ରୁଟିରେ ଛେପ ପକାଇବା ପଡ଼ିଲା ମହଙ୍ଗା, ଲାଗିଲା NSA

ବାହାଘର ଭୋଜିରେ ରୁଟି ତିଆରି ବେଳେ ପକାଉଥିଲେ ଛେପ । ସମ୍ପୃକ୍ତି ବ୍ୟକ୍ତିଙ୍କ ବିରୋଧରେ ଲାଗିଛି ଜାତୀୟ ସୁରକ୍ଷା ଆଇନ (ଏନ୍ଏସ୍ଏ) ।

ଲକ୍ଷ୍ନୌ : ବାହାଘର ଭୋଜିରେ ରୁଟି ତିଆରି ବେଳେ ପକାଉଥିଲେ ଛେପ । ସମ୍ପୃକ୍ତି ବ୍ୟକ୍ତିଙ୍କ ବିରୋଧରେ ଲାଗିଛି ଜାତୀୟ ସୁରକ୍ଷା ଆଇନ (ଏନ୍ଏସ୍ଏ) । ସୋଶାଲ୍ ମିଡ଼ିଆରେ ଏହି ଭିଡ଼ିଓ ଭାଇରାଲ୍ ହେବା ପରେ ପୋଲିସ୍ ସମ୍ପୃକ୍ତ ବ୍ୟକ୍ତିଙ୍କୁ ଗିରଫ କରିଛି ।

ଏପରି ଏକ ଘଟଣା ଦେଖିବାକୁ ମିଳିଛି ଉତ୍ତରପ୍ରଦେଶର ମିରଟ ସହରରେ । ଏକ ବାହାଘର ଭୋଜିରେ ବ୍ୟକ୍ତି ଜଣକ ରୋଷେଇ କରିବା ସମୟରେ ରୁଟିରେ ଛେପ ପକାଉଥିବା ଏକ ଭିଡ଼ିଓ ସୋଶାଲ୍ ମିଡ଼ିଆରେ ଭାଇରାଲ୍ ହୋଇଥିଲା । ଏବା ପରେ ତାଙ୍କୁ ଗିରଫ କରାଯାଇଥିଲା । ଘଟଣାଟି ଥିଲା ଫେବୃଆରୀ ମାସର ।

ଜିଲ୍ଲା ମାଜିଷ୍ଟ୍ରେଟଙ୍କ ନିର୍ଦ୍ଦେଶରେ ଅଭିଯୁକ୍ତ ସୋହେଲଙ୍କ ବିରୋଧରେ ଏନଏସଏସ ଲାଗୁ କରାଯାଇଛି, ଫଳରେ ଏହି ମାମଲାରେ ସେ ଜାମିନ ପାଇବେ ନାହିଁ । ନିକଟରେ ତାଙ୍କ ପରିବାର କୋର୍ଟ ଅଫ୍ ଜୁଡିସିଆଲ୍ ମାଜିଷ୍ଟ୍ରେଟ୍ (ସିଜେଏମ୍) କୋର୍ଟରେ ଜାମିନ ଆବେଦନ କରିଥିଲେ ।

ତେବେ ସୋହେଲ ଉପରେ ଆକ୍ରମଣର ଆଶଙ୍କା କରି ପ୍ରଶାସନ ତାଙ୍କୁ ମୁକ୍ତ କରିବାକୁ ଚାହୁଁନଥିଲା । ଗିରଫ ପରଠାରୁ ଶୁଣାଣି ବେଳେ କିଛି ଲୋକ ସୋହେଲଙ୍କ ଉପରେ ଆକ୍ରମଣ କରିଥିଲେ । ଯଦି ସେ ଜାମିନରେ ବାହାରକୁ ବାହାରନ୍ତି, ତେବେ ପୁଣି ଆକ୍ରମଣ ହେବାର ଆଶଙ୍କା କରି ତାଙ୍କୁ ଜାମିନ ନଦେବା ଲକ୍ଷ୍ୟରେ ଏନ୍ଏସ୍ଏ ଲାଗୁ କରାଯାଇଥିବା କୁହାଯାଇଛି ।

थूककर रोटी बनाई...!
कोविड जैसी भयावह बीमारी खत्म भी नही हुई और इस प्रकार की मानसिकता वाले लोग अपनी जाहिलीयत दिखाने से नही चूके।
फिर @meerutpolice ने पकड़ा इन्हें। pic.twitter.com/9CQlLEPRmX

— Anamika Jain Amber (@anamikamber) February 21, 2021

ଫେବୃଆରୀ 2021 ରେ ମିରଟର ଏକ ବାହାଘର ଭୋଜିରେ ହୋଇଥିବା ଏହି ଘଟଣାକୁ ଜଣେ ବ୍ୟକ୍ତି ଲୁଚି ଭିଡ଼ିଓ ସୁଟିଂ କରିବା ସହ ସୋଶାଲ୍ ମିଡ଼ିଆରେ ପୋଷ୍ଟ କରିବା ପରେ ବାହାରକୁ ଆସିଥିଲା ।

ଭିଡିଓ ସୋଶାଲ୍ ମିଡ଼ିଆରେ ଭାଇରାଲ ହେବା ପରେ ଘଟଣାକୁ ନିନ୍ଦା କରିବା ସହ ଉକ୍ତ ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପୋଲିସ ନିକଟରେ ବହୁ ଲୋକ ଅଭିଯୋଗ କରିଥିଲେ ।

ଏହି ଘଟଣାକୁ ନେଇ ହିନ୍ଦୁ ଜାଗରଣ ମଞ୍ଚ ମିରଟର LLRM ପୋଲିସ୍ ଷ୍ଟେସନ ବାହାରେ ଧାରଣାରେ ବସିବା ସହ ଏଫ୍ଆଇଆର୍ ପଞ୍ଜିକୃତ କରାଇଥିଲେ । ସୋଶାଲ୍ ମିଡିଆରେ ଭିଡିଓ ଭାଇରାଲ ହେବା ମାତ୍ରେ ସୋହେଲଙ୍କୁ ଗିରଫ କରାଯାଇଥିଲା ।

English summary

NSA Against Person spitting on Roti While Cooking in A Marriage Party.