CBSE Board Exams 2022 : ବର୍ଷକୁ ଦୁଇଥର ହେବ ପରୀକ୍ଷା, କମିବ ସିଲାବସ୍... ଜାଣନ୍ତୁ କଣ ରହିବ ଫର୍ମୁଲା

ବର୍ତ୍ତମାନ ବର୍ଷକୁ ଦୁଇଥର ପରୀକ୍ଷା ଅନୁଷ୍ଠିତ ହେବ । ଏଥି ସହିତ ସିଲାବସ୍ ମଧ୍ୟ ପରିବର୍ତ୍ତନ କରିବାକୁ ନିଷ୍ପତ୍ତି ନିଆଯାଇଛି । ବୋର୍ଡ ଦ୍ୱାରା ଜାରି କରାଯାଇଥିବା ସ୍ୱତନ୍ତ୍ର ମୂଲ୍ୟାଙ୍କନ ଯୋଜନା ଅନୁଯାୟୀ ଏହି ଅଧିବେଶନରେ ଦୁଇଥର ପରୀକ୍ଷା କରାଯିବ ।

Updated: Tuesday, July 6, 2021, 12:25 [IST]

ନୂଆଦିଲ୍ଲୀ : ସିବିଏସିଇର ଦଶମ ଏବଂ ଦ୍ୱାଦଶ ବୋର୍ଡ ପରୀକ୍ଷା ଦେଉଥିବା ଛାତ୍ରଛୀତ୍ରୀଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ । CBSE ଦଶମ ଏବଂ ଦ୍ୱାଦଶ ଏକାଡେମିକ୍ ଅଧିବେଶନ 2021-22 ପାଇଁ ପରୀକ୍ଷାରେ ଗୁରୁତ୍ୱପୂର୍ଣ୍ଣ ପରିବର୍ତ୍ତନ କରାଯାଇଛି । ଏହି ପରିପ୍ରେକ୍ଷୀରେ, ସିବିଏସ୍ଇ ବୋର୍ଡ ଅନେକ ନୂତନ ପରିବର୍ତ୍ତନ କରିଛି ।

ଯାହା ଅଧୀନରେ ବର୍ତ୍ତମାନ ବର୍ଷକୁ ଦୁଇଥର ପରୀକ୍ଷା ଅନୁଷ୍ଠିତ ହେବ । ଏଥି ସହିତ ସିଲାବସ୍ ମଧ୍ୟ ପରିବର୍ତ୍ତନ କରିବାକୁ ନିଷ୍ପତ୍ତି ନିଆଯାଇଛି । ବୋର୍ଡ ଦ୍ୱାରା ଜାରି କରାଯାଇଥିବା ସ୍ୱତନ୍ତ୍ର ମୂଲ୍ୟାଙ୍କନ ଯୋଜନା ଅନୁଯାୟୀ ଏହି ଅଧିବେଶନରେ ଦୁଇଥର ପରୀକ୍ଷା କରାଯିବ । ଏନେଇ ସିଲାବସ୍ ଚଳିତ ମାସ ଶେଷ ସୁଦ୍ଧା ପ୍ରକାଶ ପାଇବ ।

2022 ମସିହାରେ ହେବାକୁ ଥିବା ଦଶମ ଏବଂ ଦ୍ୱାଦଶ ବୋର୍ଡ ପରୀକ୍ଷାରେ ଏହି ନୂତନ ନିଷ୍ପତ୍ତି କାର୍ଯ୍ୟକାରୀ ହେବ । 2022 ମସିହାରୁ ଦଶମ ଏବଂ ଦ୍ୱାଦଶ ବୋର୍ଡ ପାଇଁ ଦୁଇଥର ପରୀକ୍ଷା ନିଆଯିବ । ଏହି ବିଷୟରେ CBSE ଦ୍ୱାରା ଏକ ନୂତନ ସର୍କୁଲାର ଜାରି କରାଯିବ ।

