ଏ.କେ ଆଣ୍ଟୋନୀ କୌଣସି ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ । ଆଣ୍ଟୋନୀ କଂଗ୍ରେସର ମଧ୍ୟବର୍ତ୍ତୀକାଳୀନ ଅଧ୍ୟକ୍ଷ ସୋନିଆ ଗାନ୍ଧୀଙ୍କୁ ଚିଠି ଲେଖି କହିଛନ୍ତି ଯେ ସେ ବର୍ତ୍ତମାନ ସକ୍ରିୟ ରାଜନୀତିରୁ ଅବସର ନେବାକୁ ଚାହୁଁଛନ୍ତି ।
ଏ.କେ ଆଣ୍ଟୋନୀ ବର୍ତ୍ତମାନ କେରଳର ଜଣେ ରାଜ୍ୟସଭା ସାଂସଦ ଏବଂ ତାଙ୍କର କାର୍ଯ୍ୟକାଳ ଅପ୍ରେଲ 2 ରେ ଶେଷ ହେବ । ସେ 1970 ମସିହାରେ ପ୍ରଥମ ଥର ପାଇଁ ବିଧାୟକ ଭାବେ ନିର୍ବାଚିତ ହୋଇଥିଲେ ଏବଂ 52 ବର୍ଷ ଧରି ରାଜନୀତିରେ ସକ୍ରିୟ ଥିଲେ ।
କେରଳରେ ଗତ ବର୍ଷର ବିଧାନସଭା ନିର୍ବାଚନ ସମୟରେ ଆଣ୍ଟୋନୀ କହିଥିଲେ ଯେ ସେ ବର୍ତ୍ତମାନ ନିର୍ବାଚନ ରାଜନୀତିରୁ ଅବସର ନେବାକୁ ଚାହୁଁଛନ୍ତି । 81 ବରଷୀୟ ଆଣ୍ଟୋନୀ କହିଛନ୍ତି ଯେ ମୁଁ ସକ୍ରିୟ ରାଜନୀତି ଛାଡିବା ବିଷୟରେ ସୋନିଆ ଜୀଙ୍କୁ ସୂଚନା ଦେଇଛି । ମୁଁ ସୋନିଆ ଗାନ୍ଧୀଙ୍କୁ କିଛି ମାସ ପୂର୍ବରୁ ଅନୌପଚାରିକ ଭାବରେ ଏ ବିଷୟରେ ଜଣାଇଥିଲି ।
ଆପଣଙ୍କୁ କହି ରଖୁଛୁ 52 ବର୍ଷର ରାଜନୈତିକ କ୍ୟାରିୟରରେ ଆଣ୍ଟୋନୀ କେରଳର କେନ୍ଦ୍ର ମନ୍ତ୍ରୀ ତଥା ମୁଖ୍ୟମନ୍ତ୍ରୀ ଭାବରେ ତିନି ତିନି ଥର କାର୍ଯ୍ୟ କରିଛନ୍ତି । ମାର୍ଚ୍ଚ 31 ରେ କେରଳର ତିନୋଟି ରାଜ୍ୟସଭା ଆସନ ପାଇଁ ନିର୍ବାଚନ ଅନୁଷ୍ଠିତ ହେବ । ମଙ୍ଗଳବାର ଦିନ ଥିରୁଅନନ୍ତପୁରମରେ ସାମ୍ବାଦିକମାନଙ୍କ ସହ କଥାବାର୍ତ୍ତା କରି 81 ବର୍ଷୀୟ ଆଣ୍ଟୋନୀ ରାଜ୍ୟସଭାରେ ଦଳର ପ୍ରତିନିଧିତ୍ୱ କରିବାକୁ ତାଙ୍କୁ ଦିଆଯାଇଥିବା ସୁଯୋଗ ପାଇଁ କଂଗ୍ରେସ ଅଧ୍ୟକ୍ଷ ସୋନିଆ ଗାନ୍ଧୀଙ୍କୁ ଧନ୍ୟବାଦ ଜଣାଇଛନ୍ତି ।
ଏ.କେ ଆଣ୍ଟୋନୀ ଏକ ବର୍ଷ ପାଇଁ କଂଗ୍ରେସ ସଂସଦୀୟ କମିଟିର ଅଧ୍ୟକ୍ଷ ଥିଲେ ଏବଂ ପାଞ୍ଚଥର ବିଧାନସଭାକୁ ନିର୍ବାଚିତ ହୋଇଥିଲେ । ଏହା ବ୍ୟତୀତ ଏ.କେ ଆଣ୍ଟୋନୀ ତିନି ଥର କେନ୍ଦ୍ରମନ୍ତ୍ରୀ ଥିବାବେଳେ ପାଞ୍ଚ ଥର ରାଜ୍ୟସଭାକୁ ନିର୍ବାଚିତ ହୋଇଛନ୍ତି । 37 ବର୍ଷ ବୟସରେ ଆଣ୍ଟୋନୀ କେରଳର ମୁଖ୍ୟମନ୍ତ୍ରୀ ହୋଇଥିଲେ ଏବଂ ତିନିଥର କେରଳର ମୁଖ୍ୟମନ୍ତ୍ରୀ ଭାବେ ଶାସନ ଭାର ସମ୍ଭାଳିଛନ୍ତି ।
Click it and Unblock the Notifications
Sign in with Google