ତାଲଚର ଥର୍ମାଲ୍ ପାୱାର୍ ଷ୍ଟେସନର ତୃତୀୟ ପର୍ଯ୍ୟାୟ କାର୍ଯ୍ୟକାରୀ କରିବାକୁ କେନ୍ଦ୍ର ସରକାରଙ୍କୁ ରାଜ୍ୟର ଚିଠି

TTPS ବନ୍ଦ ସହିତ ଜଡିତ ଚିନ୍ତାଧାରାକୁ ସମାଧାନ କରିବା ସହ TTPS ପର୍ଯ୍ୟାୟ -3 ପ୍ରକଳ୍ପର ଶୀଘ୍ର କାର୍ଯ୍ୟକାରିତା ପାଇଁ ପଦକ୍ଷେପ ନେବାକୁ NTPC କୁ ମୁଖ୍ୟମନ୍ତ୍ରୀ କେନ୍ଦ୍ର ସରକାରଙ୍କ ଶକ୍ତି ବିଭାଗକୁ ଚିଠି ଲେଖିଛନ୍ତି ।

ଭୁବନେଶ୍ୱର : ତାଲଚର ଥର୍ମାଲ୍ ପାୱାର୍ ଷ୍ଟେସନ୍ (TTPS) ହେଉଛି ଦେଶର ସର୍ବ ପୁରାତନ ତାପଜ ବିଦ୍ୟୁତ୍ କେନ୍ଦ୍ର । ଏହା ଓଡିଶା ସରକାର ଦ୍ୱାରା 1968 ମସିହାରେ 240 ମେଗାଓ୍ୱାଟ୍ ବିଶିଶ୍ଟ ପ୍ରକଳ୍ପର ପ୍ରଥମ ପର୍ଯ୍ୟାୟ ସ୍ଥାପିତ ହୋଇଥିବା ବେଳେ 220 ମେଗାଓ୍ୱାଟ୍ ବିଶିଷ୍ଟ ପ୍ରକଳ୍ପ 1982ରେ କାର୍ଯ୍ୟକ୍ଷମ ହୋଇଥିଲା । ପରେ, NTPC ଏହାକୁ 1995 ରେ ହାସଲ କରିଥିଲା ।

2010 ରେ, NTPC ଷ୍ଟେସନର କ୍ଷମତା ବିସ୍ତାର କରିବାକୁ ଏବଂ 660 ମେଗାୱାଟର 2 ୟୁନିଟ୍ ସ୍ଥାପନ କରିବାକୁ ପ୍ରସ୍ତାବ ଦେଇଥିଲା । ରାଜ୍ୟ ନିଯୁକ୍ତ ଏଜେନ୍ସି, GRIDCO ଲିମିଟେଡ୍ ତୁରନ୍ତ 660 ମେଗାୱାଟ ପାଇଁ ଡିସେମ୍ବର 2010 ରେ NTPC ସହିତ ଶକ୍ତି କ୍ରୟ ଚୁକ୍ତିନାମା (PPA) ସ୍ୱାକ୍ଷର କରିଥିଲା ।

TTPS ପର୍ଯ୍ୟାୟ -3 ସମ୍ପ୍ରସାରଣ ପ୍ରକଳ୍ପ HLCA ଫେବୃଆରୀ 2020 ରେ ରାଜ୍ୟ ସରକାରଙ୍କ ଅନୁମୋଦନ ଲାଭ କରିସାରିଛି । ଏହକୁ NTPC କାର୍ଯ୍ୟକାରୀ କରିବା ବାକି ଅଛି ।

TTPS 31.03.2021ରେ ବନ୍ଦ ହେଲେ ହଜାର ହଜାର ପରିବାର ଏବଂ ସ୍ଥାନୀୟ ଅର୍ଥନୀତି ଉପରେ ପ୍ରତ୍ୟକ୍ଷ ଏବଂ ପରୋକ୍ଷ ଭାବେ ପ୍ରଭାବ ପକାଇବ ବୋଲି ଚିଠିରେ ଉଲ୍ଲେଖ କରାଯାଇଛି । ତେଣୁ, TTPS ବନ୍ଦ ସହିତ ଜଡିତ ଚିନ୍ତାଧାରାକୁ ସମାଧାନ କରିବା ସହ TTPS ପର୍ଯ୍ୟାୟ -3 ପ୍ରକଳ୍ପର ଶୀଘ୍ର କାର୍ଯ୍ୟକାରିତା ପାଇଁ ପଦକ୍ଷେପ ନେବାକୁ NTPC କୁ ମୁଖ୍ୟମନ୍ତ୍ରୀ କେନ୍ଦ୍ର ସରକାରଙ୍କ ଶକ୍ତି ବିଭାଗକୁ ଚିଠି ଲେଖିଛନ୍ତି । ଏନେଇ ରାଜ୍ୟ ସରକାରଙ୍କ ପୂର୍ଣ୍ଣ ସମର୍ଥନ ରହିବ ବୋଲି ମୁଖ୍ୟମନ୍ତ୍ରୀ ପ୍ରତିଶୃତି ଦେଇଛନ୍ତି ।

English summary

Naveen Patnaik writes Letter to Central Govt on TTPS Expansion .