2022 ବର୍ଷ ବୋର୍ଡ ପରୀକ୍ଷା ପାଇଁ ପ୍ରସ୍ତୁତି ଆରମ୍ଭ ହୋଇସାରିଛି । ବୋର୍ଡ ଦଶମ ଏବଂ ଦ୍ୱାଦଶ ବୋର୍ଡକୁ ଦୁଇଟି ଟର୍ମରେ ବିଭକ୍ତ କରିଛି । ଏଥିପାଇଁ ସିଲାବସ୍ ମଧ୍ୟ ପରିବର୍ତ୍ତନ କରାଯାଇଛି । ଉଭୟ ଟର୍ମ ପାଇଁ ସିଲାବସ୍ ଭିନ୍ନ ହେବ । ଟର୍ମ -1 ପରୀକ୍ଷା ନଭେମ୍ବର-ଡିସେମ୍ବର 2021 ମଧ୍ୟରେ ନିଆଯିବ । ଏହି ପରୀକ୍ଷାରେ ମଲ୍ଟିପୁଲ୍ ଚଏସ୍ ପ୍ରଶ୍ନ ରହିବ । ଏଥିରେ MCQ ସହ ରିଜୋନିଂ ମଧ୍ୟ ରହିବ । ପରୀକ୍ଷାର ଅବଧି 90 ମିନିଟ୍ ହେବ । ଏଥି ସହିତ, ଛାତ୍ରମାନଙ୍କୁ ସେମାନଙ୍କର ଉତ୍ତରଗୁଡିକ OMR ସିଟରେ ପୂରଣ କରିବାକୁ ପଡିବ ।

ସିବିଏସ୍ଇ ଏହି ପ୍ରସ୍ତୁତି କରିଛି ଯାହା ଦ୍ୱାରା ବର୍ତ୍ତମାନ ପ୍ରାର୍ଥୀଙ୍କ ବୋର୍ଡ ପରୀକ୍ଷା ବାତିଲ କରିବାର କୌଣସି ଆବଶ୍ୟକତା ନାହିଁ । ଦୁଇଟି ଟର୍ମରେ ପ୍ରଶ୍ନପତ୍ର CBSE ଦ୍ୱାରା ପଠାଯିବ । ଏଥି ସହିତ ପରୀକ୍ଷା ନିଜ ନିଜ ବିଦ୍ୟାଳୟରେ କରାଯିବ, କିନ୍ତୁ ବୋର୍ଡ ଦ୍ୱାରା ମନିଟରିଂ କରାଯିବ ।

Academic session 2021-22 of class 10th & 12th to be divided into 2 terms with approx 50% syllabus in each term. Syllabus for Board examination 2021-22 will be rationalized similar to that of last academic session to be notified in July 2021: Central Board of Secondary Education pic.twitter.com/8vyfPUhWX7
— ANI (@ANI) July 5, 2021

ଟର୍ମ 2 ରେ ସିଲାବସ୍ ର ଅବଶିଷ୍ଟ ଅଧାରୁ ପ୍ରଶ୍ନ ରହିବ । ମାର୍ଚ୍ଚ-ଅପ୍ରେଲ 2022 ମଧ୍ୟରେ ଏହା ଆୟୋଜିତ ହେବ । ଏହି ପରୀକ୍ଷାଗୁଡିକର ଅବଧି 2 ଘଣ୍ଟା ରହିବ । ଯେଉଁଥିରେ ବିଭିନ୍ନ ପ୍ରଶ୍ନ ଯଥା MCQs, ସଂକ୍ଷିପ୍ତ ଉତ୍ତର ପ୍ରଶ୍ନ, ବିସ୍ତୃତ ଉତ୍ତର ବିଶିଷ୍ଟ ପ୍ରଶ୍ନ ପଚରାଯିବ । ଏହା ବ୍ୟତୀତ ଆଭ୍ୟନ୍ତରୀଣ ମୂଲ୍ୟାଙ୍କନ, ପ୍ରାକ୍ଟିକାଲ ପରୀକ୍ଷା, ପ୍ରୋଜେକ୍ଟ ଉପରେ ଧ୍ୟାନ ଦିଆଯିବ ବୋଲି ବୋର୍ଡ କହିଛି । ଏଥି ସହିତ, 2022 ବର୍ଷର ବୋର୍ଡ ପରୀକ୍ଷା ବିଷୟରେ, ସିବିଏସ୍ଇ ବୋର୍ଡ କହିଛି ଯେ ଟର୍ମ -1 ଏବଂ ଦ୍ୱିତୀୟ ଟର୍ମ ବ୍ୟତୀତ 9 ଓ ଦ୍ୱାଦଶ ପର୍ଯ୍ୟନ୍ତ ସମଗ୍ର ବର୍ଷ ପାଇଁ ଆଭ୍ୟନ୍ତରୀଣ ମୂଲ୍ୟାଙ୍କନ ହେବ ।