CBSE ଦ୍ୱାଦଶ ଫଳାଫଳ 2021 : ଆଜି ଅପରାହ୍ନରେ ପ୍ରକାଶ ପାଇବ CBSE ଦ୍ୱାଦଶ ଫଳାଫଳ, ଜାଣନ୍ତୁ କିପରି ଚେକ୍ କରିବେ ଫଳାଫଳ

CBSE ବୋର୍ଡ ଦଶମ ଏବଂ ଦ୍ୱାଦଶ ଫଳାଫଳ ଯାଞ୍ଚ କରିବାକୁ ଆପଣ cbseresults.nic.in କିମ୍ବା cbse.gov.in ପରିଦର୍ଶନ କରିପାରିବେ ।

Published: Friday, July 30, 2021, 11:23 [IST]

ନୂଆଦିଲ୍ଲୀ : କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସ୍ଇ) ଦ୍ୱାଦଶ ଶ୍ରେଣୀ ଫଳାଫଳ ଶୁକ୍ରବାର (ଜୁଲାଇ 30) ଦିନ ଅପରାହ୍ନ 2 ଟାରେ ପ୍ରକାଶ କରିବ । CBSE ବୋର୍ଡ ଦଶମ ଫଳାଫଳ ମଧ୍ୟ ଖୁବ ଶୀଘ୍ର ପ୍ରକାଶ ପାଇବ । ସିବିଏସ୍ଇ ବୋର୍ଡ ଗୁରୁବାର ଏହାର ଅଫିସିଆଲ୍ ୱେବସାଇଟ୍ cbse.gov.in ରେ 'ରୋଲ୍ ନମ୍ବର ଫାଇଣ୍ଡର୍' ଫିଲ୍ଡକୁ ସକ୍ରିୟ କରିସାରିଛି । CBSE ବୋର୍ଡ ଦଶମ ଏବଂ ଦ୍ୱାଦଶ ଫଳାଫଳ ଯାଞ୍ଚ କରିବାକୁ ଆପଣ cbseresults.nic.in କିମ୍ବା cbse.gov.in ପରିଦର୍ଶନ କରିପାରିବେ ।

CBSE ଦଶମ ଏବଂ ଦ୍ୱାଦଶ ଫଳାଫଳ ଅଫିସିଆଲ୍ ୱେବସାଇଟ୍ cbseresults.nic.in, cbse.gov.in ରେ ପ୍ରକାଶ ପାଇବ । ଏହି ଦୁଇଟି ୱେବସାଇଟ୍ ବ୍ୟତୀତ, ଫଳାଫଳ digilocker.gov ରେ ମଧ୍ୟ ଦେଖିପାରିବେ ।

କିପରି ଯାଞ୍ଚ କରିବେ CBSE ଦଶମ ଏବଂ ଦ୍ୱାଦଶ ଫଳାଫଳ ?

1. ସର୍ବପ୍ରଥମେ ୱେବସାଇଟ୍- cbse.gov.in, cbseresults.nic.in କୁ ଯାଆନ୍ତୁ ।
2.'CBSE 10' କିମ୍ବା 'CBSE 12' ଫଳାଫଳ ଉପରେ କ୍ଲିକ୍ କରନ୍ତୁ ।
3. ଲଗଇନ୍ କରିବାକୁ ପଞ୍ଜୀକରଣ ନମ୍ବର ଏବଂ ରୋଲ୍ ନମ୍ବର ଦାଖଲ କରନ୍ତୁ ।
4. ସବମିଟ୍ କରିବା ପରେ ଫଳାଫଳ ପାଇପାରିବେ । ଏହା ପରେ ଆଫଣ ଡାଉନଲୋଡ୍ କିମ୍ବା ପ୍ରିଣ୍ଟ୍ ଆଉଟ୍ କରିପାରିବେ ।

କଲ୍ ଏବଂ ମେସେଜ୍ ଦ୍ୱାରା କିପରି ଜାଣିବେ ଫଳାଫଳ

CBSE ଦ୍ୱାଦଶ ଏବଂ ଦଶମ ଫଳାଫଳଗୁଡିକ ମଧ୍ୟ IVRS (ଇଣ୍ଟରାକ୍ଟିଭ୍ ଭଏସ୍ ରେସପନ୍ସ ସିଷ୍ଟମ୍) ମାଧ୍ୟମରେ ଯାଞ୍ଚ କରାଯାଇପାରିବେ । ଫଳାଫଳର ସରକାରୀ ଘୋଷଣା ପରେ 24300699 (ଦିଲ୍ଲୀର ସ୍ଥାନୀୟ ଗ୍ରାହକ), 011 - 24300699 (ଭାରତର ଅନ୍ୟ ଅଂଶ ପାଇଁ) ଡାଏଲ୍ କରନ୍ତୁ ।
ଦିଆଯାଇଥିବା ନିର୍ଦ୍ଦେଶ ଅନୁଯାୟୀ ରୋଲ୍ ନମ୍ବର ଏବଂ ଜନ୍ମ ତାରିଖ ପ୍ରବେଶ କରନ୍ତୁ ।

ଏହା ବ୍ୟତୀତ ଛାତ୍ରମାନେ 7738299899 ଜରିଆରେ SMS ମାଧ୍ୟମରେ ଫଳାଫଳ ଯାଞ୍ଚ କରିପାରିବେ ।

Published On July 30, 2021