ଅଗଷ୍ଟମାସରେ କଣ ରହିବ ଖୋଲା ଓ କାହା ଉପରେ ଲାଗିଲା କଟକଣା

ନୂଆ ଗାଇଡଲାଇନ୍ ଅନୁସାରେ ସାରା ରାଜ୍ୟରେ କଟକଣାକୁ କୋହଳ କରାଯାଇଥିବା ବେଳେ ଭୁବନେଶ୍ୱର, କଟକ ଓ ପୁରୀରେ ସପ୍ତାହନ୍ତ ଲକଡାଉନକୁ ବଳବତ୍ତର ରଖିଛନ୍ତି ରାଜ୍ୟ ସରକାର । ଏହା ବ୍ୟତୀତ ସାରା ରାଜ୍ୟରେ ରାତି 8 ଟାରୁ ସକାଳ 6 ଟା ପର୍ଯ୍ୟନ୍ତ ରାତ୍ରୀକାଳୀନ କର୍ଫ୍ୟୁ ରହିବ ।

Published: Saturday, July 31, 2021, 17:13 [IST]

ଭୁବନେଶ୍ୱର : ରାଜ୍ୟରେ ଅଗଷ୍ଟ ମାସ ପାଇଁ ନୂଆ ଗାଇଡଲାଇନ୍ ଜାରି କରିଛନ୍ତି ରାଜ୍ୟ ସରକାର । ଏସଆରସି ପ୍ରଦୀପ ଜେନା ଗାଇଡଲାଇନ ନେଇ ଆଜି ଘୋଷଣା କରିଛନ୍ତି । ନୂଆ ଗାଇଡଲାଇନ୍ ଅନୁସାରେ ସାରା ରାଜ୍ୟରେ କଟକଣାକୁ କୋହଳ କରାଯାଇଥିବା ବେଳେ ଭୁବନେଶ୍ୱର, କଟକ ଓ ପୁରୀରେ ସପ୍ତାହନ୍ତ ଲକଡାଉନକୁ ବଳବତ୍ତର ରଖିଛନ୍ତି ରାଜ୍ୟ ସରକାର । ଏହା ବ୍ୟତୀତ ସାରା ରାଜ୍ୟରେ ରାତି 8 ଟାରୁ ସକାଳ 6 ଟା ପର୍ଯ୍ୟନ୍ତ ରାତ୍ରୀକାଳୀନ କର୍ଫ୍ୟୁକୁ ବଳବତ୍ତର ରଖିଛନ୍ତି ରାଜ୍ୟ ସରକାର । ତେବେ ଅଗଷ୍ଟ ଗାଇଡଲାନ୍ ମୁତାବକ ଆସନ୍ତୁ ଜାଣିବା କ'ଣ ଖୋଲା ରହିବ ଓ କ'ଣ ବନ୍ଦ ରହିବ...

ଅଗଷ୍ଟ ମାସରେ କଣ ରହିବ ଖୋଲା ?

ଦୋକାନ, ବଜାର ଓ ମଲ୍ ରାତି 8ଟା ଯାଏଁ ଖୋଲା
ବେଳାଭୂମି ଓ ଆହାର କେନ୍ଦ୍ର ଖୋଲା ରହିବ
ରେସ୍ତୋରାଁ, ବାର, ଢାବା, ସିନେମା ହଲ୍ ଓ ପ୍ରେକ୍ଷାଳୟ 50 ପ୍ରତିଶତ ଲୋକଙ୍କୁ ନେଇ ଖୋଲିବ
ପ୍ରାପ୍ତ ବୟସ୍କମାନେ ଦୁଇ ଡୋଜ୍ ଟିକା ପ୍ରମାଣପତ୍ର ଦେଇ ଏହି ସବୁ ସ୍ଥାନକୁ ଯିବେ
ଯାତ୍ରା ଓ ମୁକ୍ତାକାଶ ରଙ୍ଗମଞ୍ଚ 50 ପ୍ରତିଶତ ଦର୍ଶକଙ୍କୁ ନେଇ ଖୋଲିବ
ପାର୍କ, ଓ୍ୱାଟର ପାର୍କ, ନନ୍ଦନକାନନ ଓ ମ୍ୟୁଜିୟମ ଖୋଲିବ
ସରକାରୀ ଓ ବେସରକାରୀ ସୁଇମିଂ ପୁଲ ଖୋଲିବ