ସତ୍ୟେନ୍ଦ୍ର ଜୈନଙ୍କ ସମ୍ପର୍କରେ ବିଜେପିର ଅଭିଯୋଗ ଉପରେ ଜବାବ ରଖିଲା AAP, କହିଲା ‘ଆକ୍ୟୁପ୍ରେସର ଚିକିତ୍ସାର ଏକ ଅଂଶ'
ଭିଡିଓ ବିଷୟରେ, AAP କହିଛି ଯେ ଏହା ତାଙ୍କର ଆକ୍ୟୁପ୍ରେସର ଚିକିତ୍ସାର ଏକ ଅଂଶ । ଜୈନଙ୍କ ପକ୍ଷ ନେଇ AAP କହିଛି ଯେ ଶାରୀରିକ ସମସ୍ୟା ହେତୁ କୋର୍ଟ ଏପରି ନିର୍ଦ୍ଦେଶ ଦେଇଛନ୍ତି । ଔଷଧ ସହିତ ଏହା ମଧ୍ୟ ଚିକିତ୍ସାର ଏକ ଅଂଶ ।
ନୂଆଦିଲ୍ଲୀ : ମନି ଲଣ୍ଡ୍ରିଂ ମାମଲାରେ ଦିଲ୍ଲୀର ତିହାର ଜେଲରେ ଥିବା ଆମ୍ ଆଦମୀ ପାର୍ଟି ନେତା ସତ୍ୟେନ୍ଦ୍ର ଜୈନଙ୍କ ଭିଡିଓ ସେୟାର କରି ବିଜେପି ଦଳ ଉପରେ ଟାର୍ଗେଟ୍ କରିଛି । ଏହା ସହିତ ସତ୍ୟେନ୍ଦ୍ରଙ୍କୁ ଦିଆଯାଉଥିବା ଭିଭିଆଇପି ସେବା ଉପରେ ମଧ୍ୟ ପ୍ରଶ୍ନ ଉଠିଛି । ଏଥି ସହ ଜେଲ ଅଧୀକ୍ଷକ ତଥା ଅନ୍ୟ ଅଧିକାରୀଙ୍କୁ ବରଖାସ୍ତ କରିବାକୁ ବିଜେପି ପକ୍ଷରୁ ଦାବି କରାଯାଇଛି ।
ଏହି ସମୟରେ, ଏହି ସମଗ୍ର ପ୍ରସଙ୍ଗରେ ଆମ୍ ଆଦମୀ ପାର୍ଟି ପକ୍ଷରୁ ଜବାବ ରଖାଯାଇଛି । ଭିଡିଓ ବିଷୟରେ, AAP କହିଛି ଯେ ଏହା ତାଙ୍କର ଆକ୍ୟୁପ୍ରେସର ଚିକିତ୍ସାର ଏକ ଅଂଶ । ଜୈନଙ୍କ ପକ୍ଷ ନେଇ AAP କହିଛି ଯେ ଶାରୀରିକ ସମସ୍ୟା ହେତୁ କୋର୍ଟ ଏପରି ନିର୍ଦ୍ଦେଶ ଦେଇଛନ୍ତି । ଔଷଧ ସହିତ ଏହା ମଧ୍ୟ ଚିକିତ୍ସାର ଏକ ଅଂଶ ।
ମନ୍ତ୍ରୀ ସତ୍ୟେନ୍ଦ୍ର ଜୈନଙ୍କୁ ରକ୍ଷା କରି ଆମ୍ ଆଦମୀ ପାର୍ଟି କହିଛି ଯେ ଅକ୍ସିଜେନ୍ ଅଭାବ ହେତୁ ସତ୍ୟେନ୍ଦ୍ରଙ୍କୁ ଶୋଇବାରେ କଷ୍ଟ ହେଉଛି । ଏହି କାରଣରୁ ଜୈନଙ୍କ ସ୍ୱାସ୍ଥ୍ୟ ମଧ୍ୟ ଅନେକ ଥର ଖରାପ ହୋଇଯାଇଥିଲା । ଯାହା ପରେ ଚିକିତ୍ସା ପାଇଁ କୋର୍ଟ ନିର୍ଦ୍ଦେଶ ଦେଇଛନ୍ତି । ଦଳ ପକ୍ଷରୁ ଏହା ମଧ୍ୟ କୁହାଯାଇଛି ଯେ ସତ୍ୟେନ୍ଦ୍ର ଗତେ 4 ମାସ ଧରି ଖାଦ୍ୟ ଗ୍ରହଣ କରିନାହାଁନ୍ତି, କାରଣ ସେ ମନ୍ଦିରକୁ ନ ଯାଇ ଖାଦ୍ୟ ଖାଇ ନଥାନ୍ତି । ସେଥିପାଇଁ ସେମାନେ କେବଳ ଫଳ ଖାଉଛନ୍ତି । ଏହି କାରଣରୁ ତାଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଉଛି ।
