ସିଦ୍ଧରମୈୟାଙ୍କୁ ମୁଖ୍ୟମନ୍ତ୍ରୀ କରିବା ନିଷ୍ପତ୍ତିକୁ କାହିଁକି ମାନିନେଲେ ଡି.କେ ଶିବକୁମାର... ଆସଲ କାରଣ କହିଲେ ସାନ ଭାଇ ସୁରେଶ

Published: Thursday, May 18, 2023, 12:07 [IST]

ବାଙ୍ଗାଲୋର : ମେ 13 ରେ କର୍ଣ୍ଣାଟକ ନିର୍ବାଚନ ଫଳାଫଳ ପରେ ମୁଖ୍ୟମନ୍ତ୍ରୀ ଚୟନକୁ ନେଇ ଗତ 5 ଦିନ ଧରି ଦିଲ୍ଲୀରେ ଚାଲିଥିବା ଚର୍ଚ୍ଚା ଗତକାଲି ଶେଷ ହୋଇଛି । କଂଗ୍ରେସ ସିଦ୍ଧରମୈୟାଙ୍କ ନାମକୁ ମୁଖ୍ୟମନ୍ତ୍ରୀ ପଦ ପାଇଁ ମୋହର ମରିଥିବା ବେଳେ ଡି.କେ ଶିବକୁମାରଙ୍କୁ ଡେପୁଟି ସିଏମ୍ କରିବାକୁ ନିଷ୍ପତ୍ତି ନେଇଛି ।

ଡେପୁଟି ସିଏମ୍ ହେବା ସହିତ ଡି.କେ ଶିବକୁମାରଙ୍କୁ ଅନେକ ଗୁରୁତ୍ୱପୂର୍ଣ୍ଣ ମନ୍ତ୍ରଣାଳୟର ଦାୟିତ୍ୱ ମଧ୍ୟ ଦିଆଯିବ । କଂଗ୍ରେସ ହାଇକମାଣ୍ଡଙ୍କ ନିଷ୍ପତ୍ତି ପରେ ଡି.କେ ଶିବକୁମାର କହିଛନ୍ତି ଯେ କର୍ଣ୍ଣାଟକର ଲୋକଙ୍କ ସ୍ୱାର୍ଥକୁ ନେଇ ଏହି ନିଷ୍ପତ୍ତିରେ ସେ ଦଳ ସହ ଅଛନ୍ତି । କିନ୍ତୁ ତାଙ୍କ ପରିବାରର ପ୍ରଥମ ଅସନ୍ତୋଷ ମଧ୍ୟ ସାମ୍ନାକୁ ଆସିଛି ।

ଏହି ନିଷ୍ପତ୍ତି ସମ୍ପର୍କରେ ଗଣମାଧ୍ୟମକୁ ସୂଚନା ଦେଇ ଡି.କେ ଶିବକୁମାରଙ୍କ ଭାଇ ତଥା ଦଳର ସାଂସଦ ଡି.କେ ସୁରେଶ କହିଛନ୍ତି ଯେ ମୁଁ ସମ୍ପୂର୍ଣ୍ଣ ଖୁସି ନୁହେଁ, କିନ୍ତୁ କର୍ଣ୍ଣାଟକର ସ୍ୱାର୍ଥରେ ଆମେ ଦେଇଥିବା ପ୍ରତିଶ୍ରୁତି ପୂରଣ କରିବାକୁ ଚାହୁଁଛୁ । ଏହି କାରଣ ପାଇଁ, ଡି.କେ ଶିବକୁମାର ଦଳର ନିଷ୍ପତ୍ତିକୁ ମାନି ନେଇଛନ୍ତି । ଭବିଷ୍ୟତରେ କ'ଣ ହେବ ତାହା ଦେଖାଯିବ, ଆମକୁ ବହୁତ ଦୂର ବାଟ ଯିବାର ଅଛି । ମୁଁ ଚାହୁଁଥିଲି ଡି.କେ ଶିବକୁମାର ସିଏମ୍ ହୁଅନ୍ତୁ କିନ୍ତୁ ତାହା ହୋଇ ନଥିଲା, ଆମେ ଅପେକ୍ଷା କରିବୁ ଏବଂ କ'ଣ ହେବ ଦେଖିବା ।

ଅନ୍ୟପକ୍ଷରେ, ଇଣ୍ଡିଆ ଟୁଡେ ସମ୍ବାଦ ଅନୁଯାୟୀ କଂଗ୍ରେସ ହାଇକମାଣ୍ଡଙ୍କ ନିଷ୍ପତ୍ତିରେ ଡି.କେ ଶିବକୁମାର କହିଛନ୍ତି, 'ନିର୍ବାଚନ ସମୟରେ ଦଳ କର୍ଣ୍ଣାଟକବାସୀଙ୍କୁ କିଛି ପ୍ରତିଶୃତି ଦେଇଛି, ଆମକୁ ତାହା ପୂରଣ କରିବାକୁ ପଡିବ । ଆଗାମୀ ଦିନରେ ଲୋକସଭା ନିର୍ବାଚନ ମଧ୍ୟ ହେବ । କଂଗ୍ରେସ ସଭାପତି ମଲ୍ଲିକାର୍ଜୁନ ଖାଡ଼ଗେ ଏବଂ ଗାନ୍ଧୀ ପରିବାର ଯାହା ନିଷ୍ପତ୍ତି ନେଇଛନ୍ତି ମୁଁ ସେଥିପାଇଁ ପ୍ରସ୍ତୁତ । ରାଜନୈତିକ ଜୀବନରେ ଅନେକ ଥର ଆମକୁ ଜନସାଧାରଣ ଏବଂ ଦଳର ସ୍ୱାର୍ଥରେ ନିଷ୍ପତ୍ତି ନେବାକୁ ପଡିବ । କୌଣସି ଦାୟିତ୍ୱ ବିନା ମଧ୍ୟ ଲୋକଙ୍କ ସ୍ୱାର୍ଥରେ ନିଷ୍ପତ୍ତି ନେବାକୁ ପଡ଼ିଥାଏ ।

Published On May 18, 2023