Cyclone Gulab Live Update in Odia: ଗଭୀର ଅବପାତରେ ପରିଣତ ହେଲା ବାତ୍ୟା ‘ଗୁଲାବ’
ମାଡି ଆସୁଛି ବାତ୍ୟା 'ଗୁଲାବ୍', ଗୋପାଳପୁର ଓ କଳିଙ୍ଗପଟ୍ଟନମ ମଝିରେ କରିବ ଲ୍ୟାଣ୍ଡଫଲ୍
Cyclone Gulab: ଗତ ଛଅ ମାସ ମଧ୍ୟରେ ଓଡିଶାର ଉପକୁଳରେ ଠକ୍ ଠକ୍ କଲାଣି ଆଉ ଏକ ବାତ୍ୟା । ବାତ୍ୟା ୟାସ୍ ପରେ ପରେ ପୁଣି ଓଡିଶାରେ ଦେଖାଦେଇଛି ଆଉ ଏକ ସାମୁଦ୍ରିକ ଝଡ଼ 'ଗୁଲାବ୍' । ଉତ୍ତର-ପଶ୍ଚିମ ଓ ତତସଂଲଗ୍ନ ପଶ୍ଚିମ କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟ ହୋଇଥିବା ଏହି ସାମୁଦ୍ରିକ ଝଡ଼ 'ଗୁଲାବ' ଏବେ ଓଡିଶା ଉପକୁଳ ଆଡକୁ ମାଡ଼ି ଆସୁଛି ।
ତେବେ ବାତ୍ୟା 'ଗୁଲାବ୍' ର ଟିକିନିକି ଅପଡେଟ୍ ଜାଣିବା ପାଇଁ ଯୋଡି ହୋଇ ରହିଥାନ୍ତୁ 'ୱାନଇଣ୍ଡିଆ ଓଡିଆ' ସହ....
ଦୁର୍ବଳ ହେଉଛି ବାତ୍ୟା ‘ଗୁଲାବ’: ଜାଣନ୍ତୁ, କେଉଁଠି ପଡିଲା କେତେ ପ୍ରଭାବ ?
ଦୁର୍ବଳ ହୋଇ ଗଭୀର ଅବପାତରେ ପରିଣତ ହୋଇଛି ବାତ୍ୟା ‘ଗୁଲାବ’। ଗତ ୬ ଘଣ୍ଟା ହେଲା ଘଣ୍ଟାକୁ ୧୪ କିମି ବେଗରେ ଗତି କରୁଛି । ଆଗାମୀ ୬ ଘଣ୍ଟାରେ ଏହା....
ବାତ୍ୟା ‘ଗୁଲାବ’ କୁ ନେଇ ଏସଆରସିଙ୍କ ପ୍ରେସମିଟ୍
ବାତ୍ୟା ଗୁଲାବ ନେଇ ଏସଆରସିଙ୍କ ପ୍ରେସମିଟ୍ । ୨ରୁ ୩ ଘଣ୍ଟା ଭିତରେ ଓଡିଶା ଅତିକ୍ରମ କରିବ ଗୁଲାବ । ଏବେ ତୀବ୍ର ଅବପାତରେ ରହିଛି । ୨ ଘଣ୍ଟା ପରେ ଅବପାତରେ ପରିଣତ ହେବ । ରାଜ୍ୟର କୌଣସି ସ୍ଥାନରେ ବଡ ପବନ ହୋଇନି । ମାଲକାନଗିରି ଓ କୋରାପୁଟ ଜିଲ୍ଲାର ୨ଟି ବ୍ଲକରେ ଅଧିକ ବର୍ଷା ହୋଇଛି ।
ପଢନ୍ତୁ, ଟଳିଲା ବାତ୍ୟା ବିପଦ...
ଓଡ଼ିଶାରୁ ଟଳିଲା ବାତ୍ୟା ବିପଦ । ଦକ୍ଷିଣ ଓଡ଼ିଶା ଉପକୂଳ-ଉତ୍ତର ଆନ୍ଧ୍ର ଉପକୂଳ ଦେଇ ଗତି କରିଛି ବାତ୍ୟା ଗୁଲାବ । ଆସନ୍ତା ୬ ଘଣ୍ଟା ମଧ୍ୟରେ ଦୁର୍ବଳ ହେବ ବାତ୍ୟା ଗୁଲାବ ।
ପଢନ୍ତୁ, କେଉଁ ଜିଲ୍ଲାରେ କେତେ ପବନ ? କେତେ ବର୍ଷା ?