ଏହାପୂର୍ବରୁ ସତ୍ୟେନ୍ଦ୍ର ଜୈନଙ୍କୁ ଦିଆଯାଉଥିବା ଭିଭିଆଇପି ସେବାକୁ ନେଇ ବିଜେପି AAP ଏବଂ କେଜ୍ରିୱାଲଙ୍କ ଉପରେ ଆକ୍ରମଣ କରିଥିଲା । ଜେଲ ଅଧୀକ୍ଷକ ଅଜିତ କୁମାରଙ୍କୁ ନିଲମ୍ବନ କରିବାକୁ ବିଜେପି ଦାବି କରିଛି । ଏଥି ସହ ବିଜେପିର ଅଭିଯୋଗ ଉପରେ ଜେଲ ପ୍ରଶାସନ କହିଛି ଯେ ସମ୍ପୃକ୍ତ ମାମଲାରେ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇସାରିଛି । ଏଥିସହ ଅର୍ଥ ହେରଫେର ମାମଲାରେ ଗିରଫ ହୋଇଥିବା ସତ୍ୟେନ୍ଦ୍ରଙ୍କୁ ତିହାର ଜେଲ ଭିତରେ ହେଡ ମସାଜ, ଫୁଟ ମସାଜ ଏବଂ ବ୍ୟାକ ମସାଜ ଭଳି ସୁବିଧା ଦିଆଯାଉଥିବା ନେଇ ଏନଫୋର୍ସମେଣ୍ଟ ନିର୍ଦ୍ଦେଶାଳୟ ମଧ୍ୟ ପୂର୍ବରୁ ଅଭିଯୋଗ କରିଥିଲା । ଏହି ପରିପ୍ରେକ୍ଷୀରେ ଇଡି ମଧ୍ୟ କୋର୍ଟରେ ଏକ ପ୍ରମାଣ ଉପସ୍ଥାପନ କରିଥିଲା ।
16 କୋଟି ଟଙ୍କା ଟଙ୍କା ହେରଫେର ମାମଲାରେ ଜୈନ ମେ 30 ରୁ ଜେଲରେ ଅଛନ୍ତି । ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ଦ୍ୱାରା ଏହି ଘଟଣାର ଅନୁସନ୍ଧାନ କରାଯାଉଛି । ଏହି ମାମଲାରେ ତାଙ୍କ ପତ୍ନୀ ପୁନମ ଜୈନ, ଅଜିତ ପ୍ରସାଦ ଜୈନ ଏବଂ ପୁଅ ବୈଭବ ବିରୋଧରେ ଦୁର୍ନୀତି ନିବାରଣ ଆଇନ ଅନୁଯାୟୀ ଅଗଷ୍ଟ 2017 ରେ ସିବିଆଇ ଦ୍ୱାରା ଏକ ଏଫଆଇଆର ପଞ୍ଜୀକୃତ ହୋଇଥିଲା । ଏହି ମାମଲା ଆଧାରରେ ତାଙ୍କୁ 30 ମେ ରେ ଗିରଫ କରାଯାଇଥିଲା ।
Click it and Unblock the Notifications
Sign in with Google