କେଜ୍ରିୱାଲଙ୍କ ଦାବି - ଆଇବି ରିପୋର୍ଟ ଅନୁଯାୟୀ ଗୁଜୁରାଟରେ ଗଠନ ହେବ AAP ସରକାର

ରବିବାର ଦିନ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ୍ ଆଦମୀ ପାର୍ଟି ମୁଖ୍ୟ ଅରବିନ୍ଦ କେଜ୍ରିୱାଲ ଏକ ନୂତନ ଦାବି କରିଛନ୍ତି । ସେ ଦାବି କରୁଛନ୍ତି ଯେ ଗୁଜୁରାଟରେ ଆମ୍ ଆଦମୀ ପାର୍ଟି ସରକାର ଗଠନ ହେବ ।

Updated: Sunday, October 2, 2022, 16:43 [IST]

ନୂଆଦିଲ୍ଲୀ : ଗୁଜୁରାଟ ବିଧାନସଭାକୁ ଦୃଷ୍ଟିରେ ରଖି ଆମ୍ ଆଦମୀ ପାର୍ଟି ରାଜ୍ୟରେ ସରକାର ଗଠନ ଲାଗି ନିଜର ସମ୍ପୂର୍ଣ୍ଣ ଶକ୍ତି ଲଗାଇ ଦେଇଛି । ଏହାର ନେତାମାନେ ନିରନ୍ତର ରାଜ୍ୟ ଗସ୍ତ କରୁଛନ୍ତି । ଏହି ସମୟରେ ରବିବାର ଦିନ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ୍ ଆଦମୀ ପାର୍ଟି ମୁଖ୍ୟ ଅରବିନ୍ଦ କେଜ୍ରିୱାଲ ଏକ ନୂତନ ଦାବି କରିଛନ୍ତି । ସେ ଦାବି କରୁଛନ୍ତି ଯେ ଗୁଜୁରାଟରେ ଆମ୍ ଆଦମୀ ପାର୍ଟି ସରକାର ଗଠନ ହେବ । ଏହା ପଛରେ ସେ ଆଇବିର ଏକ ରିପୋର୍ଟ ଦର୍ଶାଇଛନ୍ତି ।

ଗୁଜୁରାଟରେ ଗଣମାଧ୍ୟମ ସହ କଥାବାର୍ତ୍ତା କରି କେଜ୍ରିୱାଲ କହିଛନ୍ତି ଯେ ସୂତ୍ର ଅନୁଯାୟୀ ଏକ ଆଇବି ରିପୋର୍ଟ ଆସିଛି ଯେଉଁଥିରେ କୁହାଯାଇଛି ଯେ ଯଦି ଆଜି ଗୁଜୁରାଟରେ ନିର୍ବାଚନ ହେବ, ତେବେ ସେଠାରେ ଆମ୍ ଆଦମୀ ପାର୍ଟି ସରକାର ଗଠନ କରିବ । ପ୍ରକାଶ ଥାଉକି, ରିପୋର୍ଟରେ ଏହା ମଧ୍ୟ ଲେଖାଯାଇଛି ଯେ, AAP ର ସରକାର ବହୁତ କମ୍ ମାର୍ଜିନ୍ ରେ ଗଠନ ହେବ, ବହୁତ କମ୍ ଆସନରେ ଆମ୍ ଆଦମୀ ପାର୍ଟି ଆଗରେ ରହିଛି । ଗୁଜରାଟର ଲୋକଙ୍କୁ ଏକ ବଡ଼ ଧରଣର ଧକ୍କା ଲଗାଇବାକୁ ପଡ଼ିବ, ଯାହାଦ୍ୱାରା ସରକାର ଏକ ଭଲ ସଂଖ୍ୟାଗରିଷ୍ଠତା ସହିତ ଗଠନ ହେବ । ସେ କହିଛନ୍ତି ଯେ ଏହି ରିପୋର୍ଟ ଆସିବା ପରଠାରୁ ବିଜେପି-କଂଗ୍ରେସ ଗୋଟିଏ ହୋଇଯାଇଛନ୍ତି । ଉଭୟ ଏକ ଗୁପ୍ତ ସଭା କରି ଆସୁଛନ୍ତି ଏବଂ ମୋତେ ସମାନ ଭାଷାରେ ଗାଳଇ କରୁଛନ୍ତି ।

AAP ସୁପ୍ରିମୋଙ୍କ ଅନୁଯାୟୀ, ବିଜେପି ଏବଂ କଂଗ୍ରେସ ପରସ୍ପରକୁ ଗାଳି ଦେଉ ନାହାଁନ୍ତି । ସେମାନେ କେବଳ ମୋତେ ଗାଳି ଦେଉଛନ୍ତି । ବିଜେପି ଚାହୁଁଛି କଂଗ୍ରେସକୁ ମଜବୁତ କରାଯାଉ, ଫଳରେ ଆମର ଭୋଟ୍ ଭାଗ ହୋଇଯିବ । ସେ କହିଛନ୍ତି ଯେ ମୁଁ ସମସ୍ତଙ୍କୁ ନିବେଦନ କରୁଛି ଯେ କଂଗ୍ରେସକୁ ଭୋଟ୍ ଦେଇ ବିଜେପିକୁ ଜିତାଇ ଦିଅନ୍ତୁନି । କଂଗ୍ରେସକୁ ଭୋଟେ ଦେବା ବେକାର । ତାଙ୍କୁ ଭୋଟ୍ ଦେବା ଗୁଜୁରାଟର ସ୍ୱାର୍ଥରେ ନୁହେଁ । ଯେଉଁମାନେ ରାଜ୍ୟରେ ବିଜେପି ସରକାର ଉପରେ ରାଗିଛନ୍ତି, ସେମାନେ AAP କୁ ଭୋଟ୍ ଦିଅନ୍ତୁ । ସେ କହିଛନ୍ତି ଯେ ଯଦି ଜନସାଧାରଣ ଜୋରଦାର ଚାପ ପକାନ୍ତି ତେବେ ଉଭୟ ପଞ୍ଜାବ ଏବଂ ଦିଲ୍ଲୀର ରେକର୍ଡ ଭାଙ୍ଗିବ ।

କେଜ୍ରିୱାଲ କହିଛନ୍ତି ଯେ ଗାଈ ଆମର ମା । ଗୁଜୁରାଟରେ ପ୍ରଶାସନ ମା ଗାଈ ମା'କୁ ଅଣଦେଖା କରେ, ସେଥିପ୍ରତି ଧ୍ୟାନ ଦିଆଯାଉ ନାହିଁ । ଦିଲ୍ଲୀରେ ଆମେ ଗୋସେବା ପାଇଁ ଏକ ସିଷ୍ଟମ ପ୍ରସ୍ତୁତ କରିଛୁ । ଗୁଜୁରାଟରେ AAP ସରକାର ଗଠନ ପରେ, ଆମେ ମଧ୍ୟ ଗାଈ ମାତାଙ୍କର ଭଲ ଯତ୍ନ ନେବୁ ।