ମନୀଷଙ୍କୁ ସିବିଆଇର ପଚରାଉଚରାକୁ ବିରୋଧ କରି ରାଜରାସ୍ତାକୁ ଓହ୍ଲାଇଲା AAP

ଅବକାରୀ ନୀତି ମାମଲାରେ ସିବିଆଇ ମନୀଷ ସିସୋଡିଆଙ୍କୁ ପଚରାଉଚରା ନେଇ ସିବିଆଇ କାର୍ଯ୍ୟାନୁଷ୍ଠାନକୁ AAP ନେତାମାନେ ଦୃଢ ବିରୋଧ କରିଥିଲେ । ଏହି ପ୍ରତିବାଦ ପରେ ସୋମବାର ସାଂସଦ ସଞ୍ଜୟ ସିଂହଙ୍କ ସମେତ ଅନେକ AAP ନେତାଙ୍କୁ ଗିରଫ କରାଯାଇଥିଲା।

Published: Monday, October 17, 2022, 15:51 [IST]

ନୂଆଦିଲ୍ଲୀ : ମନୀଷ ସିସୋଦିଆ ସିବିଆଇ ଅନୁସନ୍ଧାନର ସମ୍ମୁଖୀନ ହୋଇଛନ୍ତି । ଏହା ପରେ AAP ନେତାମାନେ ସିବିଆଇର କାର୍ଯ୍ୟକୁ ବିରୋଧ କରିଛନ୍ତି । ଆମ୍ ଆଦମୀ ପାର୍ଟି (ଏଏପି) ର ଅନେକ ନେତାଙ୍କୁ ଅଟକ ରଖାଯାଇଛି । ଦିଲ୍ଲୀ ଉପ ମୁଖ୍ୟମନ୍ତ୍ରୀ ସିସୋଦିଆ ପଚରାଉଚରା ପୂର୍ବରୁ ଗିରଫ ହେବାର ଆଶଙ୍କା ପ୍ରକାଶ କରିଥିଲେ । ସିବିଆଇ ମୁଖ୍ୟାଳୟ ସମ୍ମୁଖରେ AAP କର୍ମଚାରୀମାନେ ଏକାଠି ହେବା ରୋକିବାକୁ ତାଙ୍କ ଘର ଚାରିପାଖରେ ବଡ ସମାବେଶ ଉପରେ ପ୍ରତିବନ୍ଧକ ଲଗାଯାଇଥିଲା ଏବଂ ଘଟଣାସ୍ଥଳରେ ପୋଲିସ ନିୟୋଜନ ମଧ୍ୟ ଦେଖିବାକୁ ମିଳିଥିଲା ।

ଉଲ୍ଲେଖନୀୟ କଥା ହେଉଛି, ଅବକାରୀ ନୀତି ମାମଲାରେ ସିବିଆଇ ମନୀଷ ସିସୋଡିଆଙ୍କୁ ପଚରାଉଚରା ନେଇ ସିବିଆଇ କାର୍ଯ୍ୟାନୁଷ୍ଠାନକୁ AAP ନେତାମାନେ ଦୃଢ ବିରୋଧ କରିଥିଲେ । ଏହି ପ୍ରତିବାଦ ପରେ ସୋମବାର ସାଂସଦ ସଞ୍ଜୟ ସିଂହଙ୍କ ସମେତ ଅନେକ AAP ନେତାଙ୍କୁ ଗିରଫ କରାଯାଇଥିଲା। ସିବିଆଇ କାର୍ଯ୍ୟାଳୟ ବାହାରେ ଶହ ଶହ ଦଳୀୟ କର୍ମୀ ଏକତ୍ରିତ ହୋଇଥିଲେ, ଏହା ପରେ ଦିଲ୍ଲୀ ପୋଲିସ ଆମ୍ ଆଦମୀ ପାର୍ଟି ନେତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା ।

ଗଣମାଧ୍ୟମ ସୂତ୍ରରୁ ପ୍ରକାଶ ଯେ ସିବିଆଇ ପ୍ରଶ୍ନର ଏକ ତାଲିକା ପ୍ରସ୍ତୁତ କରିଛି ଏବଂ ମନୀଷ ସିସୋଦିଆଙ୍କୁ ଏକାଧିକ ପର୍ଯ୍ୟାୟରେ ପଚରାଉଚୁରା କରିବ । ଏପର୍ଯ୍ୟନ୍ତ ମିଳିଥିବା ପ୍ରମାଣ ଏବଂ 'ଅବକାରୀ ଦୁର୍ନୀତିରେ' ଅନ୍ୟ ଅଭିଯୁକ୍ତଙ୍କ ବିବୃତ୍ତି ଉପମୁଖ୍ୟମନ୍ତ୍ରୀଙ୍କ ନିକଟରେ ରଖାଯିବ ।

ସିସୋଦିଆଙ୍କ ସମର୍ଥନରେ ଏକାଠି ହୋଇଥିବା AAP ନେତାମାନେ ପ୍ରଧାନମନ୍ତ୍ରୀ ଏବଂ ଗୃହମନ୍ତ୍ରୀଙ୍କ ବିରୋଧରେ ସ୍ଲୋଗାନ ଦେଇଥିଲେ । AAP ନେତାମାନେ "ମୋଦୀ ଶାହା ହୋସ ରେ ଆସ, ନିଜ ଆସନ ଛାଡ଼ି ଯାଅ" ଭଳି ସ୍ଲୋଗାନ ଦେଇଥିଲେ । ଏହାର ଭିଡିଓ AAP ର ଅଫିସିଆଲ୍ ଟ୍ୱିଟରରେ ସେୟାର କରାଯାଇଥିଲା ।

