ପୁଣି ଗିରଫ ହେଲେ ପ୍ରିୟଙ୍କା ଗାନ୍ଧୀ, ଅରୁଣ ବାଲ୍ମୀକି ମାମଲାରେ ଆଗ୍ରା ଯାଉଥିବା ବେଳେ ଗିରଫ କଲା ପୋଲିସ୍
ଉତ୍ତରପ୍ରଦେଶର ଆଗ୍ରାରେ ପୋଲିସ୍ ହେପାଜତରେ ଥିବା ସଫେଇକର୍ମୀ ଅରୁଣ ବାଲ୍ମୀକିଙ୍କ ମୃତ୍ୟୁ ମାମଲାରେ ରାଜନୀତି ଆରମ୍ଭ ହୋଇଛି । ପୀଡିତାଙ୍କ ପରିବାରକୁ ଭେଟିବାକୁ ଆଗ୍ରା ଯାଉଥିବା କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରାଙ୍କୁ ପୋଲିସ ଅଟକ ରଖିଛି ।
ଆଗ୍ରା : ଉତ୍ତରପ୍ରଦେଶର ଆଗ୍ରାରେ ପୋଲିସ୍ ହେପାଜତରେ ଥିବା ସଫେଇକର୍ମୀ ଅରୁଣ ବାଲ୍ମୀକିଙ୍କ ମୃତ୍ୟୁ ମାମଲାରେ ରାଜନୀତି ଆରମ୍ଭ ହୋଇଛି । ପୀଡିତାଙ୍କ ପରିବାରକୁ ଭେଟିବାକୁ ଆଗ୍ରା ଯାଉଥିବା କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରାଙ୍କୁ ପୋଲିସ ଅଟକ ରଖି ପୋଲିସ ଲାଇନକୁ ପଠାଇ ଦେଇଛି । ଏହି ସମୟରେ କଂଗ୍ରେସ କର୍ମୀମାନେ ମଧ୍ୟ ଏକ୍ସପ୍ରେସୱେ୍ର ପ୍ରବେଶ ପଥରେ ପୋଲିସ ସହିତ ସଂଘର୍ଷ କରିଥିଲେ ।
ପ୍ରିୟଙ୍କା ଗାନ୍ଧୀ କହିଛନ୍ତି ଯେ ପୋଲିସର ପରିସ୍ଥିତି ଏପରି ହୋଇଛି ଯେ ସେମାନେ କିଛି କହିପାରିବେ ନାହିଁ । ଏପରିକି ସେମାନଙ୍କର ଅଧିକାରୀମାନେ ଜାଣନ୍ତି ଯେ ଏହା ଭୁଲ, ଏହା ପଛରେ କୌଣସି ଆଇନ ଶୃଙ୍ଖଳା ବ୍ୟବସ୍ଥା ନାହିଁ । ସବୁଠାରେ କହୁଛନ୍ତି ଧାରା 144 ଲାଗୁ ହୋଇଛି ।
ବୁଧବାର ସକାଳେ ପ୍ରିୟଙ୍କା ଗାନ୍ଧୀ ଏକ ଟ୍ୱିଟରେ କହିଛନ୍ତି ଯେ ପୋଲିସ ହେପାଜତରେ କାହାକୁ ପିଟିପିଟି ହତ୍ୟା କରିବା ନ୍ୟାୟ କେଉଁଠାରେ ଅଛି ? ଆଗ୍ରା ପୋଲିସ୍ କଷ୍ଟୋଡିରେ ଅରୁଣ ବାଲ୍ମୀକିଙ୍କ ମୃତ୍ୟୁ ଘଟଣା ନିନ୍ଦନୀୟ । ପ୍ରଭୁ ବାଲ୍ମୀକି ଜୟନ୍ତୀ ଦିନ ୟୁପି ସରକାର ତାଙ୍କ ବାର୍ତ୍ତା ବିରୁଦ୍ଧରେ କାର୍ଯ୍ୟ କରିଛନ୍ତି, ପୋଲିସ୍ ବିରୋଧରେ ଉଚ୍ଚ ସ୍ତରୀୟ ତଦନ୍ତ ଏବଂ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ସହ ପୀଡିତଙ୍କ ପରିବାରକୁ କ୍ଷତିପୂରଣ ମିଳିବା ଉଚିତ୍ ।
लखनऊ: आगरा में एक सफाई कर्मचारी की पुलिस हिरासत में मौत के मामले में मृतक के परिवार से मिलने जा रही कांग्रेस नेता प्रियंका गांधी वाड्रा को पुलिस ने हिरासत में लिया।
यहां धारा 144 लगाई गई है: पुलिस pic.twitter.com/H7xugg9cgf
— ANI_HindiNews (@AHindinews) October 20, 2021
ବିଏସପି ମୁଖ୍ୟ ମାୟାବତୀ କହିଛନ୍ତି ଯେ ଆଗ୍ରାରେ ପୋଲିସ ହେପାଜତରେ ଜଣେ ସଫେଇ କର୍ମଚାରୀଙ୍କ ମୃତ୍ୟୁ ଅତ୍ୟନ୍ତ ଦୁଃଖଦାୟକ ଏବଂ ଲଜ୍ଜାଜନକ । ଅପରାଧୀଙ୍କୁ ଉତ୍ତରପ୍ରଦେଶ ସରକାର କଠୋର ଦଣ୍ଡ ଦେବା ଉଚିତ ଏବଂ ପୀଡିତଙ୍କ ପରିବାରକୁ ସବୁ ପ୍ରକାରରେ ସାହାଯ୍ୟ କରିବା ଉଚିତ, ଏହା ହେଉଛି ବିଏସପିର ଦାବି ।
ଆଗ୍ରା ଠାରେ 25 ଲକ୍ଷ ଚୋରି ଅଭିଯୋଗରେ ଜଗଦୀଶପୁର ପୋଲିସ ସଫେଇକର୍ମୀ ଅରୁଣ ବାଲ୍ମୀକିଙ୍କୁ ଗିରଫ କରିଥିଲା । ମଙ୍ଗଳବାର ରାତିରେ ଅରୁଣଙ୍କ ପୋଲିସ ହେପାଜତରେ ମୃତ୍ୟୁ ହୋଇଛି । ଅଭିଯୋଗ ହୋଇଛି ଯେ ପୋଲିସ ମାଡ ମାରିବା କାରଣରୁ ଅରୁଣଙ୍କ ମୃତ୍ୟୁ ହୋଇଛି । ଅରୁଣଙ୍କ ମୃତ୍ୟୁ ପରେ ପୋଲିସ ବିଭାଗରେ ଆଲୋଡ଼ନ ସୃଷ୍ଟି ହୋଇଥିବାବେଳେ ବାଲ୍ମୀକି ସମାଜରେ ଅସନ୍ତୋଷ ଦେଖାଦେଇଛି । ହିଂସା ଭୟକୁ ଦୃଷ୍ଟିରେ ରଖି ଜଗଦୀଶପୁର ପୋଲିସ ଷ୍ଟେସନରେ ପୋଲିସ ଫୋର୍ସ ବୃଦ୍ଧି କରାଯାଇଛି ।
Click it and Unblock the Notifications
Sign in with Google