ପ୍ରକାଶ ପାଇଲା ଆଇସିଏସଇର ଦଶମ ଓ ଦ୍ୱାଦଶ ପରୀକ୍ଷା ଫଳ, ଜାଣନ୍ତୁ କିପରି ଜାଣିବେ ପରୀକ୍ଷା ଫଳ

କାଉନସିଲ୍ ଫର ଇଣ୍ଡିଆନ୍ ସ୍କୁଲ୍ ସାର୍ଟିଫିକେଟ୍ ପରୀକ୍ଷା (CISCE) ଶନିବାର ଦିନ ଅପରାହ୍ନ 3 ଟାରେ ICSE (ଦଶମ ଶ୍ରେଣୀ) ଏବଂ ISC (ଦ୍ୱାଦଶ ଶ୍ରେଣୀ) ଫଳାଫଳ ଘୋଷଣା କରିଛି ।

ନୂଆଦିଲ୍ଲୀ : କାଉନସିଲ୍ ଫର ଇଣ୍ଡିଆନ୍ ସ୍କୁଲ୍ ସାର୍ଟିଫିକେଟ୍ ପରୀକ୍ଷା (CISCE) ଶନିବାର ଦିନ ଅପରାହ୍ନ 3 ଟାରେ ICSE (ଦଶମ ଶ୍ରେଣୀ) ଏବଂ ISC (ଦ୍ୱାଦଶ ଶ୍ରେଣୀ) ଫଳାଫଳ ଘୋଷଣା କରିଛି । ଚଳିତ ବର୍ଷ ବୋର୍ଡ ପରୀକ୍ଷା ପାଇଁ ପଞ୍ଜୀକୃତ ହୋଇଥିବା ଛାତ୍ରମାନେ ବର୍ତ୍ତମାନ CISCE ର ଅଫିସିଆଲ୍ ୱେବସାଇଟ୍, cisce.org ପରିଦର୍ଶନ କରି ସେମାନଙ୍କର ଫଳାଫଳ ଯାଞ୍ଚ କରିପାରିବେ ।

CISCE ଦ୍ୱାରା ପ୍ରକାଶିତ ଫଳାଫଳ ଅନୁଯାୟୀ, ICSE (ଶ୍ରେଣୀ ଦଶମ) ର ମୋଟ ପାସ୍ ହାର ରହିଛି 99.98% । ସେହିପରି ISC (ଦ୍ୱାଦଶ ଶ୍ରେଣୀ) ପାସ୍ ହାର ହେଉଛି 99.76 ପ୍ରତିଶତ । ISC ରେ 99.86 ପ୍ରତିଶତ ବାଳକ ପାସ୍ କରିଥିବା ବେଳେ ଓ 99.66 ଛାତ୍ରୀ ପାସ୍ କରିଛନ୍ତି ।

ଏହି ବର୍ଷ ICSE ପରୀକ୍ଷାରେ 2 ଲକ୍ଷ 19 ହଜାର 499 ଛାତ୍ରଛାତ୍ରୀ ଏବଂ ISE ରେ 94 ହଜାର 11 ଛାତ୍ରଛାତ୍ରୀ ପଞ୍ଜିକରଣ କରାଇଥିଲେ । ଚଳିତ ବର୍ଷ କରୋନା ମହାମାରୀର ଦ୍ୱିତୀୟ ଲହର ହେତୁ ISCE ଏବଂ ISC ର ପରୀକ୍ଷାକୁ ବାତିଲ କରି ମୂଲ୍ୟାଙ୍କନ ନୀତି ଅନୁଯାୟୀ ଫଳାଫଳ ପ୍ରକାଶ କରିବାକୁ ନିଷ୍ପତ୍ତି ନିଆଯାଇଥିଲା । CISCE କହିଛି ଯେ ଚଳିତ ବର୍ଷ ଉତ୍ତର ଖାତାର ପୁନଃ ଯାଞ୍ଚର ସୁବିଧା ଯୋଗାଇ ଦିଆଯିବ ନାହିଁ ।

ଏହିପରି ଆପଣଙ୍କର ଫଳାଫଳ ଯାଞ୍ଚ କରନ୍ତୁ

ସୋପାନ 1 : ଛାତ୍ରମାନେ cisce.org କିମ୍ବା results.cisce.org ପରିଦର୍ଶନ କରନ୍ତୁ ।

ସୋପାନ 2 : 'Results 20211' ଲିଙ୍କରେ କ୍ଲିକ୍ କରନ୍ତୁ ।

ସୋପାନ 3 : ICSE / ISC 2021 ଉପରେ କ୍ଲିକ୍ କରନ୍ତୁ ।

ସୋପାନ 4 : ଏଥିରେ ଆବଶ୍ୟକୀୟ ତଥ୍ୟ ଦେଇ ସବମିଟ୍ କରନ୍ତୁ ।

ସୋପାନ 5 : ଏହା ପରେ ଆପଣ ଫଳାଫଳ ଜାଣିପାରିବେ ଏବଂ ଡାଉନଲୋଡ୍ ମଧ୍ୟ କରିପାରିବେ ।

English summary

ICSE And ISc Board Exam Result Declared, know how to check your result