ଆଣ୍ଟିଲିଆ ମାମଲା : ସରକାରୀ କର୍ମଚାରୀଙ୍କୁ ଦିଆଯାଉଥିଲା ଲାଞ୍ଚ, ପ୍ରମାଣ ପାଇଲା ଏନ୍ଆଇଏ
ମୁମ୍ବାଇ ପୋଲିସ୍ ଏବଂ ପ୍ରଶାସନିକ ଅଧିକାରୀଙ୍କୁ ଲାଞ୍ଚ ହିସାବରେ କିଛି ଟଙ୍କା କାରବାର ହୋଇଥିବା ନେଇ ଏନଆଇଏ ପ୍ରମାଣ ସଂଗ୍ରହ କରିଛି ।
ମୁମ୍ବାଇ : ଶିଳ୍ପପତି ମୁକେଶ ଅମ୍ବାନୀଙ୍କ ଘର ବାହାରେ ବିସ୍ପୋରକ ଭର୍ତ୍ତି ଗାଡ଼ି ମିଳିବା ମାମଲା ଓ ବ୍ୟବସାୟୀ ମଲସୁଖ ହିରନଙ୍କ ହତ୍ୟା ଘଟଣାରେ ଏନଆଇଏ ହାତରେ ଲାଗିଛି କିଛି ବିଶେଷ ସୂଚନା । ମୁମ୍ବାଇ ପୋଲିସ୍ ଏବଂ ପ୍ରଶାସନିକ ଅଧିକାରୀଙ୍କୁ ଲାଞ୍ଚ ହିସାବରେ କିଛି ଟଙ୍କା କାରବାର ହୋଇଥିବା ନେଇ ଏନଆଇଏ ପ୍ରମାଣ ସଂଗ୍ରହ କରିଛି । ସେମାନେ କହିଛନ୍ତି ଯେ, ଜାତୀୟ ଅନୁସନ୍ଧାନ ଏଜେନ୍ସି (ଏନ୍ଆଇଏ) ଗୁରୁବାର ଦିନ ଦକ୍ଷିଣ ମୁମ୍ବାଇର ଗିର୍ଗାମ୍ ଠାରେ ଥିବା ଏକ କ୍ଲବରେ ହୋଇଥିବା ଚଢାଉ ସମୟରେ କିଛିଟା ଦଲିଲରୁ ଅପ୍ରେଲ 7ତାରିଖ ପର୍ଯ୍ୟନ୍ତ ଜାତୀୟ ଅନୁସନ୍ଧାନ ଏଜେନ୍ସିର ହେପାଜତରେ ଥିବା ନିଲମ୍ବିତ ପୋଲିସ୍ ଅଧିକାରୀ ସଚିନ୍ ୱେଜେଙ୍କ ଭୂମିକା ନେଇ ଅଧିକ ଯାଞ୍ଚ କରୁଛି ।
ଗୋଟିଏ ଦଲିଲରେ କାର୍ଯ୍ୟାଳୟର ନାମ ତଥା ଅଧିକାରୀଙ୍କ ନାମ ମଧ୍ୟ ଉଲ୍ଲେଖ କରାଯାଇଛି, ଏବଂ ସେମାନଙ୍କ ନାମରେ ଟଙ୍କାର ପରିମାଣ ଉଲ୍ଲେଖ କରାଯାଇଛି । ଏପରିକି ମାସ ହିସାବରେ ଏଥିରେ ସମସ୍ତ ଟଙ୍କାର ହିସାବ ରହିଛି ବୋଲି କୁହାଯାଇଛି । ଅଧିକାରୀମାନେ ସନ୍ଦେହ କରୁଛନ୍ତି ଯେ କାର୍ଯ୍ୟାଳୟ ଏବଂ ଅଧିକାରୀଙ୍କ ବିରୋଧରେ ଉଲ୍ଲେଖ କରାଯାଇଥିବା ପରିମାଣ ପ୍ରତ୍ୟେକ ମାସରେ ଦିଆଯାଉଥିବା ଲାଞ୍ଚ ଟଙ୍କା ହୋଇପାରେ । ଅଧିକ ସୂଚନା ଦେବା ପୂର୍ବରୁ NIA କ୍ଲବ ମାଲିକ ଏବଂ ଅନ୍ୟମାନଙ୍କଠାରୁ ଡକ୍ୟୁମେଣ୍ଟ ବିଷୟରେ ସବିଶେଷ ତଥ୍ୟ ନେଇ ପଚରାଉଚୁରା କରିଛି ।
