ଦାନୀପାଲ୍ଲୀରେ ଶ୍ରମିକଙ୍କୁ ହତ୍ୟା ଘଟଣା, ୫ ଗିରଫ
ଦାନୀପାଲ୍ଲୀରେ ଶ୍ରମିକଙ୍କୁ ହତ୍ୟା ଘଟଣା, ୫ ଗିରଫ କରାଯାଇଛି । ୫ ଅଭିଯୁକ୍ତଙ୍କୁ ଗିରଫ କଲା ଅଇଁଠାପାଲି ଥାନା ପୋଲିସ । ବିଡ଼ି ଟଣାକୁ କେନ୍ଦ୍ର କରି ଶ୍ରମିକଙ୍କ ହତ୍ୟା କରାଯାଇଥିଲା । ମୃତ ଶ୍ରମିକ ପଶ୍ଚିମବଙ୍ଗର ହୋଇଥିବା ସୂଚନା ମିଳିଛି ।
ସୂଚନାଯୋଗ୍ୟ ଯେ, ଭାଲୁପାଲିରୁ କାମ ସାରି ଫେରୁଥିବା ବେଳେ କିଛି ଅଜଣା ଯୁବକ ଶାନ୍ତିନଗର ନିକଟରେ ୩ ବଙ୍ଗାଳୀ ଶ୍ରମିକଙ୍କୁ ଅଟକାଇଥିଲେ । ସଂପୃକ୍ତ ଯୁବକ ମାନେ ସେମାନଙ୍କୁ ଅଟକାଇ ଟଙ୍କା ମାଗିଥିଲେ । ଟଙ୍କା ନଦେବାରୁ ଶ୍ରମିକ ମାନଙ୍କୁ ସେମାନେ ଆକ୍ରମଣ କରିଥିଲେ । ଆକ୍ରମଣରେ ଜଣେ ଶ୍ରମିକଙ୍କର ମୃତ୍ୟୁ ଘଟିଛି । ମୃତ ଶ୍ରମିକ ଜଣକ ଜୁଏଲ୍ ଶେଖ୍ ବୋଲି ଜଣାପଡିଛି । ଯୁବକଙ୍କ ଆକ୍ରମଣରେ ଅନ୍ୟ ଦୁଇ ଜଣ ଶ୍ରମିକ ଆହତ ହୋଇଛନ୍ତି l ମୃତ ଯୁବକ ଏବଂ ଅନ୍ୟ ଦୁଇ ଜଣ ପଶ୍ଚିମବଙ୍ଗର ବୋଲି ଜଣାପଡିଛି । ଆକ୍ରମଣ ଘଟଣାରେ ସନ୍ଦେହ କରି ୩ ଜଣକୁ ପୋଲିସ ଅଟକ ରଖି ପଚରାଉଚରା କରୁଛି ।
Click it and Unblock the Notifications
Sign in with Google