ରାଜ୍ୟସଭାରେ ଉତ୍ତେଜନା କାରଣରୁ ସମଗ୍ର ଶୀତ ଅଧିବେଶନରେ ନିଲମ୍ବିତ ହେଲେ 12 ଜଣ ସାଂସଦ
ଗତ ମୌସୁମୀ ଅଧିବେଶନରେ ହଙ୍ଗାମା ସୃଷ୍ଟି କରିଥିବା 12 ଜଣ ସାଂସଦଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । 12 ଜଣ ସାଂସଦଙ୍କୁ ଶୀତକାଳୀନ ଅଧିବେଶନରୁ ରାଜ୍ୟସଭାରୁ ନିଲମ୍ବିତ କରାଯାଇଛି ।
ନୂଆଦିଲ୍ଲୀ : ସଂସଦର ଶୀତକାଳୀନ ଅଧିବେଶନ ସୋମବାର ଠାରୁ ଆରମ୍ଭ ହୋଇଛି । ଆଜି ଆରମ୍ଭ ହୋଇଥିବା ଅଧିବେଶନ ଡିସେମ୍ବର 23 ପର୍ଯ୍ୟନ୍ତ ଜାରି ରହିବ । ଶୀତ ଅଧିବେଶନର ପ୍ରଥମ ଦିନରେ ବିରୋଧୀଦଳର ପ୍ରବଳ ଉତ୍ତେଜନା ମଧ୍ୟରେ ଉଭୟ ଗୃହରେ କୃଷି ଆଇନ ପ୍ରତ୍ୟାହାର କରାଯାଇଛି । କୃଷି ଆଇନ ରଦ୍ଦ ବିଲ୍ 2021 କୁ କେନ୍ଦ୍ର ସରକାର ଲୋକସଭା ଓ ରାଜ୍ୟସଭାରେ ପାରିତ କରିଥିଲେ ।
ଏହି ସମୟରେ, ଗତ ମୌସୁମୀ ଅଧିବେଶନରେ ହଙ୍ଗାମା ସୃଷ୍ଟି କରିଥିବା 12 ଜଣ ସାଂସଦଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । 12 ଜଣ ସାଂସଦଙ୍କୁ ଶୀତକାଳୀନ ଅଧିବେଶନରୁ ରାଜ୍ୟସଭାରୁ ନିଲମ୍ବିତ କରାଯାଇଛି, ଫଳରେ ସାଂସଦମାନେ ଗୃହର କାର୍ଯ୍ୟରେ ଭାଗ ନେଇ ପାରିବେ ନାହିଁ ।
ବାସ୍ତବରେ, ଗତ ମୌସୁମୀ ଅଧିବେଶନରେ ଉତ୍ତେଜନା କାରଣରୁ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି, ଯାହାକୁ ରାଜ୍ୟସଭାରେ ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀ ସୂଚନା ଦେଇଥିଲେ । ଏଥି ସହ ଶିବସେନା ସାଂସଦ ପ୍ରିୟଙ୍କା ଚତୁର୍ବେଦୀ ଏହି ନିଲମ୍ବନକୁ ନେଇ ତୀବ୍ର ବିରୋଧ କରିଛନ୍ତି । ତାଙ୍କ ପକ୍ଷ ନ ଜାଣି ଏହି କାର୍ଯ୍ୟାନୁଷ୍ଠାନ ନିଆଯାଇଛି ବୋଲି ସେ ଅଭିଯୋଗ କରିଛନ୍ତି ।
ଶିବସେନା ସାଂସଦ ପ୍ରିୟଙ୍କା ଚତୁର୍ବେଦୀ କହିଛନ୍ତି ଯେ ଜିଲ୍ଲା କୋର୍ଟରୁ ସୁପ୍ରିମକୋର୍ଟ ପର୍ଯ୍ୟନ୍ତ ଜଣେ ଅଭିଯୁକ୍ତଙ୍କୁ ପକ୍ଷ ରଖିବାକୁ ଦିଆଯାଉଛି । ତାଙ୍କ ପାଇଁ ଆଇନଜୀବୀ ମଧ୍ୟ ଯୋଗାଇ ଦିଆଯାଉଛି, ବେଳେବେଳେ ସରକାରୀ କର୍ମଚାରୀଙ୍କୁ ତାଙ୍କ ପକ୍ଷ ରଖିବାକୁ ପଠାଯାଏ । ଆମକୁ ଏଠାରେ ନିଜ ପକ୍ଷ ରଖବାକୁ ଦିଆଯାଉ ନାହିଁ ।
ସେ ଆହୁରି ମଧ୍ୟ କହିଛନ୍ତି ଯେ ଯଦି ଆମେ ସିସିଟିଭି ଫୁଟେଜକୁ ଦେଖିବା ତେବେ ରେକର୍ଡ କରାଯାଇଛି ଯେ ପୁରୁଷ ମାର୍ଶଲମାନେ ମହିଳା ସାଂସଦମାନଙ୍କୁ କିପରି ମାଡ ମାରୁଥିଲେ । ଏସବୁ ଗୋଟିଏ ପଟେ ଏବଂ ଅନ୍ୟ ପଟେ ଆପଣଙ୍କର ନିଷ୍ପତ୍ତି ? ଏହା କି ପ୍ରକାର ଅସାମ୍ବିଧାନିକ ଆଚରଣ ?
ଅନ୍ୟପକ୍ଷରେ କଂଗ୍ରେସ ସାଂସଦ ଛାୟା ବର୍ମା କହିଛନ୍ତି ଯେ ଏହି ନିଲମ୍ବନ ଅନୁଚିତ୍ ଏବଂ ଅନ୍ୟାୟ ଅଟେ । ଅନ୍ୟ ଦଳର ଅନ୍ୟ ସଦସ୍ୟମାନେ ଥିଲେ ଯେଉଁମାନେ ହଙ୍ଗାମା ସୃଷ୍ଟି କରିଥିଲେ, କିନ୍ତୁ ବାଚସ୍ପତି ମୋତେ ନିଲମ୍ବନ କରିଛନ୍ତି । ପ୍ରଧାନମନ୍ତ୍ରୀ ମୋଦୀ ଯାହା ଚାହାଁନ୍ତି ତାହା କରୁଛନ୍ତି କାରଣ ତାଙ୍କର ବହୁମତ ଅଛି ।
Click it and Unblock the Notifications
Sign in with Google