ବାହାଘରରେ 50 ଜଣ, ଅନ୍ତେଷ୍ଟି କ୍ରିୟାରେ 20ଜଣଙ୍କୁ ଅନୁମତି

ବିବାହ ଓ ଅନ୍ୟ ସାମାଜିକ ଉତ୍ସବ ଲାଗି ସ୍ଥାନୀୟ ପୋଲିସ୍ ଠାରୁ ଅନୁମତି ନେବାକୁ ହେବ । ବିବାହ ଓ ସାମାଜିକ ଉତ୍ସବ ନେଇ କମିଶନରେଟ୍ ପୋଲିସ ନୂତନ ଗାଇଡଲାଇନ୍ ଜାରି କରିଛି । ବିବାହ ଉତ୍ସବରେ ଗୋଟିଏ ସମୟରେ ସର୍ବାଧିକ 50 ଜଣ ସାମିଲ୍ ହୋଇପାରିବେ ।

Published: Friday, April 9, 2021, 18:56 [IST]

ଭୁବନେଶ୍ୱର : ରାଜ୍ୟରେ କରୋନା ସଂକ୍ରମଣ ବୃଦ୍ଧିକୁ ନଜରରେ ରଖି ସରକାର ନୂଆ ଗାଇଡଲାଇନ ଜାରି କରିଛନ୍ତି । ବିବାହ ଓ ଅନ୍ୟ ସାମାଜିକ ଉତ୍ସବ ଲାଗି ସ୍ଥାନୀୟ ପୋଲିସ୍ ଠାରୁ ଅନୁମତି ନେବାକୁ ହେବ । ବିବାହ ଓ ସାମାଜିକ ଉତ୍ସବ ନେଇ କମିଶନରେଟ୍ ପୋଲିସ ନୂତନ ଗାଇଡଲାଇନ୍ ଜାରି କରିଛି । ବିବାହ ଉତ୍ସବରେ ଗୋଟିଏ ସମୟରେ ସର୍ବାଧିକ 50 ଜଣ ସାମିଲ୍ ହୋଇପାରିବେ । କାର୍ଯ୍ୟକ୍ରମ ସ୍ଥଳରେ ସମସ୍ତେ ମାସ୍କ ପିନ୍ଧିବେ, ପରସ୍ପର ମଧ୍ୟରେ 2 ମିଟର ଦୂରତା ରକ୍ଷା କରିବେ ।

ପାନ ଛେପ ଆଦି ପକାଇବା ଉପରେ କଟକଣା ଜାରି କରାଯାଇଛି । ପରବର୍ତ୍ତୀ ନିର୍ଦ୍ଦେଶନାମା ପର୍ଯ୍ୟନ୍ତ ବିବାହ ଶୋଭାଯାତ୍ରାରେ ଉପରେ ପ୍ରତିବନ୍ଧକ ଜାରି କରାଯାଇଛି । କୋଭିଡ୍ ନିୟମରେ ଉଲ୍ଲଂଘନ କଲେ ଆୟୋଜନକାରୀଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ନିଆଯିବ ବୋଲି ନିର୍ଦ୍ଦେଶନାମାରେ ଉଲ୍ଲେଖ କରାଯାଇଛି ।

ସେହିଭଳି ଅନ୍ତ୍ୟେଷ୍ଟି କ୍ରିୟା ପାଇଁ ମଧ୍ୟ ପୋଲିସ ଠାରୁ ଅନୁମତି ନେବାକୁ ପଡ଼ିବ । ଏଥିରେ 20 ଜଣରୁ ଅଧିକ ଲୋକ ଗୋଟିଏ ସମୟରେ ସାମିଲ୍ ହୋଇପାରିବେ ନାହିଁ । ସେଠାରେ ଉପସ୍ଥିତ ସମସ୍ତ ଲୋକ କୋଭିଡ୍ ଗାଇଜଲା ପାଳନ କରି ମାସ୍କ ବ୍ୟବହାର କରିବା ସହ ପରସ୍ପର ମଧ୍ୟରେ 2ମିଟର ସାମାଜିକ ଦୂରତା ବଜାୟ ରଖିବାକୁ କୁହାଯାଇଛି ।

Published On April 9, 2021