ବଦଳିଲା ସ୍କୁଲ ଖୋଲିବା ନିଷ୍ପତ୍ତି, ଅପ୍ରେଲ 15 ଯାଏଁ ଘୁଞ୍ଚିଲା ସ୍କୁଲ୍ ଖୋଲିବା ତାରିଖ
ଏହା ପୂର୍ବରୁ ମାର୍ଚ୍ଚ 31 ପର୍ଯ୍ୟନ୍ତ ସ୍କୁଲ ବନ୍ଦ ରଖିବାକୁ କୁହାଯାଇଥିବା ବେଳେ ଏବେ ଏହି ଅବଧିକୁ ଅପ୍ରେଲ୍ 15 ଯାଏଁ ବଢ଼ାଇ ଦିଆଯାଇଛି । ନବମରୁ ଦ୍ବାଦଶ ଶ୍ରେଣୀ ପାଇଁ ପୂର୍ବ ନିୟମ ଜାରି ରହିବ ।
ଭୋପାଳ : ସାରା ଦେଶରେ ଦୈନିକ କରୋନା ସଂକ୍ରମଣ ମାମଲା ବୃଦ୍ଧି ପାଇବାରେ ଲାଗିଛି । ଏହାକୁ ନଜରରେ ରଖି ବିଭିନ୍ନ ରାଜ୍ୟ ସରକାର ସ୍କୁଲ୍ ଖୋଲିବା ନେଇ ନିଷ୍ପତ୍ତି ବଦଳାଇବାରେ ଲାଗିଛନ୍ତି । ଏହି ସମୟରେ ସ୍କୁଲ କୋଲିବା ତାରିଖ ଘୁଞ୍ଚାଇବାକୁ ନିଷ୍ପତ୍ତି ନେଇଛନ୍ତି ମଧ୍ୟପ୍ରଦେଶ ସରକାର । ଦୈନିକ ସଂକ୍ରମିତଙ୍କ ସଂଖ୍ୟା ବୃଦ୍ଧିକୁ ନଜରରେ ରଖି ସରକାର ବିଭିନ୍ନ ପଦକ୍ଷେପ ଗ୍ରହଣ କରୁଛନ୍ତି। ମଧ୍ୟପ୍ରଦେଶ ସରକାର ରାଜ୍ୟରେ କରୋନା ସଂକ୍ରମଣ ବଢ଼ୁଥିବାରୁ ସ୍କୁଲ ଖୋଲିବା ଉପରେ ରୋକ ଲଗାଇଛନ୍ତି ।
ଅପ୍ରେଲ ପହିଲାରୁ ପ୍ରଥମରୁ ଅଷ୍ଟମ ଶ୍ରେଣୀ ବନ୍ଦ ରଖିବାକୁ ରାଜ୍ୟ ଶିକ୍ଷା ବିଭାଗ ନିର୍ଦ୍ଦେଶ ଦେଇଛନ୍ତି । ଏହା ପୂର୍ବରୁ ମାର୍ଚ୍ଚ 31 ପର୍ଯ୍ୟନ୍ତ ସ୍କୁଲ ବନ୍ଦ ରଖିବାକୁ କୁହାଯାଇଥିବା ବେଳେ ଏବେ ଏହି ଅବଧିକୁ ଅପ୍ରେଲ୍ 15 ଯାଏଁ ବଢ଼ାଇ ଦିଆଯାଇଛି । ନବମରୁ ଦ୍ବାଦଶ ଶ୍ରେଣୀ ପାଇଁ ପୂର୍ବ ନିୟମ ଜାରି ରହିବ । 11 ଅପ୍ରେଲରୁ ନବମ ଏବଂ ଏକାଦଶ ଶ୍ରେଣୀ ର ପରୀକ୍ଷା ଆରମ୍ଭ ହେବ ବୋଲି ମଧ୍ୟପ୍ରଦେଶ ସରକାର ନିଷ୍ପତ୍ତି ନେଇଛନ୍ତି ।
ସବୁଠୁ ଚିନ୍ତାଜନକ ବିଷୟ, ମଧ୍ୟପ୍ରଦେଶରେ ପ୍ରଥମ ଶ୍ରେଣୀରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଗତ ବର୍ଷରୁ ବନ୍ଦ ରହିଛି । କିନ୍ତୁ ଏହି ସମୟରେ ଅନଲାଇନ୍ କ୍ଲାସ୍ ଉପରେ ସରକାର ଗୁରୁତ୍ବ ଦେଇଥିଲେ । ଅନ୍ୟପଟେ କରୋନା କଟକଣା ସହ ନବମରୁ ଦ୍ବାଦଶ ଶ୍ରେଣୀ ଯାଏଁ ସ୍କୁଲ ଖୋଲାଯାଇଥିଲା । ଯାହାକି ଚଳିତ ବର୍ଷ କରୋନା ମାମଲା ବୃଦ୍ଧି ଯୋଗୁ 31 ମାର୍ଚ୍ଚ ପର୍ଯ୍ୟନ୍ତ ବନ୍ଦ ରହିଛି ।
Click it and Unblock the Notifications
Sign in with Google