ବିଧାନସଭା ଅଧିବେଶନରେ ଉତ୍ତେଜନା, ବିଜେପିର 12 ଜଣ ବିଧାୟକ ଗୋଟିଏ ବର୍ଷ ପାଇଁ ନିଲମ୍ବିତ
ମହାରାଷ୍ଟ୍ର ବିଧାନସଭାର ମୌସୁମୀ ଅଧିବେଶନ ଆଜି ହଙ୍ଗାମାରୁ ଆରମ୍ଭ ଆରମ୍ଭ ହୋଇଥିଲା । କୃଷି ଆଇନ ଏବଂ ଓବିସି ସଂରକ୍ଷଣକୁ ସମର୍ଥନ କରି ହଙ୍ଗାମା କରିଥିବାରୁ 12 ଜଣ ବିଜେପି ବିଧାୟକଙ୍କୁ ଏକ ବର୍ଷ ପାଇଁ ନିଲମ୍ବିତ କରାଯାଇଛି ।
ମୁମ୍ବାଇ : ମହାରାଷ୍ଟ୍ର ବିଧାନସଭାର ମୌସୁମୀ ଅଧିବେଶନ ଆଜି ହଙ୍ଗାମାରୁ ଆରମ୍ଭ ଆରମ୍ଭ ହୋଇଥିଲା । କୃଷି ଆଇନ ଏବଂ ଓବିସି ସଂରକ୍ଷଣକୁ ସମର୍ଥନ କରି ହଙ୍ଗାମା କରିଥିବାରୁ 12 ଜଣ ବିଜେପି ବିଧାୟକଙ୍କୁ ଏକ ବର୍ଷ ପାଇଁ ନିଲମ୍ବିତ କରାଯାଇଛି । ଏହି ବିଧାୟକଙ୍କ ମଧ୍ୟରେ ସଞ୍ଜୟ କୁଟେ, ଆଶିଷ ଶେଲାର, ହରିଶ ପିମ୍ପଲ୍, ଯୋଗେଶ ସାଗର, ଗିରିଜ ମହାଜନ, ଅଭିମନ୍ୟୁ ପାୱାର, ଅତୁଲ ଭଟଖାଲକର, ନାରାୟଣ କୁଚେ ଏବଂ ବଣ୍ଟି ବାଙ୍ଗଡିଆ ଅଛନ୍ତି ।
ଏହି ପ୍ରସଙ୍ଗରେ ଗଣମାଧ୍ୟମ ସହ କଥାବାର୍ତ୍ତା କରି ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ କହିଛନ୍ତି ଯେ ଏହି ମିଥ୍ୟା ଅଭିଯୋଗ ହୋଇଛି । ଓବିସି ସଂରକ୍ଷଣ ପାଇଁ ଆମେ ଆମର 12 ଜଣ ବିଧାୟକଙ୍କୁ ହାରଇବାକୁ ପ୍ରସ୍ତୁତ । ଏହାକୁ ନେଇ ଏକ କାହାଣୀ ପ୍ରସ୍ତୁତ କରାଯାଉଛି । ବିଜେପିରୁ କେହି ଦୁର୍ବ୍ୟବହାର କରିନଥିଲେ ।
ଏହି ନିଲମ୍ବନ ଉପରେ ମହାରାଷ୍ଟ୍ର ବିଜେପି ବିଧାୟକ ଆଶିଷ ଶେଲାର କହିଛନ୍ତି ଯେ ଠାକରେ ସରକାର 'ତାଲିବାନ' ଭଳି କାର୍ଯ୍ୟ କରୁଛନ୍ତି । ମୁଁ ଏହି କାର୍ଯ୍ୟାନୁଷ୍ଠାନକୁ ନିନ୍ଦା କରୁଛି । ମୁଁ କିମ୍ବା ଅନ୍ୟ କୌଣସି ବିଧାୟକ ଭାସ୍କର ଯାଦବଙ୍କୁ ଦୁର୍ବ୍ୟବହାର କରିନଥିଲେ । ବିଜେପିର କୌଣସି ସଦସ୍ୟ କ୍ୟାବିନରେ ଗାଳି ଗୁଲଜ କରିନାହାଁନ୍ତି । ମୁଁ ତାଙ୍କ ନିକଟରେ କ୍ଷମା ମାଗିଥିଲି, ତଥାପି ସେ ଆମକୁ ନିଲମ୍ବନ କରିଥିଲେ ।
ଏହାପୂର୍ବରୁ ଏନସିପି ନେତା ତଥା ମନ୍ତ୍ରୀ ନବାବ ମଲିକ ବିଜେପି ସଦସ୍ୟଙ୍କୁ ଭାସ୍କର ଯାଦବଙ୍କ ସହ ଦୁର୍ବ୍ୟବହାର କରିଥିବା ଅଭିଯୋଗ କରିଛନ୍ତି ଏବଂ ଏହି ପ୍ରସଙ୍ଗରେ ରାଜ୍ୟସଭାକୁ ଚାରିଥର ସ୍ଥଗିତ ରଖାଯାଇଛି ।
Click it and Unblock the Notifications
Sign in with Google