୩ ଘଣ୍ଟା ପୂର୍ବରୁ ଆରମ୍ଭ ହୋଇଛି ବାତ୍ୟା ଗୁଲାବର ଲ୍ୟାଣ୍ଡଫଲ୍ । ପୂର୍ବରୁ ଘଣ୍ଟା ପ୍ରତି ୧୭ କିଲୋମିଟର ବେଗରେ ବାତ୍ୟା ସ୍ଥଳଭାଗକୁ ମୁହାଁଉଥିବା ବେଳେ....
ବାତ୍ୟା ଗୁଲାବ୍ କୁ ନେଇ ଆକଳନ ସତ: ଏଚ୍ଆର୍ ବିଶ୍ୱାସ
ବାତ୍ୟା ଗୁଲାବ୍ କୁ ନେଇ ଆକଳନ ସତ ହେଲା ବୋଲି କହିଛନ୍ତି ଭୁବନେଶ୍ୱର ଆଞ୍ଚଳିକ ପାଣିପାଗ ନିର୍ଦ୍ଦେଶକ ଏଚ୍ଆର୍ ବିଶ୍ୱାସ। ଆଉ ୨ରୁ ୩ ଘଣ୍ଟା ପର୍ଯ୍ୟନ୍ତ ଲ୍ୟାଣ୍ଡଫଲ ପ୍ରକ୍ରିୟା ଜାରି ରହିବ। କଳିଙ୍ଗପଟନମ ନିକଟରେ ଲ୍ୟାଣ୍ଡଫଲ ହେବ। ଶ୍ରୀକାକୁଲମରେ ଘଣ୍ଟାକୁ ୫୦କିମି ବେଗରେ ପବନ ବହୁଛି। କଳିଙ୍ଗପଟନମଠାରୁ ୨୫ କିମି ଦୁରରେ ଉପକୂଳ ଅତିକ୍ରମ କରିବ ବୋଲି ସେ କହିଛନ୍ତି ।
ବାତ୍ୟା ଗୁଲାବର ବଡ ପ୍ରଭାବ ପଡି ନପାରେ: SRC
ସ୍ୱତନ୍ତ୍ର ରିଲିଫ କମିଶନର ପ୍ରଦୀପ ଜେନା କହିଛନ୍ତି ଯେ, ବାତ୍ୟା ଗୁଲାବର ବଡ ପ୍ରଭାବ ପଡି ନପାରେ । ବର୍ତ୍ତମାନ ସୁଦ୍ଧା ୧୬ ହଜାର ଲୋକଙ୍କୁ ନିରାପଦ ସ୍ଥାନକୁ ସ୍ଥାନାନ୍ତର କରାଯାଇଛି । ପ୍ରାୟ ୬ ଶହ ପ୍ରସ୍ତୁତି ଓ ବୃଦ୍ଧବୃଦ୍ଧାଙ୍କୁ ହସପିଟାଲକୁ ସ୍ଥାନାନ୍ତର କରାଯାଇଛି । ପ୍ରଭାବିତ ହେବାକୁ ଥିବା ଜିଲ୍ଲାଗୁଡିକରେ କମ ବର୍ଷା ହୋଇଛି । ବର୍ଷା ଓ ପବନ ଅଧିକ ହୋଇନଥିବାରୁ ଲୋକେ ନିରାପଦ ସ୍ଥାନକୁ ଯିବାକୁ ଇଛାପ୍ରକାଶ କରିନାହାନ୍ତି ।
କେଉଁ ଜିଲ୍ଲାରେ କେତେ ପବନ ? କେତେ ବର୍ଷା ?