Modi-Shah होश में आओ
गद्दी अपनी छोड़ के जाओ।#ModiArrestsManishSisodia pic.twitter.com/Q9LqT9f29z
— AAP (@AamAadmiParty) October 17, 2022

କେଜ୍ରିୱାଲ ଟ୍ୱିଟ୍ କରି କହିଛନ୍ତି, ସିସୋଦିଆ ନିର୍ବାଚନ ପ୍ରଚାର ପାଇଁ ଗୁଜୁରାଟ ଯିବାର ଥଇଲା । ଏହାକୁ ରୋକିବା ପାଇଁ ତାଙ୍କୁ ଗିରଫ କରାଯିବ । କିନ୍ତୁ ନିର୍ବାଚନ ପ୍ରଚାର ବନ୍ଦ ହେବ ନାହିଁ । ଗୁଜୁରାଟର ପ୍ରତ୍ୟେକ ବ୍ୟକ୍ତି ଆଜି AAP ପାଇଁ ପ୍ରଚାର କରୁଛନ୍ତି । ଗୁଜୁରାଟ ନିର୍ବାଚନ ଫଳାଫଳ ନ ଆସିବା ପର୍ଯ୍ୟନ୍ତ ମନୀଷ ସିସୋଦିଆଙ୍କୁ ଜେଲରେ ରଖାଯିବ ବୋଲି AAP ମୁଖ୍ୟ କେଜ୍ରିୱାଲ ଦାବି କରିଛନ୍ତି । କେଜ୍ରିୱାଲ ଟ୍ୱିଟ୍ କରି କହିଛନ୍ତି, "ଗୁଜୁରାଟର ଫଳାଫଳ 8 ଡିସେମ୍ବରରେ ଆସିବ । ଏହି ଲୋକମାନେ ମନୀଷଙ୍କୁ ସେ ପର୍ଯ୍ୟନ୍ତ ଜେଲରେ ରଖିବେ ।" ଏହା ମଧ୍ୟ କୌତୁହଳର ବିଷୟ ଯେ ନିର୍ବାଚନ ଆୟୋଗ ଏପର୍ଯ୍ୟନ୍ତ ଗୁଜୁରାଟ ବିଧାନସଭା ନିର୍ବାଚନର ତାରିଖ ଘୋଷଣା କରିନାହାଁନ୍ତି ।

କଣ ରହିଛି ମାମଲା ?

ଗତ ଅଗଷ୍ଟରେ ସିବିଆଇ ସିସୋଦିଆ ଏବଂ ଅନ୍ୟ 14 ଜଣଙ୍କ ବିରୋଧରେ ଅପରାଧିକ ଷଡଯନ୍ତ୍ର ଏବଂ ଦୁର୍ନୀତି ଅଭିଯୋଗକୁ ଦିଲ୍ଲୀ କୋର୍ଟରେ ଦାଖଲ କରିଥିଲା । AAP ସରକାରଙ୍କ ଅବକାରୀ ନୀତି ମଦ କାର୍ଟେଲକୁ ସାହାଯ୍ୟ କରିଛି କି ନାହିଁ ସିବିଆଇ ଅନୁସନ୍ଧାନ କରୁଛି । ଦିଲ୍ଲୀର ଉପ ରାଜ୍ୟପାଳ ବିନୟ କୁମାର ସକ୍ସେନା ଏହାର ତଦନ୍ତ ପାଇଁ ପରାମର୍ଶ ଦେଇଛନ୍ତି । ସିବିଆଇ ଅନୁସନ୍ଧାନ ପରେ ଗତ ଜୁଲାଇରେ ଅରବିନ୍ଦ କେଜ୍ରିୱାଲ ସରକାର ଗତ ବର୍ଷ ନଭେମ୍ବର 17 ରୁ ଲାଗୁ ହୋଇଥିବା ମଦ ନୀତିକୁ ରଦ୍ଦ କରିଦେଇଥିଲେ । କେନ୍ଦ୍ର ସରକାର ଏବଂ ବିଜେପି ନେତାମାନେ ଅଭିଯୋଗ କରିଛନ୍ତି ଯେ ଏକ୍ସାଇଜ୍ ନୀତି ଲାଗୁ କରିବାବେଳେ AAP ସରକାର ନିୟମ ଉଲ୍ଲଂଘନ କରିଛନ୍ତି ଯେଉଁଥିରେ ମଦ ବିକ୍ରି ଘରୋଇ କମ୍ପାନୀ / କଣ୍ଟ୍ରାକ୍ଟରମାନଙ୍କୁ ଦିଆଯାଇଥିଲା । ସରକାରୀ ଆଉଟଲେଟ୍ ଗୁଡିକ ବନ୍ଦ ରହିଥିଲା । ସିସୋଦିଆ ଏହାର ଜାବାବରେ କହିଛନ୍ତି ଯେ AAP ସରକାରଙ୍କ ଏକ୍ସାଇଜ୍ ନୀତି ଦୁର୍ନୀତିକୁ ମୁକାବିଲା କରିବା ଏବଂ ଶକ୍ତିଶାଳୀ ମଦ ମାଫିଆ ସହିତ ମୁକାବିଲା କରିବା ପାଇଁ ଆସିଛି ।

Published On October 17, 2022