'ଯଦି ମୁଁ ଦୁର୍ନୀତିଗ୍ରସ୍ତ ତେବେ ମୋତେ ଗିରଫ କର ...', ବିଜେପିର ଅଭିଯୋଗ ଉପରେ କହିଲେ କେଜ୍ରିୱାଲ

ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ବିଜେପିକୁ ଟାର୍ଗେଟ୍ କରି ଚ୍ୟାଲେଞ୍ଜ କରିଛନ୍ତି । ସେ କହିଛନ୍ତି ଯେ ଯଦି ‘ମୁଁ ଦୁର୍ନୀତିଗ୍ରସ୍ତ ତେବେ ତୁରନ୍ତ ଗିରଫ କର ।'

Updated: Tuesday, November 8, 2022, 16:53 [IST]

ନୂଆଦିଲ୍ଲୀ : କେନ୍ଦ୍ରରେ ମୋଦୀ ସରକାର ଏବଂ ଦିଲ୍ଲୀର ଏଏପି ସରକାରଙ୍କ ମଧ୍ୟରେ ବାକ୍ ଯୁଦ୍ଧ ବଢିବାରେ ଲାଗିଛି । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ବିଜେପିକୁ ଟାର୍ଗେଟ୍ କରି ଚ୍ୟାଲେଞ୍ଜ କରିଛନ୍ତି । ସେ କହିଛନ୍ତି ଯେ ଯଦି 'ମୁଁ ଦୁର୍ନୀତିଗ୍ରସ୍ତ ତେବେ ତୁରନ୍ତ ଗିରଫ କର ।'

କେଜ୍ରିୱାଲ କେନ୍ଦ୍ର ସରକାରଙ୍କୁ ଟାର୍ଗେଟ୍ କରି କହିଛନ୍ତି, "ପଞ୍ଜାବ ବିଧାନସଭା ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀ ମୋତେ ଆତଙ୍କବାଦୀ ବୋଲି କହିଥିଲେ । ଗୃହମନ୍ତ୍ରୀ ଯାଞ୍ଚ ପାଇଁ ନିର୍ଦ୍ଦେଶ ଦେଇଥିଲେ । ଏହାର କ'ଣ ହେଲା ? ବର୍ତ୍ତମାନ ଗୁଜରାଟ ନିର୍ବାଚନ ଏବଂ ଏମସିଡି ନିର୍ବାଚନ ପୂର୍ବରୁ ସେମାନେ କହୁଛନ୍ତି କେଜ୍ରିୱାଲ ଦୁର୍ନୀତିଗ୍ରସ୍ତ । ଏଭଳି ପରିସ୍ଥିତିରେ ମୁଁ କହୁଛି ଯଦି କେଜ୍ରିୱାଲ ଆତଙ୍କବାଦୀ କିମ୍ବା ଦୁର୍ନୀତିଗ୍ରସ୍ତ ତେବେ ଗିରଫ କର ।

ବିଜେପି ଉପରେ ଆକ୍ରମଣ କରି କେଜ୍ରିୱାଲ କହିଛନ୍ତି ଯେ ସେ ଆତଙ୍କବାଦୀ କିମ୍ବା ଦୁର୍ନୀତିଗ୍ରସ୍ତ ନୁହଁନ୍ତି । କେଜ୍ରିୱାଲ ଲୋକଙ୍କର ପ୍ରିୟ ଏବଂ ତେଣୁ ବିଜେପିକୁ କଷ୍ଟ ହେଉଛି । ଗୁଜୁରାଟରେ ଦଳ ବିଜେପିକୁ କ୍ଷମତାରୁ ହଟାଇବ ବୋଲି ଆମ୍ ଆଦମୀ ପାର୍ଟି ଆଶା କରୁଛି । ଦଳ କହିଛି ଯେ ଏହି କାରଣରୁ କେଜ୍ରିୱାଲଙ୍କ ନେତୃତ୍ୱାଧୀନ ଦଳ ବିରୋଧରେ ବିଜେପି ପକ୍ଷରୁ ମିଥ୍ୟା ଅଭିଯୋଗ ଆସୁଛି ।

पंजाब के पहले PM बोले - केजरीवाल आतंकवादी है। HM ने जाँच बिठा दी। क्या हुआ उसका?

अब गुजरात/MCD के पहले कह रहे हैं केजरीवाल भ्रष्ट है

अरे, केजरीवाल आतंकवादी या भ्रष्ट है तो गिरफ़्तार करो ना?

केजरीवाल ना आतंकवादी है ना भ्रष्ट।केजरीवाल जनता का लाड़ला है। इस से बीजेपी को तकलीफ़ है
— Arvind Kejriwal (@ArvindKejriwal) November 8, 2022

ଆପଣଙ୍କୁ କହି ରଖୁଛୁ ଗୁଜୁରାଟରେ 5 ଡିସେମ୍ବରରେ ମତଦାନ ହେବ । ଏହା ପରେ ଫଳାଫଳ ଡିସେମ୍ବର 8 ରେ ଘୋଷଣା କରାଯିବ । ଏଥି ସହିତ, ଡିସେମ୍ବର 4 ରେ ଦିଲ୍ଲୀ ଏମସିଡି ନିର୍ବାଚନ ହେଉଛି । ତେଣୁ ବିଜେପି-ଆପ୍ ମଧ୍ୟରେ କଡ଼ା ଟକ୍କର ଦେଖିବାକୁ ମିଳୁଛି ।

ନିକଟରେ ବିଜେପି ନେତା ସମ୍ବିତ ପାତ୍ର ଆମ୍ ଆଦମୀ ପାର୍ଟି ସରକାର ଏବଂ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଦୁର୍ନୀତିଗ୍ରସ୍ତ ବୋଲି ଅଭିଯୋଗ କରିଛନ୍ତି । ଏହି ସମୟରେ ସେ କହିଥିଲେ ଯେ କେଜ୍ରିୱାଲଙ୍କ ଉଦ୍ଦେଶ୍ୟ ଖରାପ ହୋଇଯାଇଛି । ଏହି କାରଣରୁ ସହର "ଦୁର୍ନୀତିର ପ୍ରଦୂଷଣ" ସହିତ ସଂଗ୍ରାମ କରୁଛି । ଏହା ବ୍ୟତୀତ ପାତ୍ର କେଜ୍ରିୱାଲ ସରକାରଙ୍କୁ ନିର୍ମାଣ ଶ୍ରମିକଙ୍କ ନାମରେ ଠକେଇ କରି ଟଙ୍କା ଲୁଟି ନେଇଥିବା ଅଭିଯୋଗ କରିଛନ୍ତି । ଏଥି ସହିତ, ଏହା ପୂର୍ବରୁ ମଧ୍ୟ ମଦ ନୀତି ସମ୍ପର୍କରେ ଦିଲ୍ଲୀ ସରକାର ଦୁର୍ନୀତି କରିଥିବା ନେଇ କେନ୍ଦ୍ର ଅଭିଯୋଗ କରିଥିଲା ।