ଲୁଟ୍ ର ନୂଆ ତରିକା, ବରଯାତ୍ରୀ ବେଶରେ ଆସି ଲୁଟିନେଲେ ଗିଫ୍ଟ ଓ ଟଙ୍କା ଖାମ୍

Published: Saturday, February 10, 2024, 16:54 [IST]

ଭୁବନେଶ୍ୱର: ବାହାଘର ସିଜିନି ଚାଲିଥିବା ବେଳେ ଏହାକୁ ମଉକା ବନେଇଛନ୍ତି କିଛି ଲୁଟେରା । ରାଜଧାନୀରେ ମାତିଛନ୍ତି ବରଯାତ୍ରୀ ଲୁଟେରା । ବରଯାତ୍ରୀ ବେଶରେ ଆସୁଛନ୍ତି, ଗହଳିର ସୁଯୋଗ ଦେଖି କଲାକନା ବୁଲାଇ ଦେଉଛନ୍ତି । ଏମିତି ଏକ ଘଟଣା ଖୋଦ୍ ରାଜଧାନୀ ଭୁବନେଶ୍ୱରରେ ଦେଖିବାକୁ ମିଳିଛି ।

ବଡଗଡ ଥାନା ଅଞ୍ଚଳରେ ଥିବା ଏକ ମଣ୍ଡପରେ ଝିଅ ବାହାଘର ଚାଲିଥିବା ବେଳେ ପାଖାପାଖି 5 ଲକ୍ଷ ଟଙ୍କା ଲୁଟ ହୋଇଥିବା ଅଭିଯୋଗ ହୋଇଛି । ବରଯାତ୍ରୀ ବେଶରେ ଆସି ଝିଅ ପକ୍ଷକୁ ମିଳିଥିବା ଗିଫ୍ଟ ଆଇଟମ ସହ ଟଙ୍କା ନେଇ ଚମ୍ପଟ ମାରିଲେ ଲୁଟେରା । ଚୋରି ବେଳର ଦୃଶ୍ୟ ବାହାଘର ମଣ୍ଡପରେ ଲାଗିଥିବା ସିସିଟିଭି କ୍ୟାମେରାରେ କଏଦ ହୋଇଛି । ଏ ନେଇ ଥାନାରେ ଏତଲା ଦିଆଯାଇଛି ।

ଅନ୍ୟପଟେ ଗତ କିଛିଦିନ ହେବ ରାଜଧାନୀରେ ଲୁଟେରା ଆତଙ୍କରାଜ ଖେଳାଇଛନ୍ତି । ଖାସ୍ କରି ଲୁଟେରାଙ୍କ ଟାର୍ଗେଟ୍ ରେ ରହୁଛି ଆପାର୍ଟମେଣ୍ଟ । ସିକ୍ୟୁରିଟି ଏବଂ ପୋଲିସକୁ କୋଲା ଚାଲେଞ୍ଜ ଦେଇ ଗୋଟିଏ ପରେ ଗୋଟିଏ ଲୁଟ କରି ଚାଲିଛନ୍ତି । ଏହା ପରେ ବର୍ତ୍ତମାନ ବାହାଘର ମଣ୍ଡପରୁ ଲୁଟ୍ ବଡ଼ ଚ୍ୟାଲେ଼୍ଜ ସୃଷ୍ଟି କରିଛି ।

Published On February 10, 2024