ରାଜ୍ୟସଭା ନିର୍ବାଚନ: ପୁଣି ରିପିଟ୍ ହେବ ଅଶ୍ୱିନୀ, ଦୁଇ ଦିନିଆ ଓଡ଼ିଶା ଗସ୍ତକୁ ନେଇ ଜୋର୍ ଧରିଲା ଚର୍ଚ୍ଚା

Published: Tuesday, February 13, 2024, 17:40 [IST]

ରାଜ୍ୟସଭା ନିର୍ବାଚନ: ଓଡ଼ିଶାରୁ ଖାଲି ହେଉଥିବା ତିନି ରାଜ୍ୟସଭା ନିର୍ବାଚନ ପାଇଁ ବିଜେଡ଼ିର 2 ପ୍ରାର୍ଥୀ ଆଜି ନାମାଙ୍କନ ଭରି ସାରିଛନ୍ତି । ଏହା ପରେ ତୃତୀୟ ପ୍ରାର୍ଥୀ କିଏ ହେବେ ସେ ନେଇ କଳ୍ପନାଜଳ୍ପନା ଲାଗି ରହିଛି । ଦେବାଶିଷ, ଶୁଭାଶିଷଙ୍କ ସହ ଓଡିଶାରୁ କିଏ ଯିବେ ରାଜ୍ୟସଭା ? ବିଜେଡି ଏହାର ତୃତୀୟ ପ୍ରାର୍ଥୀ ଦେବ ନା ବିଜେପି ପ୍ରାର୍ଥୀଙ୍କୁ ସମର୍ଥନ ଦେବ ତାହା ଉପରେ ରହିଛି ସମସ୍ତଙ୍କ ନଜର । ଏଭଳି ଅନେକ ପ୍ରଶ୍ନ ମଧ୍ୟରେ ରେଳମନ୍ତ୍ରୀ ପୁଣି ରାଜ୍ୟସଭାକୁ ରିପିଟ୍ ହୋଇପାରନ୍ତି ବୋଲି ଚର୍ଚ୍ଚା ଜୋର୍ ଧରିଲାଣି ।

କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କୁ ପୁଣି ରିପିଟ୍ କରାଯାଇପାରେ କୁହାଯାଉଥିବା ବେଳେ ଆସନ୍ତାକାଲି ଓଡିଶା ଗସ୍ତରେ ଆସୁଛନ୍ତି କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ । ଯାହାକି ଏହି ଚର୍ଚ୍ଚାକୁ ଖୋରାକ୍ ଯୋଗାଇଛି । ଗୁରୁବାର ରାଜ୍ୟସଭା ପାଇଁ ନାମାଙ୍କନ ଦାଖଲର ଶେଷ ତାରିଖ ଥିବାରୁ ଅଶ୍ୱିନୀ ବୈଷ୍ଣବଙ୍କ ଏହି ଦୁଇ ଦିନିଆ ଓଡ଼ିଶା ଗସ୍ତ ଏହି ଚର୍ଚ୍ଚାକୁ ବଢାଇ ଦେଇଛି ।

ଏହା ପରେ କୁହାଯାଉଛି ରାଜ୍ୟସଭା ପାଇଁ ଓଡିଶାରୁ ଅଶ୍ୱିନୀ ବୈଷ୍ଣବ ତୃତୀୟ ପ୍ରାର୍ଥୀ ହେଇପାରନ୍ତି । ପୂର୍ବଥର ଭଳି ବିଜେଡି ସମର୍ଥନରେ ସେ ସଂସଦକୁ ଯାଇପାରନ୍ତି । ଆସନ୍ତାକାଲି ଓଡିଶା ଆସିବା ପରେ ସେ ରାଜ୍ୟସଭା ନିର୍ବାଚନ ପାଇଁ ପ୍ରାର୍ଥୀପତ୍ର ଦାଖଲ କରିପାରନ୍ତି । ତେବେ ଯଦି ଅଶ୍ୱିନୀ ରାଜ୍ୟସଭା ପାଇଁ ପ୍ରାର୍ଥୀପତ୍ର ଦାଖଲ ନକରନ୍ତି, ତେବେ ଓଡିଶାରୁ ତୃତୀୟ ଚେହେରା କିଏ ହେବ, ତାଏବେ ବି ସସପେନ୍ସ ଭିତରେ ରହିଛି ।

Published On February 13, 2024