ହେପାଟାଇଟିସର ଶିକାର ହେଉଛନ୍ତି କରୋନା ସଂକ୍ରମିତ ପିଲା
ଗତ ଅଢେଇ ବର୍ଷ ମଧ୍ୟରେ କୋଭିଡ ସଂକ୍ରମଣ ପରେ ଲୋକଙ୍କ ସାମ୍ନାରେ ବିଭିନ୍ନ ପ୍ରକାରର ସମସ୍ୟା ଦେଖାଦେଇଛି । ଦୁର୍ବଳତା, ଥକ୍କାପଣ ରହିବା ପୋଷ୍ଟ କୋଭିଡର ସାଧାରଣ ଲକ୍ଷଣ ଥିଲା, କିନ୍ତୁ ବର୍ତ୍ତମାନ ପିଲା କରୋନାରୁ ସୁସ୍ଥ ହେବାପରେ ହେପାଟାଇଟିସ୍ ରୋଗର ଶିକାର ହେଉଛନ୍ତି
ନୂଆଦିଲ୍ଲୀ : କରୋନା ଅବଧିରେ, କେବଳ ଜଣେ ବ୍ୟକ୍ତି କରୋନାରେ ସଂକ୍ରମିତ ହେବା ଚିନ୍ତାର ବିଷୟ ନୁହେଁ, ସଂକ୍ରମଣରୁ ପୁନରୁଦ୍ଧାର ପରେ ଦେଖାଦେଉଥିବା ସମସ୍ୟା ମଧ୍ୟ ଚିନ୍ତାର କାରଣ ପାଲଟିଛି । ଗତ ଅଢେଇ ବର୍ଷ ମଧ୍ୟରେ କୋଭିଡ ସଂକ୍ରମଣ ପରେ ଲୋକଙ୍କ ସାମ୍ନାରେ ବିଭିନ୍ନ ପ୍ରକାରର ସମସ୍ୟା ଦେଖାଦେଇଛି । ଦୁର୍ବଳତା, ଥକ୍କାପଣ ରହିବା ପୋଷ୍ଟ କୋଭିଡର ସାଧାରଣ ଲକ୍ଷଣ ଥିଲା, କିନ୍ତୁ ବର୍ତ୍ତମାନ ପିଲାମାନଙ୍କ ଠାରେ କରୋନାରୁ ସୁସ୍ଥ ହେବା ପରେ ହେପାଟାଇଟିସ୍ ରୋଗର ଲକ୍ଷଣ ଦେଖାଦେଉଛି ।
ମଧ୍ୟପ୍ରଦେଶର ଯେଉଁ ପିଲାମାନେ କରୋନାର ଶିକାର ହୋଇଥିଲେ, ସେମାନେ ବର୍ତ୍ତମାନ କରୋନାରୁ ସୁସ୍ଥ ହେବା ପରେ ହେପାଟାଇଟିସର ଶିକାର ହେଉଛନ୍ତି । ମଧ୍ୟପ୍ରଦେଶର ସାଗର ଜିଲ୍ଲାସ୍ଥିତ ବୁନ୍ଦେଲଖଣ୍ଡ ମେଡ଼ିକାଲ କଲେଜ ଏବଂ ଚଣ୍ଡିଗଡ଼ ସ୍ଥିତ ପୋଷ୍ଟ ଗ୍ରାଜୁଏଟ୍ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ରିସର୍ଚ୍ଚ ଟିମ୍ ରିପୋର୍ଟ କରିଛି ଯେ 2021 ମସିହା ଅପ୍ରେଲ - ଜୁଲାଇରେ କୋଭିଡ ପଜିଟିଭ୍ ଚିହ୍ନଟ ହୋଇଥିବା 475 ପିଲାଙ୍କ ପରୀକ୍ଷଣରେ 8% ପିଲାଙ୍କ ଠାରେ ହେପାଟାଇଟିସ୍ ଲକ୍ଷଣ ଦେଖାଦେଇଛି । ଏହି ହେପାଟାଇଟିସ୍ କୁ କୋଭିଡ୍ ଆକ୍ୱାଇଡ୍ ହେପାଟାଇଟିସ୍ (CAH) ନାମରେ ନାମିତ କରାଯାଇଛି । ରିପୋର୍ଟରେ କୁହାଯାଇଛି ଯେ 10 ଜଣ ପିଲାଙ୍କ ଠାରେ ଏହି ଗୁରୁତର ରୋଗ ଥିଲା ।