ଶ୍ରଦ୍ଧା ୱାଲକର ହତ୍ୟା ମାମଲାରେ ବଡ଼ ଖୁଲାସା, ସାମ୍ନାକୁ ଆସିଲା ଶ୍ରଦ୍ଧାଙ୍କ ବାପାଙ୍କ ଡିଏନ୍ଏ ରିପୋର୍ଟ
ମେହରୌଲି ଜଙ୍ଗଲରୁ ମିଳିଥିବା ହାଡର DNA ରିପୋର୍ଟ ଆସିଛି । ପୋଲିସ୍ କୁ ମିଳିଥିବା ସମସ୍ତ ହାଡ଼ ଓ ଅଙ୍ଗପ୍ରତ୍ୟେଙ୍ଗର DNA ଶ୍ରଦ୍ଧାଙ୍କ ପିତାଙ୍କ ଡିଏମ୍ଏ ସହ ମେଳ ଖାଉଛି ।
ନୂଆଦିଲ୍ଲୀ: ବହୁ ଚର୍ଚ୍ଚିତ ଶ୍ରଦ୍ଧା ୱାଲକର ମାମଲାରେ ଦିଲ୍ଲୀ ପୋଲିସକୁ ଏକ ବଡ଼ ସଫଳତା ମିଳିଛି । ମେହରୌଲି ଜଙ୍ଗଲରୁ ମିଳିଥିବା ହାଡର DNA ରିପୋର୍ଟ ଆସିଛି । ପୋଲିସ୍ କୁ ମିଳିଥିବା ସମସ୍ତ ହାଡ଼ ଓ ଅଙ୍ଗପ୍ରତ୍ୟେଙ୍ଗର DNA ଶ୍ରଦ୍ଧାଙ୍କ ପିତାଙ୍କ ଡିଏମ୍ଏ ସହ ମେଳ ଖାଉଛି । ସେଣ୍ଟ୍ରାଲ ଫୋରେନସିକ୍ ସାଇନ୍ସ ଲାବୋରେଟୋରୀର ରିପୋର୍ଟ ଏହା ନିଶ୍ଚିତ କରିଛି । ଅନ୍ୟପକ୍ଷରେ, ଦିଲ୍ଲୀ ପୋଲିସ ହାତରେ ମଧ୍ୟ ଅଫତାବର ପଲିଗ୍ରାଫ୍ ଟେଷ୍ଟର ବିସ୍ତୃତ ରିପୋର୍ଟ ଲାଗିଛି ।
ଶ୍ରଦ୍ଧାଙ୍କ ଲିଭ୍ ଇନ୍ ପାର୍ଟନର ଅଫତାବ ପୁନାୱାଲା ତାଙ୍କୁ ଗଳା କାଟି ହତ୍ୟା କରିଥିଲା । ଏହା ପରେ ଶ୍ରଦ୍ଧାଙ୍କ ଶରୀରକୁ 35 ଖଣ୍ଡରେ କାଟି ଫ୍ରିଜରେ ରଖିଥିଲା । ପରେ ଏ ସବୁକୁ ମେହରୌଲି ଜଙ୍ଗଲରେ ଫିଙ୍ଗିଥିଲା । ଘଟଣା ସାମ୍ନାକୁ ଆସିବା ପରେ ଦିଲ୍ଲୀ ପୋଲିସ ଟିମ୍ ଜଙ୍ଗଲରେ ବ୍ୟାପକ ସର୍ଚ୍ଚ ଅପରେସନ କରିଥିଲା । ଏହି ସମୟରେ ପୋଲିସ୍ କୁ ମଣିଷ ଶୀରର ଖଣ୍ଡ ବିଖଣ୍ଡିତ ହାଡ଼ ମିଳିଥିଲା । ଏହା ପରେ ଶ୍ରଦ୍ଧାଙ୍କ ପିତାଙ୍କ ଡିଏନଏ ନିଆଯାଇ ତଦନ୍ତ ପାଇଁ ପଠାଯାଇଥିଲା । ଉଭୟଙ୍କ ଡିଏନ୍ଏ ମେଳ ହୋଇଛି, ତେଣୁ ଏହା ସ୍ପଷ୍ଟ ଯେ ମୃତ ଶରୀରର ବିଷୟରେ ଅଫତାବ ଦେଇଥିବା ତଥ୍ୟ ଠିକ୍ ଥିଲା । ଜଙ୍ଗଲରୁ ମିଳିଥିବା ହାଡ଼ ଶ୍ରଦ୍ଧାଙ୍କ ମୃତ ଶରୀର ଥିଲା ବୋଲି ସ୍ପଷ୍ଟ ହୋଇଛି ।
ଏଥି ସହିତ କୋର୍ଟଙ୍କ ଅନୁମତି ପରେ ଅପତାବର ପଲିଗ୍ରାଫ୍ ଏବଂ ନାର୍କୋ ଆନାଲିସିସ୍ ପରୀକ୍ଷା କରାଯାଇଥିଲା । ଫୋରେନସିକ୍ ସାଇନ୍ସ ଲାବୋରେଟୋରୀ (FSL) ଅଧିକାରୀଙ୍କ କହିବାନୁସାରେ, ଅଫତାବ ପଲିଗ୍ରାଫ୍ ଟେଷ୍ଟ ସମୟରେ ଶ୍ରଦ୍ଧା ୱାଲକରଙ୍କୁ ହତ୍ୟା କରିଥିବା ସ୍ୱୀକାର କରିଛି । ଅଫତାବ କହିଛି ଯେ ସେ କରିଥିବା ଅପରାଧ ପାଇଁ ସେ ଅନୁତପ୍ତ ନୁହଁ ।