ଦ୍ୱାଦଶ ଶ୍ରେଣୀ ଛାତ୍ରଙ୍କ ମାର୍କ ଅପଲୋଡ୍ ଶେଷ ତାରିଖ ବଢାଇଲା CBSE, ଆଭ୍ୟନ୍ତରୀଣ ମୂଲ୍ୟାଙ୍କନ ପାଇଁ ଜାରି କଲା ନିର୍ଦ୍ଦେଶାବଳୀ
କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସ୍ଇ) ଶ୍ରେଣୀ ଦ୍ୱାଦଶ ବୋର୍ଡ ପରୀକ୍ଷା ମାର୍କ ଦାଖଲ ପାଇଁ ଶେଷ ତାରିଖକୁ ଜୁନ୍ 28 ପର୍ଯ୍ୟନ୍ତ ବୃଦ୍ଧି କରିଛି ।
ନୂଆଦିଲ୍ଲୀ : କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସ୍ଇ) ଶ୍ରେଣୀ ଦ୍ୱାଦଶ ବୋର୍ଡ ପରୀକ୍ଷା ମାର୍କ ଦାଖଲ ପାଇଁ ଶେଷ ତାରିଖକୁ ଜୁନ୍ 28 ପର୍ଯ୍ୟନ୍ତ ବୃଦ୍ଧି କରିଛି । ଆଭ୍ୟନ୍ତରୀଣ ମୂଲ୍ୟାଙ୍କନ ଏବଂ ବିଦ୍ୟାଳୟଗୁଡ଼ିକ ଦ୍ୱାରା ପରିଚାଳିତ ପ୍ରୋଜେକ୍ଟ ପରିବର୍ତ୍ତନ ସମ୍ପର୍କରେ ବୋର୍ଡ ଏକ ସର୍କୁଲାର ଜାରି କରିଛି । କୌଣସି ବିଚାରାଧୀନ ପରୀକ୍ଷା କେବଳ ଅନଲାଇନ୍ ମୋଡ୍ ମାଧ୍ୟମରେ କରାଯିବ ।
ସିବିଏସ୍ଇ ଏହାର ସରକାରୀ ବିବୃତ୍ତିରେ କହିଛି ଯେ, 'କରୋନା ମହାମାରୀ ହେତୁ ଅନେକ ବିଦ୍ୟାଳୟ ଆଭ୍ୟନ୍ତରୀଣ ମୂଲ୍ୟାଙ୍କନ ଏବଂ ପ୍ରୋଜେକ୍ଟ ସମାପ୍ତ କରିବାରେ ସକ୍ଷମ ହୋଇ ନାହାଁନ୍ତି । ଏହିପରି ବିଦ୍ୟାଳୟଗୁଡ଼ିକ ଅନଲାଇନ୍ ମୋଡ୍ ମାଧ୍ୟମରେ ଏହି କାର୍ଯ୍ୟଗୁଡ଼ିକୁ ସଂପୂର୍ଣ୍ଣ କରିପାରିବେ ଏବଂ 28 ଜୁନି ସୁଦ୍ଧା ଦିଆଯାଇଥିବା ଲିଙ୍କରେ ପିଲାମାନଙ୍କର ମାର୍କ ଅପଲୋଡ୍ କରିପାରିବେ ।'
ଏହା ବ୍ୟତୀତ ବୋର୍ଡ କହିଛି ଯେ, ପ୍ରାକ୍ଟିକାଲ୍ /ମୌଖିକ ପାଇଁ ସିବିଏସ୍ଇ ଦ୍ୱାରା ନିଯୁକ୍ତ ପରୀକ୍ଷା ଆଭ୍ୟନ୍ତରୀଣ ପରୀକ୍ଷକଙ୍କ ପରାମର୍ଶ କ୍ରମେ ପରୀକ୍ଷା ତାରିଖ ସ୍ଥିର କରିବ ଏବଂ କେବଳ ଅନଲାଇନ୍ ମୋଡ୍ ମାଧ୍ୟମରେ ପରୀକ୍ଷା କରାଇବେ । ମୌଖିତ ସମୟରେ ଆଭ୍ୟନ୍ତରୀଣ ପରୀକ୍ଷକଙ୍କୁ ପ୍ରତ୍ୟେକ ଛାତ୍ରଙ୍କ ଅନ୍-ସ୍କ୍ରିନ୍ ଫଟୋଗ୍ରାଫ୍ ନେବାକୁ ପଡିବ । ଏହି ଫଟୋରେ ଆଭ୍ୟନ୍ତରୀଣ ପରୀକ୍ଷକ, ବାହ୍ୟ ପରୀକ୍ଷକ ଏବଂ ଛାତ୍ର ତିନିଜଣ ଦେଖାଯିବା ଆବଶ୍ୟକ । ଏହା ବ୍ୟତୀତ ପରୀକ୍ଷାର୍ଥୀମାନଙ୍କୁ ମଧ୍ୟ ମୌଖିକ ପରୀକ୍ଷାର ରେକର୍ଡିଂ ରଖିବାକୁ ପଡ଼ିବ ।
ଆଭ୍ୟନ୍ତରୀଣ ପରୀକ୍ଷକ ପରୀକ୍ଷା ତାରିଖ ଛାତ୍ରମାନଙ୍କ ସହିତ ଆଗୁଆ ସେୟାର କରିବେ ଏବଂ ପରୀକ୍ଷା ଦିନ ସେ, ବାହ୍ୟ ପରୀକ୍ଷକ ଏବଂ ଛାତ୍ରମାନଙ୍କୁ ସହିତ ଅନଲାଇନ୍ ମିଟିଂର ଲିଙ୍କ୍ ଦେବେ । ବୋର୍ଡ ଦ୍ୱାରା ସିଲାବସରେ ରଖାଯାଇଥିବା ଆଦର୍ଶ ଅନୁଯାୟୀ ମୂଲ୍ୟାଙ୍କନ କରାଯିବ ।
ଯତ୍ନର ସହିତ ଛାତ୍ରଛାତ୍ରୀଙ୍କ ମାର୍କ ଅପଲୋଡ୍ କରନ୍ତୁ
ସିବିଏସ୍ଇ ବୋର୍ଡ କହିଛି ଯେ ଦିଆଯାଇଥିବା ଲିଙ୍କରେ ଛାତ୍ରଛାତ୍ରୀଙ୍କ ମାର୍କ ଯତ୍ନର ସହ ଅପଲୋଡ୍ ହେବା ଉଚିତ୍ । ଥରେ ଅପଲୋଡ୍ ହୋଇଥିବା ମାର୍କଗୁଡ଼ିକୁ ପରେ ସଂଶୋଧନ କରିବାକୁ ଦିଆଯିବ ନାହିଁ । ଏହା ବ୍ୟତୀତ ବୋର୍ଡ କହିଛି ଯେ ଆଭ୍ୟନ୍ତରୀଣ ମୂଲ୍ୟାଙ୍କନ ସମୟରେ କରୋନା ପ୍ରୋଟୋକଲକୁ ଧ୍ୟାନରେ ରଖନ୍ତୁ । ଏହାପୂର୍ବରୁ, CBSE ଏହାର ଦ୍ୱାଦଶ ଶ୍ରେଣୀର ଛାତ୍ରମାନଙ୍କ ପାଇଁ ମୂଲ୍ୟାଙ୍କନ ମାନଦଣ୍ଡ ସ୍ଥିର କରିବାକୁ ଏକ ଉଚ୍ଚ ସ୍ତରୀୟ କମିଟି ଗଠନ କରିଥିଲା ।| ଛାତ୍ରଛାତ୍ରୀଙ୍କ ଫଳାଫଳ ପ୍ରସ୍ତୁତ କରିବା ପାଇଁ ଏହା ଉଚ୍ଚ ପରିଭାଷିତ ଉଚ୍ଚ ମାନଦଣ୍ଡ ସହିତ ଆସିବ ବୋଲି ବୋର୍ଡ କହିଛି ।
Click it and Unblock the Notifications
Sign in with Google