କାଶ୍ମୀର : ଟାର୍ଗେଟ କିଲିଂ ମଧ୍ୟରେ ଶ୍ରୀନଗରରୁ 177 କାଶ୍ମୀରୀ ପଣ୍ଡିତ ଶିକ୍ଷକଙ୍କ ଟ୍ରାନ୍ସଫର୍
ଶ୍ରୀନଗରରେ ନିଯୁକ୍ତ ହୋଇଥିବା 177 କାଶ୍ମୀରୀ ପଣ୍ଡିତ ଶିକ୍ଷକଙ୍କୁ ସେମାନଙ୍କ ଦାବି ପରେ ନିରାପଦ ସ୍ଥାନକୁ ସ୍ଥାନାନ୍ତର କରିବାକୁ ସରକାର ନିର୍ଦ୍ଦେଶ ଦେଇଛନ୍ତି । ଗୃହମନ୍ତ୍ରୀ ଅମିତ ଶାହାଙ୍କ ଉଚ୍ଚ ସ୍ତରୀୟ ବୈଠକର ଗୋଟିଏ ଦିନ ପରେ ଏହି ଆଦେଶ ଆସିଛି ।
ଶ୍ରୀନଗର : ଜାମ୍ମୁ କାଶ୍ମୀରରେ କାଶ୍ମୀର ପଣ୍ଡିତମାନଙ୍କୁ ନିରନ୍ତର ଟାର୍ଗେଟ କରାଯାଉଛି । ଏଭଳି ପରିସ୍ଥିତିରେ, ଗତ କିଛି ଦିନ ହେବ ଉପତ୍ୟକାରେ ଟାର୍ଗେଟ କିଲିଂର ଗ୍ରାଫ ଭୟଙ୍କର ଭାବେ ବୃଦ୍ଧି ପାଉଛି । ଏହି ସମୟରେ, ଶ୍ରୀନଗରରେ ନିଯୁକ୍ତ ହୋଇଥିବା 177 କାଶ୍ମୀରୀ ପଣ୍ଡିତ ଶିକ୍ଷକଙ୍କୁ ସେମାନଙ୍କ ଦାବି ପରେ ନିରାପଦ ସ୍ଥାନକୁ ସ୍ଥାନାନ୍ତର କରିବାକୁ ସରକାର ନିର୍ଦ୍ଦେଶ ଦେଇଛନ୍ତି । ଗୃହମନ୍ତ୍ରୀ ଅମିତ ଶାହାଙ୍କ ଉଚ୍ଚ ସ୍ତରୀୟ ବୈଠକର ଗୋଟିଏ ଦିନ ପରେ ଏହି ଆଦେଶ ଆସିଛି ।
ବାସ୍ତବରେ, ଶୁକ୍ରବାର ଦିନ ଜାମ୍ମୁ କାଶ୍ମୀରରେ ଟାର୍ଗେଟ କିଲିଂ ଘଟଣାକୁ ନେଇ ଗୃହମନ୍ତ୍ରୀ ଅମିତ ଶାହା ଏକ ଉଚ୍ଚସ୍ତରୀୟ ବୈଠକ ଡକାଇଥିଲେ, ଯେଉଁଥିରେ ଲେଫ୍ଟନାଣ୍ଟ ଗଭର୍ଣ୍ଣର ମନୋଜ ସିହ୍ନା, ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ, ଜାମ୍ମୁ କାଶ୍ମୀରର ଡିଜିପି, ସେନା ମୁଖ୍ୟ ଜେନେରାଲ ମନୋଜ ପାଣ୍ଡେ ଏବଂ ସୁରକ୍ଷା ଏଜେନ୍ସିର ବରିଷ୍ଠ ଅଧିକାରୀଙ୍କ ସହ ସୁରକ୍ଷା ବ୍ୟବସ୍ଥା ପରିସ୍ଥିତି ଉପରେ ଆଲୋଚନା କରାଯାଇଥିଲା ।
ଆମେ ଆପଣଙ୍କୁ କହି ରଖୁଛୁ ଯେ କାଶ୍ମୀରୀ ପଣ୍ଡିତ ଯେଉଁମାନେ ଉପତ୍ୟକାରେ ସରକାରୀ କର୍ମଚାରୀ ଅଛନ୍ତି ସେମାନଙ୍କୁ କ୍ରମାଗତ ଭାବରେ ଟାର୍ଗେଟ୍ କରି ହତ୍ୟା କରାଯାଉଛି । ଏହା ପରେ କାଶ୍ମୀରୀ ପଣ୍ଡିତମାନେ ସେମାନଙ୍କ ସୁରକ୍ଷାକୁ ନେଇ ବହୁତ ଚିନ୍ତିତ ଅଛନ୍ତି । କେନ୍ଦ୍ରୀୟ କାଶ୍ମୀରର ବଡଗାମ୍ ଜିଲ୍ଲାର ଚଦୁରା ଅଞ୍ଚଳରେ ମେ 12 ରେ ଆତଙ୍କବାଦୀଙ୍କ ଦ୍ୱାରା ହତ୍ୟା କରାଯାଇଥିବା ରାହୁଲ ଭଟ୍ଟଙ୍କ ହତ୍ୟା ପରେ କାଶ୍ମୀର ପଣ୍ଡିତମାନେ ବ୍ୟାପକ ବିରୋଧ ପ୍ରଦର୍ଶନ କରିଛନ୍ତି । ସପ୍ତାହକ ମଧ୍ୟରେ 8 ଜଣଙ୍କୁ ହତ୍ୟା କରିଛନ୍ତି ଆତଙ୍କୀ । କାଶ୍ମୀର ପଣ୍ଡିତ ଏବେ କାଶ୍ମୀର ଛାଡ଼ି ଅନ୍ୟତ୍ର ପଳାଉଥିବାର ମଦ୍ୟ ଦେଖାବାକୁ ମିଳୁଛି ।
Click it and Unblock the Notifications
Sign in with Google