'ସିନ୍ଦେ ଉପରେ 22 ବିଧାୟକ ନାରାଜ, କୌଣସି ସମୟରେ ବିଜେପିରେ ହୋଇପାରନ୍ତି ସାମିଲ'
ଶିବସେନାର ମୁଖପତ୍ର ‘ସାମାନା' ରେ ଦାବି କରାଯାଇଛି ଯେ ସିନ୍ଦେ ଉପରେ ତାଙ୍କର 22 ଜଣ ବିଧାୟକ ଅସନ୍ତୋଷ ଅଛନ୍ତି । ସେମାନେ ଖୁବ୍ ଶୀଘ୍ର ଭାରତୀୟ ଜନତା ପାର୍ଟିରେ ଯୋଗ ଦେଇପାରନ୍ତି ।
ମୁମ୍ବାଇ : ନିର୍ବାଚନ ପ୍ରତୀକ ଏବଂ ଦଳର ନାମକୁ ନେଇ ଶିବସେନାର ଉଦ୍ଧବ ଠାକରେ ଏବଂ ସିନ୍ଦେ ଗୋଷ୍ଠୀ ମଧ୍ୟରେ ମଧ୍ୟରେ ବିବାଦ ଶେଷ ହେବା ପରେ ମଧ୍ୟ ମହାରାଷ୍ଚ୍ରରେ ରାଜନୈତିକ ଅସ୍ଥିରତା ଲାଗିରହିଛି । ଉଦ୍ଧବ ଠାକରେଙ୍କ ନେତୃତ୍ୱାଧୀନ ଶିବସେନାର ମୁଖପତ୍ର 'ସାମାନା' ରେ ଦାବି କରାଯାଇଛି ଯେ ସିନ୍ଦେ ଉପରେ ତାଙ୍କର 22 ଜଣ ବିଧାୟକ ଅସନ୍ତୋଷ ଅଛନ୍ତି । ସେମାନେ ଖୁବ୍ ଶୀଘ୍ର ଭାରତୀୟ ଜନତା ପାର୍ଟିରେ ଯୋଗ ଦେଇପାରନ୍ତି ।
ଆପଣଙ୍କୁ କହିରଖୁଛୁ ଯେ ଯେତେବେଳେ ଏକନାଥ ସିନ୍ଦେ ଶିବସେନାରୁ ବିଦ୍ରୋହ କରି ଆସିଥିଲେ, ସେତେବେଳେ ଦଳର 40 ଜଣ ବିଧାୟକ ତାଙ୍କ ସହ ଆସିଥିଲେ, ଯାହା ସମର୍ଥନରେ ସିନ୍ଦେ ମହାରାଷ୍ଟ୍ରରେ ବିଜେପି ସହିତ ଏକ ନୂତନ ସରକାର ଗଠନ କରିଥିଲେ ।
'ସାମାନା'ର ସାପ୍ତାହିକ ସ୍ତମ୍ଭରେ ଉଦ୍ଧବ ଠାକରେଙ୍କ ଶିବସେନା ଲେଖିଛି ଯେ, ଏକନାଥ ସିନ୍ଦେଙ୍କୁ ମୁଖ୍ୟମନ୍ତ୍ରୀ କରି ବିଜେପି ମହାରାଷ୍ଟ୍ରରେ ଏକ ଅସ୍ଥାୟୀ ସରକାର ଗଠନ କରିଛି । ବର୍ତ୍ତମାନ ସମସ୍ତେ ବୁଝିଛନ୍ତି ଯେ ଏକନାଥ ସିନ୍ଦେଙ୍କ ପାଖରୁ ଯେକୌଣସି ସମୟରେ ମୁଖ୍ୟମନ୍ତ୍ରୀଙ୍କ ଚେୟାର ନିଆଯାଇପାରେ । ଅନ୍ଧେରୀ ପୂର୍ବ ଉପନିର୍ବାଚନରେ ଏକନାଥ ସିନ୍ଦେଙ୍କ ଦଳ ନିଜର ପ୍ରାର୍ଥୀ ଦେବାର ଥିଲା । କିନ୍ତୁ, ବିଜେପି ଏପରି କରିବାକୁ ମନା କରିଥିଲା ।
ସମାନା ଏହାର ସ୍ତମ୍ଭରେ ଉଲ୍ଲେଖ କରିଛି ଯେ, 'ଏକନାଥ ସିନ୍ଦେ ଦଳ ଦାବି କରିଛନ୍ତି ଯେ ସେମାନେ ମହାରାଷ୍ଟ୍ରରେ ଗ୍ରାମ ପଞ୍ଚାୟତ ଏବଂ ସରପଞ୍ଚ ନିର୍ବାଚନରେ ଜିତିଛନ୍ତି, ଯାହା ସମ୍ପୂର୍ଣ୍ଣ ମିଥ୍ୟା । ତାଙ୍କ ଦଳର ଅତି କମରେ 22 ଜଣ ବିଧାୟକ ଏକନାଥ ସିନ୍ଦଙ୍କ ଉପରେ ଅସନ୍ତୋଷ ଅଛନ୍ତି ଏବଂ ଏହି ବହୁ ସଂଖ୍ୟକ ବିଧାୟକ ଖୁବ୍ ଶୀଘ୍ର ଭାରତୀୟ ଜନତା ପାର୍ଟିରେ ଯୋଗଦେବାକୁ ଯାଉଛନ୍ତି ।
ଶିବସେନା ଏହାର ସ୍ତମ୍ଭରେ ଆହୁରି ମଧ୍ୟ କହିଛି, 'ଏକନାଥ ସିନ୍ଦେ ବିଜେପି ସହ ଯାଇ ନିଜ ତଥା ମହାରାଷ୍ଟ୍ର ପାଇଁ ବହୁତ କ୍ଷତି କରିଛନ୍ତି ଏବଂ ଏଥିପାଇଁ ରାଜ୍ୟବାସୀ ତାଙ୍କୁ କେବେବି କ୍ଷମା କରିବେ ନାହିଁ । ବିଜେପି ନିଜର ଲାଭ ପାଇଁ ଏକନାଥ ସିନ୍ଦେଙ୍କୁ ବ୍ୟବହାର କରୁଛି ଏବଂ ଏହା ଜାରି ରଖିବ । ଜଣେ ବିଜେପି ନେତା କହିଛନ୍ତି ଯେ ସରକାର ଏକନାଥ ସିନ୍ଦେ ଦଳର 40 ଜଣ ବିଧାୟକଙ୍କ ଦ୍ୱାରା ପରିଚାଳିତ ହେଉଛି ଏବଂ ଏହି ବିଧାୟକଙ୍କ ଉପରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟର କୌଣସି ନିୟନ୍ତ୍ରଣ ନାହିଁ । ସରକାରରେ ଯାହା ବି ନିଷ୍ପତ୍ତି ନିଆଯାଉଛି, ଏହାକୁ ଡେପୁଟି ସିଏମ୍ ଦେବେନ୍ଦ୍ର ଫଡନାଭିସ୍ ନେଉଛନ୍ତି ଏବଂ ମୁଖ୍ୟମନ୍ତ୍ରୀ ଏକନାଥ ସିନ୍ଦେ କେବଳ ସେହି ନିଷ୍ପତ୍ତି ଘୋଷଣା କରୁଛନ୍ତି ।'
Click it and Unblock the Notifications
Sign in with Google