ବାତ୍ୟା ଗୁଲାବ୍ ପ୍ରଭାବରେ ଦକ୍ଷିଣ ଓଡ଼ିଶା ଏବଂ ଉତ୍ତର ଆନ୍ଧ୍ର ପ୍ରଦେଶରେ ବର୍ଷା ଆରମ୍ଭ ହୋଇଯାଇଛି । ପବନର ଗତି ମଧ୍ୟ ଧୀରେ ଧୀରେ ବଢିବାରେ ଲାଗିଛି । ସର୍ବାଧିକ ୯୫ କିଲୋମିଟର ବେଗରେ ପବନର ଝଟକା ଅନୁଭୂତ ହୋଇପାରେ । ସମୁଦ୍ର ଆଶାନ୍ତ ହୋଇଉଠିଛି । ଗୋପାଳପୁର, ପୁରୀ, ପାରାଦୀପ ଓ ଧାମରାରେ ବିପଦ ସଙ୍କେତ ଦିଆଯାଇଛି । ଉପକୂଳ ଓଡ଼ିଶାରେ ମଧ୍ୟ ବର୍ଷା ଜାରି ରହିଛି ।
ବାତ୍ୟାକୁ ନେଇ ମୁଖ୍ୟମନ୍ତ୍ରୀ-ପ୍ରଧାନମନ୍ତ୍ରୀଙ୍କ ବୈଠକ
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ପ୍ରଧାନମନ୍ତ୍ରୀଙ୍କ ଆଲୋଚନା । ସମ୍ଭାବ୍ୟ ବାତ୍ୟା ସ୍ଥିତି ନେଇ ନବୀନଙ୍କ ସହ ମୋଦିଙ୍କ ଆଲୋଚନା । ସମସ୍ତ ସହାୟତା ଯୋଗାଇ ଦେବାକୁ ପ୍ରତିଶ୍ରୁତି ଦେଲେ ପ୍ରଧାନମନ୍ତ୍ରୀ । ସମସ୍ତଙ୍କ ନିରାପତ୍ତା ଓ ସୁରକ୍ଷା କାମନା କଲେ ପ୍ରଧାନମନ୍ତ୍ରୀ ମୋଦି ।
ଦେଖାଗଲା ବାତ୍ୟା ‘ଗୁଲାବ’ର ଆଖି
ଦେଖାଗଲା ବାତ୍ୟା ‘ଗୁଲାବ’ର ଆଖି
ସାମୁଦ୍ରିକ ଝଡ #ଗୁଲାବ ର #ଆଖି #ସୌଜନ୍ୟ: ବିଶାଖାପାଟନମ ରାଡ଼ାର pic.twitter.com/VAl5Vfjebd
— Meteorological Centre, Bhubaneswar (@mcbbsr) September 26, 2021
ଗୋପାଳ ପୁରରେ ବାତ୍ୟା ‘ଗୁଲାବ’ର ପ୍ରଭାବ
ଗୋପାଳ ପୁରରେ ବାତ୍ୟା ‘ଗୁଲାବ’ର ପ୍ରଭାବ
#CyclonicStorm #Gulab moving clouds in outer band area as seen from #Gopalpur #Odisha #CycloneGulab #StormHour pic.twitter.com/b9iUtwhlBT
— Meteorological Centre, Bhubaneswar (@mcbbsr) September 26, 2021
ଗୋପାଳପୁର ଠାରୁ ୧୧୦ କିମି ଦୂରରେ ବାତ୍ୟା ‘ଗୁଲାବ’
ଉତ୍ତରପଶ୍ଚିମ ଓ ତତସଂଲଗ୍ନ ପଶ୍ଚିମ କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟ ସାମୁଦ୍ରିକ ଝଡ଼ ’ଗୁଲାବ’ ମାଡ଼ି ଆସୁଛି । ’ଗୁଲାବ’ ପାଇଁ ଉତ୍ତର ଆନ୍ଧ୍ରପ୍ରଦେଶ ଓ ଦକ୍ଷିଣ ଓଡ଼ିଶା ଉପକୂଳକୁ ରେଡ୍ ଆଲର୍ଟ ଜାରି କରାଯାଇଛି । ବାତ୍ୟା ’ଗୁଲାବ’ ଏବେ ପଶ୍ଚିମ ଆଡ଼କୁ ଘଣ୍ଟା ପ୍ରତି ୧୯ କିଲୋମିଟର ବେଗରେ ବିଗତ ୬ ଘଣ୍ଟା ହେଲା ଗତି କରୁଛି ।
ବାତ୍ୟା ପାଇଁ ବନ୍ଦ ରହିବ ୧୧ ଜିଲ୍ଲାର ସବୁ ଶିକ୍ଷାନୁଷ୍ଠାନ