ଅଧିକାରୀମାନେ କହିଛନ୍ତି ଯେ ଯଦି ଆବଶ୍ୟକ ହୁଏ ତେବେ ଅଧିକ ଅନୁସନ୍ଧାନ ପାଇଁ ଡକ୍ୟୁମେଣ୍ଟଗୁଡିକ ଇନକମ ଟ୍ୟାକ୍ସ କିମ୍ବା ସିବିଆଇ କର୍ତ୍ତୃପକ୍ଷଙ୍କ ସହ ସେୟାର କରାଯିବ । କାରଣ କେବଳ ଆତଙ୍କବାଦ ବିରୋଧୀ ମାମଲାର ଯାଞ୍ଚ କରୁଛି । ସେମାନେ କହିଛନ୍ତି ଯେ ୱାଜେ ନିୟମିତ ଏହି କ୍ଲବକୁ ଯାତାୟତ କରୁଥିଲେ ଏପରିକି ନରେଶ ଗୋର ଏବଂ ସହ-ଅଭିଯୁକ୍ତ ବିନାୟକ ସିନ୍ଦେଙ୍କୁ ସେଠାରେ ନିୟୋଜିତ କରିଥିଲେ, ଯେଉଁମାନେ ବର୍ତ୍ତମାନ ଏନଆଇଏ ହେପାଜତରେ ଅଛନ୍ତି ।
ବ୍ୟକ୍ତିଗତ ବ୍ୟବହାର ପାଇଁ ଗୋର ମାଧ୍ୟମରେ କିଣାଯାଇଥିବା ସିମ୍ କାର୍ଡ ସମ୍ବନ୍ଧୀୟ ଦସ୍ତାବିଜ ମଧ୍ୟ ଗୁରୁବାର ଏନଆଇଏ ଜବତ କରିଛି । ଗୁଜରାଟର ଅହମ୍ମଦାବାଦରୁ ଗୋର ସିମ୍ କାର୍ଡ କିଣିବା ଅଭିଯୋଗ ହୋଇଛି ଏବଂ ଏହାକୁ ସିନ୍ଦେ ମାଧ୍ୟମରେ ୱାଜେଙ୍କୁ ଦେଇଥିବା ନେଇ ଅଧିକାରୀମାନେ କହିଛନ୍ତି ।
ଏହି ସିମ୍ କାର୍ଡକୁ ହିରନଙ୍କୁ କଲ୍ କରିବା ପାଇଁ ୱାଜେ ବ୍ୟବହାର କରୁଥିଲେ, ଯାହା ବ୍ୟବସାୟୀଙ୍କୁ ହତ୍ୟା କରିବା ପୂର୍ବରୁ ଶେଷ କଲ୍ ପରେ ବନ୍ଦ କରାଯାଇଛି ।
ଯାଞ୍ଚ ପାଇଁ କେନ୍ଦ୍ରୀୟ ଏଜେନ୍ସିକୁ ହସ୍ତାନ୍ତର କରାଯାଇପାରେ ବୋଲି ଖବର ପ୍ରକାଶ ପାଇବା ପରେ ହିରନଙ୍କୁ ୱାଜେ ହତ୍ୟା କରିଥିବା ଅଭିଯୋଗ ହୋଇଛି । ପ୍ରାରମ୍ଭିକ ଅନୁସନ୍ଧାନରୁ ଜଣାପଡିଛି ଯେ ହିରନଙ୍କୁ ଏକ ସ୍ଥାନକୁ ଡକାଯାଇଥିଲା ଯେଉଁଠାରେ ତାଙ୍କୁ କିଛି ନିଶା ଦେଇ ଚେତାଶୂନ୍ୟ କରାଯାଇଥିଲା । ସୂଚନାଯୋଗ୍ୟ, ଫେବୃଆରୀ 25 ରେ ହିରନଙ୍କ ଗାଡି ମୁମ୍ବାଇର ଅମ୍ବାନୀଙ୍କ ଘର ବାହାରେ ଜେଲାଟିନ୍ ଷ୍ଟିକ୍ ଏବଂ ଏକ ଧମକପୂର୍ଣ୍ଣ ନୋଟ୍ ସହିତ ମିଳିଥିଲା । ଏନଆଇଏ କୋର୍ଟରେ କହିଛି ଯେ ୱାଜେ ବିସ୍ଫୋରକ ଲଗାଇବା ଏବଂ ଫେବୃଆରୀ 25 ରେ ଅମ୍ବାନୀଙ୍କ ଘର ବାହାରେ ପାର୍କିଂ କରିବା ପୂର୍ବରୁ ହିରାନଙ୍କ ଠାରୁ କାର ନେଇଥିଲେ ।
ମାର୍ଚ୍ଚ 15 ତାରିଖରେ ଏନ୍ଆଇଏ ୱାଜେଙ୍କୁ ଗିରଫ କରିବା ସହ ଅପ୍ରେଲ 7ତାରିଖ ପର୍ଯ୍ୟନ୍ତ ହେପାଜତରେ ରଖାଯାଇଛି ।
Click it and Unblock the Notifications
Sign in with Google