ରାହୁଲ ଗାନ୍ଧୀଙ୍କୁ ବୋମାରେ ଉଡ଼ାଇ ଦେବାକୁ ଧମକ ଦେଇଥିବା 60 ବର୍ଷିୟ ବ୍ୟକ୍ତି ଗିରଫ

Published: Friday, April 28, 2023, 10:33 [IST]

ଗତ ବର୍ଷ ଯେତେବେଳେ ଭାରତ ଯୋଡୋ ଯାତ୍ରା ମଧ୍ୟପ୍ରଦେଶରେ ପ୍ରବେଶ କରିବାକୁ ଯାଉଥିଲା, ସେତେବେଳେ ଏକ ଧମକପୂର୍ଣ୍ଣ ଚିଠି ଆସିଥିଲା ଯେଉଁଥିରେ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ବୋମା ମାଡ଼ କରି ହତ୍ୟା କରିବା ନେଇ କୁହାଯାଇଥିଲା । ବର୍ତ୍ତମାନ ପୋଲିସ ଏହି ମାମଲାରେ ଜଣେ 60 ବର୍ଷ ବୟସ୍କ ବ୍ୟକ୍ତିଙ୍କୁ ଗିରଫ କରିଛି । ତାଙ୍କୁ ମଧ୍ୟ ପଚରାଉଚରା କରାଯାଉଛି ।

କ୍ରାଇମ ବ୍ରାଞ୍ଚ ଡେପୁଟି କମିଶନର ପୋଲିସ୍ ନିମିଶ ଅଗ୍ରୱାଲଙ୍କ ଅନୁଯାୟୀ, ଭାରତ ଯୋଡା ଯାତ୍ରା ସମୟରେ ଇନ୍ଦୋରର ଏକ ମିଠା ଦୋକାନରେ ଏହି ଚିଠି ଦେଖିବାକୁ ମିଳିଥିଲା । ଯେଉଁଥିରେ ରାହୁଲ ଗାନ୍ଧୀଙ୍କୁ ବୋମା ମାଡ଼ କରି ଉଡ଼ାଇଦେବା ନେଇ କୁହାଯାଇଥିଲା । ଏଥିସହ ଇନ୍ଦୋର ପୋଲିସ ଅଜ୍ଞାତ ବ୍ୟକ୍ତିଙ୍କ ବିରୋଧରେ ମାମଲା ରୁଜୁ କରିଥିଲା ।

ଅଭିଯୁକ୍ତ ଜଣକ ଦୟାସିଂହ ଓରଫ୍ ଏସିଲାଲ ଝାମ ବୋଲି ଜଣାପଡିଛି । ତାଙ୍କ ଉପରେ ଜାତୀୟ ସୁରକ୍ଷା ଆଇନ ଲାଗୁ କରାଯାଇଛି । ଅଗ୍ରୱାଲଙ୍କ କହିବାନୁସାରେ, ଗତ ବର୍ଷଠାରୁ ପୋଲିସ ତଦନ୍ତ କରୁଥିଲା । ଗୁରୁବାର ଦିନ ଖବର ମିଳିଥିଲା ଯେ ସେ ଟ୍ରେନରେ ଫେରାର ହେବାର ଥିଲା, ସେତେବେଳେ ତାକୁ ଗିରପ କରାଯାଇଛି ।

ପୋଲିସ ଟିମ୍ ଅଭିଯୁକ୍ତକୁ ପଚରାଉଚରା କରୁଛି । କିନ୍ତୁ ରାହୁଲ ଗାନ୍ଧୀଙ୍କୁ କାହିଁକି ଏପରି ଚିଠି ଲେଖିଥିଲେ ତାହା ଏପର୍ଯ୍ୟନ୍ତ ଜଣା ପଡିନାହିଁ । ଏହି ଦିଗରେ ଅନୁସନ୍ଧାନ କରାଯାଉଛି । ଅନ୍ୟ ପଟେ, କିଛି ଲୋକ କହୁଛନ୍ତି ଯେ ସେ ଜଣେ ମାସକିକ ବିକୃତି ପ୍ରକୃତିର ବ୍ୟକ୍ତି । ଏହି କାରଣରୁ, ସେ ଏପରି କରିଥାଇପାରନ୍ତି ।

ସୂଚନାଥାଉକି, ଘଟଣାଟି ନଭେମ୍ବର 2022 ର । ଇନ୍ଦୋରରେ ଏକ ମିଠା ଦୋକାନର ଠିକଣାରେ ପୋଷ୍ଟ ମାଧ୍ୟମରେ ଏକ ଚିଠି ଆସିଥିଲା । ଯେଉଁଥିରେ ରାହୁଲ ଗାନ୍ଧୀ ଏବଂ କମଲ ନାଥଙ୍କ ହତ୍ୟା ବିଷୟରେ କୁହାଯାଇଥିଲା । ଏହି ଚିଠିରେ ଶିଖ ବିରୋଧୀ ଦଙ୍ଗା ମଧ୍ୟ ଉଲ୍ଲେଖ କରାଯାଇଛି ।

Published On April 28, 2023