'ସମଗ୍ର ଶିକ୍ଷା ସ୍କିମ୍ 2.0' କୁ ମୋଦୀ ସରକାରର ଅନୁମୋଦନ, ସମସ୍ତ ସରକାରୀ ବିଦ୍ୟାଳୟରେ ଖୋଲିବ 'ପ୍ଲେ ସ୍କୁଲ୍'
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ବୁଧବାର କେନ୍ଦ୍ର କ୍ୟାବିନେଟର ଏକ ବୈଠକ ଅନୁଷ୍ଠିତ ହୋଇଥିଲା । ଯେଉଁଥିରେ 1 ଅପ୍ରେଲ 2021 ରୁ 31 ମାର୍ଚ୍ଚ 2026 ପର୍ଯ୍ୟନ୍ତ ବିଦ୍ୟାଳୟ ଶିକ୍ଷା ପାଇଁ ସମଗ୍ର ଶିକ୍ଷା ଯୋଜନା ଜାରି ରଖିବାକୁ ଅନୁମୋଦନ ଦିଆଯାଇଛି ।
ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ବୁଧବାର କେନ୍ଦ୍ର କ୍ୟାବିନେଟର ଏକ ବୈଠକ ଅନୁଷ୍ଠିତ ହୋଇଥିଲା । ଯେଉଁଥିରେ 1 ଅପ୍ରେଲ 2021 ରୁ 31 ମାର୍ଚ୍ଚ 2026 ପର୍ଯ୍ୟନ୍ତ ବିଦ୍ୟାଳୟ ଶିକ୍ଷା ପାଇଁ ସମଗ୍ର ଶିକ୍ଷା ଯୋଜନା ଜାରି ରଖିବାକୁ ଅନୁମୋଦନ ଦିଆଯାଇଛି । କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଅନୁଯାୟୀ ଶିକ୍ଷା ପାଇଁ ନିରନ୍ତର ବିକାଶ ଲକ୍ଷ୍ୟକୁ ଧ୍ୟାନରେ ରଖାଯାଇଛି । ଆହୁରି ମଧ୍ୟ, ନିକଟରେ ଆସିଥିବା ରାଷ୍ଟ୍ରୀୟ ଶିକ୍ଷା ନୀତିର ଏକ ସର୍ବଭାରତୀୟ ଅଂଶ ।
ପ୍ରଧାନଙ୍କ ଅନୁଯାୟୀ ଏହି ଯୋଜନାରେ 2 ଲକ୍ଷ 94 ହଜାର 283 କୋଟି 4 ଲକ୍ଷ ଟଙ୍କା ଖର୍ଚ୍ଚ ହେବ ବୋଲି ଆକଳନ କରାଯାଇଛି । ଯାହା ଅଧୀନରେ ଏହି ଯୋଜନା ଏକ ସମାନ ଏବଂ ଅନ୍ତର୍ଭୂକ୍ତ ଶ୍ରେଣୀଗୃହ ପରିବେଶ ସହିତ ଗୁଣାତ୍ମକ ଶିକ୍ଷା ପାଇଁ ସୁବିଧା ପ୍ରଦାନ କରିବ । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ସରକାରୀ ବିଦ୍ୟାଳୟରେ 'ପ୍ଲେ ସ୍କୁଲ୍' ମଧ୍ୟ ଖୋଲାଯିବ | ଶିକ୍ଷା ମନ୍ତ୍ରୀ କହିଛନ୍ତି ଯେ ଏହି ଯୋଜନାର ନାମ ସମଗ୍ର ଶିକ୍ଷା ସ୍କିମ୍ 2.0 ରଖାଯାଇଛି । ଏହି ଯୋଜନାରେ 11.6 ଲକ୍ଷ ସରକାରୀ ଏବଂ ସରକାରୀ ସହାୟତା ପ୍ରାପ୍ତ ବିଦ୍ୟାଳୟ, 15.6 କୋଟି ପିଲା ଏବଂ 57 ଲକ୍ଷ ଶିକ୍ଷକ ଅନ୍ତର୍ଭୁକ୍ତ ହେବେ ।
କ'ଣ ଏହି ଯୋଜନା ?
ପ୍ରକୃତରେ ଏହି ଯୋଜନାର ଉଦ୍ଦେଶ୍ୟ ହେଉଛି ସରକାରୀ ବିଦ୍ୟାଳୟଗୁଡ଼ିକର ମାନକୁ ଉନ୍ନତ କରିବା । ଯେଉଁଥିରେ ବାଲ୍ ବାଟିକା, ସ୍ମାର୍ଟ କ୍ଲାସ୍ ଏବଂ ତାଲିମପ୍ରାପ୍ତ ଶିକ୍ଷକମାନଙ୍କ ପାଇଁ ବ୍ୟବସ୍ଥା କରାଯିବ । ଏହା ସହିତ ଭିତ୍ତିଭୂମି, ଧନ୍ଦାମୂଳକ ଶିକ୍ଷା ଏବଂ ସୃଜନଶୀଳ ଶିକ୍ଷାଦାନ ପ୍ରଣାଳୀ ବିକାଶ କରାଯିବ । ଏସବୁ ବ୍ୟତୀତ ବିଦ୍ୟାଳୟଗୁଡ଼ିକର ପରିବେଶକୁ ଉନ୍ନତ କରିବା ସରକାରଙ୍କ ଉଦ୍ଦେଶ୍ୟ ।
Click it and Unblock the Notifications
Sign in with Google