ଜୁଲାଇ 26 ରୁ ଖୋଲିବ ସ୍କୁଲ : ଶ୍ରେଣୀ ଗୃହରେ ପାଠ ପଢିବେ ଦଶମ ଓ ଦ୍ୱାଦଶ ଶ୍ରେଣୀ

ଚଳିତ ମାସରୁ ଅର୍ଥାତ ଜୁଲାଇ 26ରୁ ଖୋଲିବ ସ୍କୁଲ୍ । ସମସ୍ତ ଦଶମ ଓ ଦ୍ୱାଦଶ ଶ୍ରେଣୀ ଛାତ୍ରଛାତ୍ରୀ ଶ୍ରେଣୀ ଗୃରେ ପାଠ ପଢି ପାରିବେ ବୋଲି ସରକାର ଘୋଷଣା କରିଛନ୍ତି । ଏ ନେଇ ଆଜି ପ୍ରେସମିଟରେ ସୂଚନା ଦେଇଛନ୍ତି ଗଣଶିକ୍ଷା ସଚିବ ସତ୍ୟବ୍ରତ ସାହୁ ।

ଭୁବନେଶ୍ୱର : ଦୀର୍ଘ ଦିନ ପରେ ଖୋଲିବ ସ୍କୁଲ୍ । ଶ୍ରେଣୀ ଗୃହରେ ପାଠ ପଢିବେ ଛାତ୍ରଛାତ୍ରୀ । କୋଭିଡର ତୃତୀୟ ଲହର ପୂର୍ବରୁ ସ୍କୁଲ ଖୋଲିବା ନେଇ ରାଜ୍ୟ ସରକାର ବଡ଼ ଘୋଷଣା କରିଛନ୍ତି । ଚଳିତ ମାସରୁ ଅର୍ଥାତ ଜୁଲାଇ 26ରୁ ଖୋଲିବ ସ୍କୁଲ୍ । ସମସ୍ତ ଦଶମ ଓ ଦ୍ୱାଦଶ ଶ୍ରେଣୀ ଛାତ୍ରଛାତ୍ରୀ ଶ୍ରେଣୀ ଗୃରେ ପାଠ ପଢି ପାରିବେ ବୋଲି ସରକାର ଘୋଷଣା କରିଛନ୍ତି । ଏ ନେଇ ଆଜି ପ୍ରେସମିଟରେ ସୂଚନା ଦେଇଛନ୍ତି ଗଣଶିକ୍ଷା ସଚିବ ସତ୍ୟବ୍ରତ ସାହୁ । ସ୍କୁଲର ସମୟ ସୀମା ମଧ୍ୟ ନିର୍ଦ୍ଧାରଣ କରାଯାଇଛି । ସରକାରଙ୍କ ନୂଆ ନିୟମ ମୁତାବକ ସକାଳ 10 ଟାରୁ ଅପରାହ୍ନ 1.30 ପର୍ଯ୍ୟନ୍ତ ଚାଲିବ କ୍ଲାସ୍ ।

ସେହିଭଳି ଅଗଷ୍ଟ 16ରୁ ନବମ ଶ୍ରେଣୀ ଖୋଲିବା ପାଇଁ ନିଷ୍ପତ୍ତି ହୋଇଛି । ଅଭିଭାବକଙ୍କ ସହ ଆଲୋଚନା କରି ସ୍କୁଲ ଆସିପାରିବେ ଛାତ୍ରଛାତ୍ରୀ । ଅନ୍ୟ ଶ୍ରେଣୀରେ ପୂର୍ବ ନିର୍ଦ୍ଧାରିତ ନିୟମ ଅନୁଯାୟୀ ଅନଲାଇନ୍ ପରୀକ୍ଷା ଜାରି ରହିବ । ସେହିପରି ଜୁଲାଇ 30ରୁ ଅଗଷ୍ଟ 5 ପର୍ଯ୍ୟନ୍ତ ମାଟ୍ରିକ୍ ପରୀକ୍ଷା ଚାଲିବ । କୋଭିଡ୍ କଟକଣା ଭିତରେ ପରୀକ୍ଷା ହେବ । ପରୀକ୍ଷା ପରିଚାଳନା ଦାୟିତ୍ବରେ ଥିବା ସମସ୍ତ କର୍ମଚାରୀଙ୍କ କୋଭିଡ୍ ଟେଷ୍ଟ ମଧ୍ୟ କରାଯିବ । ମୋଟ 2 ହଜାର 444 ଜଣ ଛାତ୍ରଛାତ୍ରୀ ପରୀକ୍ଷାରେ ଅସନ୍ତୁଷ୍ଟ ଥିବା ଗଣଶିକ୍ଷା ସଚିବ ସୂଚନା ଦେଇଛନ୍ତି ।

ରବିବାର ଓ ସମସ୍ତ ସରକାରୀ ଛୁଟି ଦିନରେ ବିଦ୍ୟାଳୟ ବନ୍ଦ ରହିବ । ବିଦ୍ୟାଳୟରେ କୋଭିଡ କଟକଣାକୁ ବାଧ୍ୟତାମୂଳକ ଭାବେ ପାଳନ କରାଯିବ । ସେହିପରି ସ୍କୁଲ ଖୋଳିବା ପୂର୍ବରୁ ଏହାକୁ ସାନିଟାଇଜ କରାଯିବ ।

English summary

School To Reopen From 26th July In odisha