‘ପୂର୍ବ ଭାରତର ଉତ୍ପାଦନ ହବ୍' ଭାବେ ଦ୍ରୁତ ଗତିରେ ଉଭା ହେଉଛି ଓଡ଼ିଶା : ମୁଖ୍ୟମନ୍ତ୍ରୀ
ଓଡ଼ିଶାର ବିକାଶ ଦିଗରେ ନିବେଶ ପ୍ରୋତ୍ସାହନ, ନୀତି ପ୍ରଚାର, ଏବଂ ଉଦ୍ୟୋଗୀତାକୁ ପ୍ରୋତ୍ସାହନ ଦେବା, ବିଶେଷକରି ମହିଳା ଏବଂ ଷ୍ଟାର୍ଟ-ଅପ୍ କ୍ଷେତ୍ରରେ ରାଜ୍ୟ ସରକାର ଓ FICCI ବହୁମୁଖୀ ପ୍ରଗତିର ଅଂଶାଦାର ଭାବେ କାର୍ଯ୍ୟ କରୁଛନ୍ତି |
ଭୁବନେଶ୍ୱର : ଶିଳ୍ପ ବିକାଶ ପାଇଁ ଶିଳ୍ପ କ୍ଷେତ୍ରର ଅବଦାନ ଏବଂ ଏହାର ନିରନ୍ତର ଫିଡବ୍ୟାକ୍ ନିହାତି ଜରୁରୀ | ଦେଶର ନିବେଶକ ସମ୍ପ୍ରଦାୟର ପ୍ରତିନିଧିତ୍ୱ କରିବାରେ FICCI, 90 ବର୍ଷରୁ ଅଧିକ ସମୟ ଧରି ଭାରତରେ ଶିଳ୍ପ ବିକାଶ ଦିଗରେ ଏକ ଉଲ୍ଲେଖନୀୟ କାର୍ଯ୍ୟ କରିଆସୁଛି | ସେହିପରି ଓଡ଼ିଶାର ବିକାଶ ଦିଗରେ ନିବେଶ ପ୍ରୋତ୍ସାହନ, ନୀତି ପ୍ରଚାର, ଏବଂ ଉଦ୍ୟୋଗୀତାକୁ ପ୍ରୋତ୍ସାହନ ଦେବା, ବିଶେଷକରି ମହିଳା ଏବଂ ଷ୍ଟାର୍ଟ-ଅପ୍ କ୍ଷେତ୍ରରେ ରାଜ୍ୟ ସରକାର ଓ FICCI ବହୁମୁଖୀ ପ୍ରଗତିର ଅଂଶାଦାର ଭାବେ କାର୍ଯ୍ୟ କରୁଛନ୍ତି | ଓଡ଼ିଶା 'ପୂର୍ବ ଭାରତର ଉତ୍ପାଦନ ହବ୍' ଭାବେ ଦ୍ରୁତ ଗତିରେ ଅଗ୍ରସର ହେଉଛି ବୋଲି କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ |
ଶନିବାର FICCI ର 93 ତମ ବାର୍ଷିକ ସାଧାରଣ ସଭାରେ ଉଦବୋଧନ ଦେଇ ମୁଖ୍ୟମନ୍ତ୍ରୀ କହିଛନ୍ତି, FICCIର ଏହି କାର୍ଯ୍ୟ ପାଇଁ ମୁଁ ବେଶ୍ ଆନନ୍ଦିତ ଏବଂ ଏହି ସଫଳତା ପାଇଁ ସମସ୍ତଙ୍କୁ ଧନ୍ୟବାଦ | 'ମୋ ସରକାର' ସର୍ବଦା ଓଡିଶାର ନିବେଶକମାନଙ୍କ ପାଇଁ ଏକ ବ୍ୟବସାୟିକ ପରିବେଶ ସୃଷ୍ଟି କରିବା ପାଇଁ ଚେଷ୍ଟା କରିଆସୁଛନ୍ତି |
ଏଥି ସହିତ ସରକାରୀ ସେବା ପାଇବା ପାଇଁ ଭୌତିକ ଇଣ୍ଟରଫେସକୁ ହ୍ରାସ କରିବା ସହ ବୈଷୟିକ ସଂସ୍କାର ଆଣିବା ଦିଗରେ କାର୍ଯ୍ୟ କରୁଛି | 'ମୋ ସରକାର' ତଥା 5-ଟି ଅଧୀନରେ ଥିବା ପରିବର୍ତ୍ତନଶୀଳ ପଦକ୍ଷେପ ଏଜେନ୍ସିଗୁଡ଼ିକରେ ବୃତ୍ତିଗତ ଏବଂ ଆଚରଣଗତ ପରିବର୍ତ୍ତନ ଆଣି ରାଜ୍ୟରେ ଏକ ଅନୁକୂଳ ବ୍ୟବସାୟ ପରିବେଶ ସୃଷ୍ଟି କରିବାରେ ପ୍ରମୁଖ ଭୂମିକା ଗ୍ରହଣ କରିଛି ବୋଲି ସେ କହିଛନ୍ତି |