ବାତ୍ୟା ‘ଗୁଲାବ’ ପରିସ୍ଥିତିକୁ ଦୃଷ୍ଟିରେ ରଖି ବନ୍ଦ ରହିବ ଶିକ୍ଷାନୁଷ୍ଠାନ । ଆସନ୍ତାକାଲି ପ୍ରଭାବିତ ସମସ୍ତ ୧୧ ଗୋଟି ଜିଲ୍ଲାର ସବୁ ଶିକ୍ଷାନୁଷ୍ଠାନ ବନ୍ଦ ରଖିବା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ପରବର୍ତ୍ତୀ ସମୟରେ ଜିଲ୍ଲାପାଳମାନେ ସ୍ଥାନୀୟ ପରିସ୍ଥିତିକୁ ବିଚାରକୁ ନେଇ ସ୍କୁଲ ଖୋଲିବା ସମ୍ପର୍କରେ ନିଷ୍ପତ୍ତି ଗ୍ରହଣ କରିବେ ।
ଜଳବନ୍ଦୀ ସ୍ଥିତି ଏଡ଼ାଇବାକୁ ଯନ୍ତ୍ରପାତି ଓ ପମ୍ପସେଟ୍ ପ୍ରସ୍ତୁତ ରଖିବାକୁ ଗୃହ ଓ ସହରାଞ୍ଚଳ ବିଭାଗ ନିର୍ଦ୍ଦେଶ ଦଇଛି । ତଳିଆ ଅଞ୍ଚଳରୁ ଲୋକଙ୍କୁ ସ୍ଥାନାନ୍ତରଣ ପାଇଁ କୁହାଯାଇଛି । ବିଦ୍ୟୁତ୍ ସରବରାହ ବାଧାପ୍ରାପ୍ତ ହେବା ଆଶଙ୍କା ଥିବାରୁ ଡିଜି ସେଟ୍ସ ପ୍ରସ୍ତୁତ ରଖିବାକୁ ନିର୍ଦ୍ଦେଶ ଦିଆଯାଇଛି । ସହରାଞ୍ଚଳରେ କଣ୍ଟ୍ରୋଲ୍ ରୁମ୍ ଖୋଲାଯିବ ।
READ MORE
More From
-
ସୁଭଦ୍ରା ଯୋଜନା ହିତାଧିକାରୀଙ୍କ ଆକାଉଣ୍ଟକୁ ଗଲା ଚତୁର୍ଥ କିସ୍ତି ଟଙ୍କା, ପଠାଇଲେ ମୁଖ୍ୟମନ୍ତ୍ରୀ ମୋହନ ମାଝୀ -
ଆକାଶଛୁଆଁ ହେଲାଣି ପେଟ୍ରୋଲ-ଡିଜେଲ ଦାମ୍ -
ବର୍ଷିଲେ ରାଷ୍ଟ୍ରପତି, ଅସନ୍ତୋଷ ପରେ ମମତା ବାନାର୍ଜୀ ଦେଲେ ପ୍ରତିକ୍ରିୟା -
ମଧ୍ୟପ୍ରାଚ୍ୟରେ ମହା ଭୟଙ୍କର ଯୁଦ୍ଧ, ଇସ୍ରାଏଲର ମିସାଇଲ ମାଡ଼ରେ ଆମେରିକାର ୩୦ କୋଟି ଡଲାର ମୂଲ୍ୟର ଥଡ୍ ରେଡାର ସିଷ୍ଟମ ଧ୍ବଂସ -
କମିବ ତାପମାତ୍ରା, ଆଜିଠୁ ୩ ଦିନ ପ୍ରବଳ ବର୍ଷା -
ପାକିସ୍ତାନରେ ବଡ଼ ବିପର୍ଯ୍ୟୟ: ସ୍କୁଲ ଦୁଇ ସପ୍ତାହ ପାଇଁ ବନ୍ଦ, ଦରମା ୨୫% ହ୍ରାସ -
ଆଜି ଟି-ଟ୍ୱେଣ୍ଟି ବିଶ୍ୱକପ ଫାଇନାଲ୍ ;ମୁହାଁମୁହିଁ ହେବେ ଶକ୍ତିଶାଳୀ ଭାରତ ଓ ନ୍ୟୁଜିଲାଣ୍ଡ -
ରାଷ୍ଟ୍ରପତିଙ୍କ ପ୍ରୋଟୋକଲ୍ରେ ତ୍ରୁଟି ଅଭିଯୋଗ; ପଶ୍ଚିମବଙ୍ଗ ମୁଖ୍ୟ ଶାସନ ସଚିବଙ୍କୁ ବିସ୍ତୃତ ରିପୋର୍ଟ ଦେବାକୁ କେନ୍ଦ୍ରର କଡ଼ା -
ବଦଳିଲା ବୁକିଂ ନିୟମ, ଏଣିକି ୨୧ ଦିନ ନ ହେଲେ ମିଳିବନି ନୂଆ ସିଲିଣ୍ଡର -
ଏପ୍ରିଲ୍ ୮ରେ ମହମ୍ମଦ ମୋକିମ୍ଙ୍କ ନୂଆ ଦଳ ଲଞ୍ଚ୍, ନାଁ ରହିବ ଓଡ଼ିଶା ଜନତା କଂଗ୍ରେସ -
ପ୍ରତିଦିନ ଖାଆନ୍ତୁ ଗଜାମୁଗ, ସ୍ୱାସ୍ଥ୍ୟରେ.... -
ଇସ୍ରାଏଲକୁ ୧୨ ହଜାର ବୋମା ବିକିବ ଆମେରିକା, ମିଳିଲା ମଞ୍ଜୁରୀ
Click it and Unblock the Notifications
Sign in with Google