ଗାନ୍ଧୀ ମଇଦାନ ବିସ୍ଫୋରଣ ମାମଲା : 9 ଜଣଙ୍କ ମଧ୍ୟରୁ 4 ଜଣଙ୍କୁ ମୃତ୍ୟୁଦଣ୍ଡ, ଦୁଇ ଜଣଙ୍କୁ ଆଜୀବନ କାରାଦଣ୍ଡ

ବିହାରର ରାଜଧାନୀ ପାଟନାର ଗାନ୍ଧୀ ମଇଦାନରେ ବିଜେପି ରାଲିରେ ଘଟିଥିବା ସିରିଏଲ ବ୍ଲାଷ୍ଟ ମାମଲାରେ ସୋମବାର ସନ୍ଧ୍ୟାରେ ଏନଆଇଏ କୋର୍ଟ ଦୋଷୀଙ୍କୁ ଦଣ୍ଡିତ କରିଛନ୍ତି । ଏନଆଇଏ କୋର୍ଟ ପାଟନା 9 ଜଣଙ୍କ ମଧ୍ୟରୁ 4 ଜଣଙ୍କୁ ମୃତ୍ୟୁଦଣ୍ଡ ଦେଇଛନ୍ତି ।

ପାଟନା : ବିହାରର ରାଜଧାନୀ ପାଟନାର ଗାନ୍ଧୀ ମଇଦାନରେ ବିଜେପି ରାଲିରେ ଘଟିଥିବା ସିରିଏଲ ବ୍ଲାଷ୍ଟ ମାମଲାରେ ସୋମବାର ସନ୍ଧ୍ୟାରେ ଏନଆଇଏ କୋର୍ଟ ଦୋଷୀଙ୍କୁ ଦଣ୍ଡିତ କରିଛନ୍ତି । ଏନଆଇଏ କୋର୍ଟ ପାଟନା 9 ଜଣଙ୍କ ମଧ୍ୟରୁ 4 ଜଣଙ୍କୁ ମୃତ୍ୟୁଦଣ୍ଡ ଦେଇଛନ୍ତି । ଦୁଇଜଣଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଛି । ଏହା ବ୍ୟତୀତ ଦୁଇଜଣଙ୍କୁ 10 ବର୍ଷ କାରାଦଣ୍ଡ ଏବଂ ଜଣଙ୍କୁ ସାତ ବର୍ଷ କାରାଦଣ୍ଡରେ ଦଣ୍ଡିତ କରାଯାଇଛି ।

ସୂଚନାଯୋଗ୍ୟ, 2013 ବିସ୍ଫୋରଣ ମାମଲାରେ ଆଠ ବର୍ଷ ପରେ, ଅକ୍ଟୋବର 27 ରେ, ପାଟଣାର ସ୍ୱତନ୍ତ୍ର ଏନଆଇଏ କୋର୍ଟ ନଅ ଜଣଙ୍କୁ ଦୋଷୀ ସାବ୍ୟସ୍ତ କରିଥିଲେ ଏବଂ ଆଜି ସେମାନଙ୍କୁ ଦଣ୍ଡିତ କରିଛନ୍ତି । ଏହି 9 ଜଣ ଦୋଷୀମାନଙ୍କ ମଧ୍ୟରୁ ଇମତିଆଜ ଅନସାରୀ, ହାୟଦାର ଅଲି, ନୋମାନ ଅନସାରୀ ଏବଂ ମୁଜିବୁଲ୍ଲାକୁ ମୃତ୍ୟୁଦଣ୍ଡ ଦିଆଯାଇଛି । ଏହା ସହିତ ଉମର ସିଦ୍ଦିକି ଏବଂ ଅଜହରୁଦ୍ଦିନକୁ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଛି ।

ଏହା ବ୍ୟତୀତ ଅହମ୍ମଦ ଏବଂ ଫିରୋଜ ନାମକ ଦୋଷୀକୁ 10 ବର୍ଷ ଏବଂ ଇଫତିଖରକୁ ସାତ ବର୍ଷ ଦଣ୍ଡିତ କରାଯାଇଛି । 2013 ରେ, ହୁଙ୍କାର ରାଲିରେ ପାଟନା ରେଳ ଷ୍ଟେସନ ଜଙ୍କସନ ଏବଂ ଗାନ୍ଧୀ ମଇଦାନରେ ଅନେକଗୁଡ଼ିଏ ବୋମା ବିସ୍ଫୋରଣ ଘଟିଥିଲା ଯେଉଁଥିରେ ଦଶ ଜଣଙ୍କର ମୃତ୍ୟୁ ଘଟିଥିବା ବେଳେ ଅନେକ ଆହତ ହୋଇଥିଲେ ।

ଗାନ୍ଧୀ ମଇଦାନ ଏବଂ ପାଟନା ରେଳ ପୋଲିସ ଷ୍ଟେସନରେ ବୋମା ବିସ୍ଫୋରଣ ନେଇ ପାଟନା ରେଳବାଇ ଥାନାରେ ମାମଲା ରୁଜୁ ହୋଇଥିଲା । ପରେ ଏହି ମାମଲା ଏନଆଇଏକୁ ହସ୍ତାନ୍ତର କରାଯାଇଥିଲା । ଏହି ବିସ୍ଫୋରଣ ମାମଲାରେ ସମୁଦାୟ 11 ଜଣ ଅଭିଯୁକ୍ତ ସାବ୍ୟସ୍ତ ହୋଇଥିଲେ । ଜଣେ ଅଭିଯୁକ୍ତ ନାବାଳକ ହୋଇଥିବାରୁ ଏନେଇ 22 ଅଗଷ୍ଟ 2014 ରେ 10 ଜଣ ଅଭିଯୁକ୍ତଙ୍କ ବିରୋଧରେ ଏନଆଇଏ ଏକ ଚାର୍ଜସିଟ୍ ଦାଖଲ କରିଥିଲା, ନାବାଳିକଙ୍କ ମାମଲାରେ ପୃଥକ ଭାବରେ ବିଚାର କରାଯାଇଥିଲା । ତେବେ ଫାକରୁଦ୍ଦିନଙ୍କୁ ନିର୍ଦ୍ଦୋଷରେ ଖଲାସ କରି ଅନ୍ୟ ସମସ୍ତ ଅଭିଯୁକ୍ତଙ୍କୁ କୋର୍ଟ ଦୋଷୀ ସାବ୍ୟସ୍ତ କରିଥିଲେ ।

English summary

NIA Court Verdict On Patna Serial Bomb Blast Case