ଶିଳ୍ପ ଉପରେ ନିୟାମକ ଭାର ହ୍ରାସ କରିବା ପାଇଁ ମୋ ସରକାରଙ୍କ ଉଦ୍ୟମରେ ବିଭିନ୍ନ ବିଭାଗରେ 30 ରୁ ଅଧିକ ସରକାର-ବ୍ୟବସାୟ ସେବା ପାଇଁ ନୂତନ ଅନଲାଇନ୍ ସିଷ୍ଟମ ବିକଶିତ ହୋଇଛି | ତୁରନ୍ତ ସେବା ଯୋଗାଇବାରେ ନିଶ୍ଚିତ କରିବା ପାଇଁ ସେବାଗୁଡିକର ସମୟସୀମା ମଧ୍ୟ ରାଜ୍ୟର ଜନସେବା ଆଇନ ଅଧୀନରେ ଅନ୍ତର୍ଭୂକ୍ତ କରାଯାଇଛି | ଶିଳ୍ପଗୁଡିକ ଦ୍ୱାରା ସହଜ ସ୍ଥାନ ଚୟନ ପାଇଁ ଜିଆଇଏସ୍ ଆଧାରିତ ପ୍ଲାଟଫର୍ମରେ ଏକ ଲକ୍ଷ ଏକରରୁ ଅଧିକ ଜମି ଉପଲବ୍ଧ ଥିବା ଏକ ଉତ୍ସର୍ଗୀକୃତ ଲ୍ୟାଣ୍ଡ ବ୍ୟାଙ୍କ୍ ମଧ୍ୟ ବିକଶିତ କରାଯାଇଛି |
ପୂର୍ବ ବର୍ଷ ଗୁଡ଼ିକରେ ଶିଳ୍ପ ସଂସ୍ଥାମାନଙ୍କଦ୍ୱାରା ଓଡ଼ିଶା ଏକ ଉତ୍କୃଷ୍ଟ ବିନିଯୋଗ ଲକ୍ଷ୍ୟସ୍ଥଳ ଭାବରେ ବିବେଚିତ ହୋଇଛି | ପୁଞ୍ଜି ବିନିଯୋଗ କ୍ଷେତ୍ରରେ ଏପ୍ରିଲ୍-ସେପ୍ଟେମ୍ବର 2019 ମଧ୍ୟରେ ଓଡ଼ିଶା ଏକ ନମ୍ବର ସ୍ଥାନରେ ରହିଥିଲା ଏବଂ ଏହି ସ୍ଥିତିକୁ ବଜାୟ ରଖିବାକୁ ପ୍ରସ୍ତୁତ ଅଛି |
ଶିଳ୍ପ କ୍ଷେତ୍ରରେ ନୂତନ ପୁଞ୍ଜି ବିନିଯୋଗକୁ ଆକୃଷ୍ଟ କରିବା ପାଇଁ, ଆମର ଅଧିକାରୀମାନେ ବ୍ୟବସାୟିକ ଇକୋସିଷ୍ଟମ୍ ଏବଂ ରାଜ୍ୟରେ ପୁଞ୍ଜି ବିନିଯୋଗର ସୁଯୋଗ ଦେଖାଇବା ପାଇଁ ଜାପାନ, ରିପବ୍ଲିକ୍ ଅଫ୍ କୋରିଆ, ଆମେରିକା ଏବଂ ଭିଏତନାମର ଅନୁଷ୍ଠାନ ଏବଂ ଶିଳ୍ପ ସହିତ ଆଲୋଚନା କରିଛନ୍ତି | ଓଡିଶା ପ୍ରତି ନିବେଶକଙ୍କ ଭାବନା ଅତ୍ୟନ୍ତ ଉତ୍ସାହଜନକ ବୋଲି କହି ଖୁସି ବ୍ୟକ୍ତ କରିଛନ୍ତି |
Odisha CM Shri Naveen Patnaik addresses the 93rd #FICCIAGM. pic.twitter.com/APM58atSKr
— FICCI (@ficci_india) December 12, 2020
