ପ୍ରେମିକ ପାଇଁ ସ୍ୱାମୀ କୁ ହେମଦସ୍ତାରେ ଛେଚିଦେଲା ସ୍ତ୍ରୀ

ନୟାଗଡ଼: ଯେଉଁ ହାତ ଧରି ସାତ ଜନମ ପାଇଁ ସାଥୀ କରିଥିଲା ସେହି ହାତରେ ନିଜ ସ୍ୱାମୀକୁ ଛେଚି ଛେଚି ମାରିଦେଲା ସ୍ତ୍ରୀ । ପ୍ରେମିକ ପାଇଁ ନିଜ ସ୍ୱାମୀ ଓ ଦୁଇ ପିଲାଙ୍କ ମୁହଁ ଭୁଲିଗଲା ସ୍ତ୍ରୀ । ହେମଦସ୍ତାରେ ସ୍ୱାମୀକୁ ଛେଚି ଛେଚି ହତ୍ୟା କରିବା ପରେ ଘର ଭିତରେ ମାଟି ଖୋଳି ପୋତି ଦେଇଥିଲା । ନୟାଗଡ଼ରେ ପରକୀୟା ପ୍ରୀତି ପାଇଁ ଘଟିଥିବା ଏଭଳି କାଣ୍ଡ ଉପରୁ ପରଦା ହଟାଇଛି ପୁଲିସ୍ ।

ନୟାଗଡ଼ ଓଡ଼ଗାଁ ଥାନା କୋମଣ୍ଡ ଗାଁରl ଘଟିଥିବା ହତ୍ୟାକାଣ୍ଡର କ୍ରାଇମ ସିନ ରିକ୍ରିଏସନ କରିଛି ପୁଲିସ । କିପରି ହତ୍ୟାକାଣ୍ଡ ଭିଆଇଛି ସେ ନେଇ ଅଭିଯୁକ୍ତ ଗୋଟି ଗୋଟି କରି ପୁଲିସ ଆଗରେ କହିଛି । ଘଟଣାସ୍ଥଳରେ ସାଇଣ୍ଟିଫିକ ଟିମ୍ ତଦନ୍ତ କରୁଛି । ମାଟି ତଳୁ ସ୍ୱାମୀର ଶବ ଜବତ କରାଯାଇଛି । ସିନ ରିକ୍ରିଏସନ୍ ପରେ ମୃତଦେହ ବାହାର କରି ବ୍ୟବଚ୍ଛେଦ ପାଇଁ ପଠାଯାଇଛି ।

ନିଜର ପରକୀୟା ପ୍ରୀତି ଧରା ପଡିଯିବାରୁ ପ୍ରେମିକ ସହ ମିଶି ସ୍ୱାମୀ ପ୍ରକାଶ ନାୟକଙ୍କୁ ମାରି ଦେଇଥିଲା ସ୍ତ୍ରୀ । ପ୍ରମାଣ ନଷ୍ଟ କରିବା ଲାଗି ଘରେ ମାଟି ଖୋଳି ଶବକୁ ପୋତିଦେଇଥିଲା ସ୍ତ୍ରୀ ଜ୍ୟୋତ୍ସ୍ନାରାଣୀ ।

ମିଳିଥିବା ସୂଚନା ଅନୁସାରେ, ବିବାହ ପରେ ଶାଶୂଘର କୋମଣ୍ଡ ଗାଁରେ ରହୁଥିଲେ ପ୍ରକାଶ । ରୋହିବାଙ୍କ ଗାଁରେ ପ୍ରକାଶଙ୍କ ଘର । ପ୍ରାୟ 20 ଦିନ ହେବ ସେ ନିଖୋଜ ଥିଲେ । 14 ବର୍ଷ ପୂର୍ବେ ଜ୍ୟୋତ୍ସ୍ନାରାଣୀ ଏବଂ ପ୍ରକାଶ ବିବାହ କରିଥିଲେ । ତାଙ୍କର 7 ବର୍ଷର ଗୋଟିଏ ଝିଅ ଓ 5 ବର୍ଷର ପୁଅ ଅଛି । ତେବେ ସେହି ଗାଁର ପ୍ରତାପ ସାମଲଙ୍କୁ ଭଲ ପାଉଥିଲେ ଜ୍ୟୋତ୍ସ୍ନାରାଣୀ । ପରକୀୟ ପ୍ରୀତି ଧରାପଡ଼ିବାରୁ ସ୍ୱାମୀଙ୍କୁ ହତ୍ୟା କରିଛି ସ୍ତ୍ରୀ । ଏହି ହତ୍ୟାକାଣ୍ଡରେ ଜ୍ୟୋତ୍ସ୍ନାଙ୍କୁ ତାଙ୍କ ମାଆ ଅର୍ଥାତ ପ୍ରକାଶଙ୍କ ଶାଶୁ ଡମଣୀ ପ୍ରଧାନ ସହାୟତା କରିଥିଲେ । ହତ୍ୟା ଘଟଣାରେ ଜ୍ୟୋସ୍ନାରାଣୀ ନାୟକ, ଶାଶୁ ଡ଼ମଣି ପ୍ରଧାନ, ପ୍ରେମିକ ପ୍ରତାପ ସାମଲକୁ ଗିରଫ କରିଛି ପୁଲିସ । ହତ୍ୟାରେ ବ୍ୟବହୃତ ଶାବଳ, ହେମଦସ୍ତା ଓ ଅନ୍ୟ ମାରଣାସ୍ତ୍ରକୁ ଜବତ କରି ଏବେ ତଦନ୍ତ କରୁଛି ପୁଲିସ୍ ।

English summary

Wife along with lover killed Husband in Nayagarh