ୟୁଟ୍ୟୁବରେ 'କାଶ୍ମୀର ଫାଇଲ'କୁ ରିଲିଜ୍ କୁ ନେଇ ସଂସଦରେ ଦାବି, AAP ର ସଞ୍ଜୟ ସିଂହ ଦେଲେ ନୋଟିସ୍

କାଶ୍ମୀରୀ ପଣ୍ଡିତଙ୍କ ପଳାୟନ ଉପରେ ନିର୍ମିତ ବିବାଦୀୟ ଚଳଚ୍ଚିତ୍ର 'ଦ କାଶ୍ମୀର ଫାଇଲ୍ସ'କୁ ନେଇ ଆମ୍ ଆଦମୀ ପାର୍ଟିର ସାଂସଦ ସଞ୍ଜୟ ସିଂହ ସୋମବାର ରାଜ୍ୟସଭାରେ ଶୂନ୍ୟକାଳରେ ନୋଟିସ୍ ଦେଇଛନ୍ତି

Published: Monday, March 28, 2022, 13:18 [IST]

ନୂଆଦିଲ୍ଲୀ : କାଶ୍ମୀରୀ ପଣ୍ଡିତଙ୍କ ପଳାୟନ ଉପରେ ନିର୍ମିତ ବିବାଦୀୟ ଚଳଚ୍ଚିତ୍ର 'ଦ କାଶ୍ମୀର ଫାଇଲ୍ସ'କୁ ନେଇ ଆମ୍ ଆଦମୀ ପାର୍ଟିର ସାଂସଦ ସଞ୍ଜୟ ସିଂହ ସୋମବାର ରାଜ୍ୟସଭାରେ ଶୂନ୍ୟକାଳରେ ନୋଟିସ୍ ଦେଇଛନ୍ତି । ନୋଟିସ୍ ଦେଇ ଫିଲ୍ମ 'ଦ କାଶ୍ମୀର ଫାଇଲ୍ସ'କୁ ୟୁଟ୍ୟୁବରେ ରିଲିଜ କରିବା ଏବଂ ଏହାକୁ ଦୂରଦର୍ଶନରେ ପ୍ରସାରଣ କରିବାକୁ ଦାବି କରାଯାଇଛି । ସଞ୍ଜୟ ସିଂହ ଏହି ଦାବି କରିଛନ୍ତି ଯାହାଦ୍ୱାରା କାଶ୍ମୀରୀ ପଣ୍ଡିତମାନଙ୍କ ଉପରେ ନିର୍ମିତ ଏହି ଚଳଚ୍ଚିତ୍ର ଅଧିକ ଲୋକଙ୍କ ପାଇଁ ଉପଲବ୍ଧ ହୋଇପାରିବ ।

ସଞ୍ଜୟ ସିଂହ ଗତ ସପ୍ତାହରେ ୟୁଟ୍ୟୁବରେ ଦ କାଶ୍ମୀର ଫାଇଲ୍ସ ରିଲିଜ୍ କରିବାକୁ ରାଜ୍ୟସଭାରେ ଦାବି କରିସାରିଛନ୍ତି । ସଞ୍ଜୟ ସିଂହ କହିଥିଲେ ଯେ ଲୋକଙ୍କ ଦୁଃଖରୁ କେହି ଆନନ୍ଦ ପାଇବା ଉଚିତ୍ ନୁହେଁ କିମ୍ବା ସେମାନଙ୍କ ଦୁଃଖର ରାଜନୈତିକ ଫାଇଦା ନେବା ଉଚିତ ନୁହେଁ । ଆମେ ଚାହୁଁ ସରକାର ଏହି ଚଳଚ୍ଚିତ୍ରକୁ ୟୁଟ୍ୟୁବରେ ଅପଲୋଡ୍ କରନ୍ତୁ ଏବଂ ଦୂରଦର୍ଶନରେ ମଧ୍ୟ ପ୍ରସାରଣ କରିବା ଉଚିତ୍ । AAP ସାଂସଦ କହିଛନ୍ତି ଯେ 1989 ରେ ଯେତେବେଳେ ପଣ୍ଡିତମାନଙ୍କୁ ରାଜ୍ୟରୁ ବାହାର କରି ଦିଆଯାଇଥିଲା, ସେତେବେଳେ ବିଜେପି ସରକାରର ଏକ ଅଂଶ ଥିଲା । ଏହି ଇତିହାସକୁ ଭୁଲା ଯଆଇ ପାରିବ ନାହିଁ କିମ୍ବା ଲୁଚାଯାଇପାରିବ ନାହିଁ । ବିଜେପି ସହ ଜଡିତ ଜଗମୋହନ ସେହି ସମୟରେ ଜାମ୍ମୁ କାଶ୍ମୀରର ରାଜ୍ୟପାଳ ଥିଲେ ।

ଦିଲ୍ଲୀର ମୁଖ୍ୟମନ୍ତ୍ରୀ ତଥା AAP ମୁଖ୍ୟ ଅରବିନ୍ଦ କେଜ୍ରିୱାଲ ମଧ୍ୟ ୟୁଟ୍ୟୁବରେ 'ଦ କାଶ୍ମୀର ଫାଇଲ୍ସ' ଅପଲୋଡ୍ କରିବା ବିଷୟରେ କହିଛନ୍ତି । ଦ କାଶ୍ମୀର ଫାଇଲ୍ସ ଚଳଚ୍ଚିତ୍ରକୁ ୟୁଟ୍ୟୁବରେ ଅପଲୋଡ୍ କରାଯାଉ ଏବଂ ଏଥିରୁ ଅର୍ଜିତ ଟଙ୍କା କାଶ୍ମୀରୀ ପଣ୍ଡିତଙ୍କ କଲ୍ୟାଣ ପାଇଁ ଖର୍ଚ୍ଚ କରିବାକୁ ସେ ଦାବି କରିଛନ୍ତି । କାଶ୍ମୀରୀ ପଣ୍ଡିତଙ୍କ ସମ୍ପର୍କରେ ବିଜେପି ଶସ୍ତା ରାଜନୀତି କରୁଥିବା ନେଇ କେଜ୍ରିୱାଲ ଅଭିଯୋଗ କରିଛନ୍ତି ।

Published On March 28, 2022