ଏପରିକି ଏହି କଠିନ COVID ମହାମାରୀ ସମୟରେ ବିିନିଯୋଗକାରୀଙ୍କ ମାଧ୍ୟମରେ 1ଲକ୍ଷ କୋଟିରୁ ଅଧିକ ପୁଞ୍ଜି ନିବେଶ କରିବାରେ ଓଡ଼ିଶା ସକ୍ଷମ ହୋଇଛି | ମୋ ସରକାର କେବଳ ନୂତନ ପୁଞ୍ଜି ବିନିଯୋଗ ଆକୃଷ୍ଟ କରିବା ଉପରେ ନୁହେଁ, ବରଂ ପ୍ରକଳ୍ପଗୁଡିକୁ ଭିତ୍ତିଭୂମି ଉପରେ ମଧ୍ୟ ଧ୍ୟାନ ଦେଉଛନ୍ତି | ନିକଟ ଅତୀତରେ ସ୍ୱାସ୍ଥ୍ୟସେବା, ଅକ୍ଷୟ ଶକ୍ତି, ଆଲୁମିନିୟମ୍, ବୈଷୟିକ ପ୍ରୟୁକ୍ତିବିଦ୍ୟା ଏବଂ ଖାଦ୍ୟ ପ୍ରକ୍ରିୟାକରଣ ଠାରୁ ଆରମ୍ଭ କରି ବିଭିନ୍ନ କ୍ଷେତ୍ରରେ ନୂତନ ଶିଳ୍ପ ପ୍ରକଳ୍ପ ଆରମ୍ଭ କରାଯାଇଥିଲା |
ବର୍ତ୍ତମାନ ରାଜ୍ୟ ସରକାର ଅନୁଗୁଳ, ଝାରସୁଗୁଡ଼ା ଏବଂ କଳିଙ୍ଗନଗର ଭଳି ଶିଳ୍ପାଞ୍ଚଳରେ ଆଲୁନମିନିୟମ ଡାଉନଷ୍ଟ୍ରିମ୍ ଉପରେ କାର୍ଯ୍ୟ କରିବାକୁ ଲକ୍ଷ୍ୟ ରଖାଯାଇଛି | ଏଥି ସହିତ ପାରାଦୀପକୁ ରାସାୟନିକ ପଦାର୍ଥ ଏବଂ ପେଟ୍ରୋକେମିକାଲ୍ସର ହବ୍ ଭାବେ ବିକଶିତ କରିବାକୁ ଯୋଜନା କରାଯାଇଛି |
ଏହି ସମସ୍ତ ବିକାଶ ସହିତ ଓଡିଶା ବିଶ୍ୱ ସ୍ତରୀୟ ଶିଳ୍ପ ବିନିଯୋଗ କ୍ଷେତ୍ର ହେବା ଲକ୍ଷ୍ୟ ହାସଲ କରିବାକୁ ସ୍ଥିର କରିଛି | ମେକ୍ ଇନ୍ ଓଡିଶାର କନକ୍ଲେଭର ତୃତୀୟ ସଂସ୍କରଣରେ FICCI ପୁନର୍ବାର ଜାତୀୟ ଶିଳ୍ପ ସହଭାଗୀ ହେବ | ଏହା ଏକ ଖୁସିର ବିଷୟ ବୋଲି ଶ୍ରୀ ପଟ୍ଟନାୟକ କହିଛନ୍ତି |
2018 ରେ କନକ୍ଲେଭ୍ର ସଫଳତାରେ FICCI ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା | ଓଡିଶା ସରକାରଙ୍କ ଖାଦ୍ୟ ପ୍ରକ୍ରିୟାକରଣ, କେମିକାଲ୍, ପର୍ଯ୍ୟଟନ ଏବଂ ବୈଷୟିକ ପ୍ରୟୁକ୍ତିବିଦ୍ୟା ବିଭାଗ ଭଳି ଗୁରୁତ୍ୱପୂର୍ଣ୍ଣ ବିଭାଗରେ କାର୍ଯ୍ୟ କରିବାକୁ କେତେକ ସେକ୍ଟରକୁ ମନୋନୀତ କରିବାକୁ ସେ FICCIକୁ ଅନୁରୋଧ କରିଛନ୍ତି |
ଶେଷରେ 93 ତମ ବାର୍ଷିକ ସାଧାରଣ ସଭାର ସଫଳ ସଂଗଠନ ପାଇଁ FICCI ଦଳକୁ ଅଭିନନ୍ଦନ ଜଣାଇବା ସହ ଓଡିଶାର ସହଯୋଗ ସମେତ ସମସ୍ତ ଭବିଷ୍ୟତ ପଦକ୍ଷେପ ପାଇଁ ଶୁଭେଚ୍ଛା ଜଣାଇଛନ୍ତି |
Click it and Unblock the Notifications
Sign in with Google