ଡ୍ରଗ୍ସ ମାମଲା : ଶାହାରୁଖ ଖାନଙ୍କ ଘର 'ମନ୍ନତ'ରେ ଏନସିବି ଟିମ୍

ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ର ଏକ ଟିମ୍ ଗୁରୁବାର (ଅକ୍ଟୋବର 21) ମୁମ୍ବାଇ କ୍ରୁଜ ଡ୍ରଗ୍ସ ମାମଲାରେ ଅଭିନେତା ଶାହାରୁଖ ଖାନଙ୍କ ବାସଭବନରେ ପହଞ୍ଚିଛି । ସର୍ଚ୍ଚ ଅପରେସନ୍ ଏବଂ ପଚରାଉଚରା ପାଇଁ ଏନସିବି ଟିମ୍ ଶାହାରୁଖ ଖାନଙ୍କ ଘରେ ପହଞ୍ଚିଛି ।

ମୁମ୍ବାଇ : ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ର ଏକ ଟିମ୍ ଗୁରୁବାର (ଅକ୍ଟୋବର 21) ମୁମ୍ବାଇ କ୍ରୁଜ ଡ୍ରଗ୍ସ ମାମଲାରେ ଅଭିନେତା ଶାହାରୁଖ ଖାନଙ୍କ ବାସଭବନରେ ପହଞ୍ଚିଛି । ସର୍ଚ୍ଚ ଅପରେସନ୍ ଏବଂ ପଚରାଉଚରା ପାଇଁ ଏନସିବି ଟିମ୍ ଶାହାରୁଖ ଖାନଙ୍କ ଘରେ ପହଞ୍ଚିଛି । ମୁମ୍ବାଇ କ୍ରୁଜ୍ ଡ୍ରଗ୍ସ ପାର୍ଟି ମାମଲାରେ ଆର୍ୟନ୍ ଖାନ୍ ଜେଲରେ ଅଛନ୍ତି ।

ଏହାର କିଛି ସମୟ ପୂର୍ବରୁ, ସକାଳ 9.30 ସମୟରେ ଶାହାରୁଖ ଖାନ ମୁମ୍ବାଇର ଆର୍ଥର ରୋଡ ଜେଲରେ ପୁଅ ଆର୍ଯ୍ୟନ ଖାନଙ୍କୁ ଭେଟିଥିଲେ । ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଆଜି ଶାହରୁଖ ଖାନଙ୍କ ଘର ସର୍ଚ୍ଚ କରିବା ସହ ଅଭିନେତ୍ରୀ ଅନନ୍ୟା ପାଣ୍ଡେଙ୍କୁ ପଚରାଉଚରା ପାଇଁ ଡକାଇଛନ୍ତି । ଖବର ଅନୁଯାୟୀ ଅଭିନେତ୍ରୀ ଅନନ୍ୟା ପାଣ୍ଡେଙ୍କ ଘରେ ଏନସିବିର ଏକ ଟିମ୍ ଉପସ୍ଥିତ ଅଛନ୍ତି ।

ANI ନ୍ୟୁଜ୍ ଏଜେନ୍ସି ଦ୍ୱାରା ଟ୍ୱିଟରରେ ପୋଷ୍ଟ କରାଯାଇଥିବା ଭିଜୁଆଲରେ ଦର୍ଶାଯାଇଛି ଯେ ଏନସିବି ଅଧିକାରୀମାନେ ଶାହରୁଖ ଖାନଙ୍କ ବାସଭବନରେ ପହଞ୍ଚିଛନ୍ତି, ସେମାନେ ସର୍ଚ୍ଚ ଅପରେସନ ପାଇଁ ଯାଇଛନ୍ତି ବୋଲି ଜଣାପଡ଼ିଛି ।

Mumbai | A team of Narcotics Control Bureau arrives at actor Shah Rukh Khan's residence 'Mannat' pic.twitter.com/W3h24x8fzs

— ANI (@ANI) October 21, 2021

ଅକ୍ଟୋବର 2 ରେ ଡ୍ରଗ୍ ମାମଲାରେ ଆର୍ୟନ୍ ଖାନଙ୍କୁ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଗିରଫ କରିଥିଲା । ସେବେଠାରୁ ଶାହରୁଖ ଖାନ ଏହି ମାସ ଆରମ୍ଭରୁ କ୍ୟାମେରାଠାରୁ ଦୂରରେ ରହିଥିଲେ । ଡ୍ରଗ୍ସ ଜବତ ମାମଲାରେ ବୁଧବାର (ଅକ୍ଟୋବର 20) ମୁମ୍ବାଇର ଏକ ସ୍ୱତନ୍ତ୍ର କୋର୍ଟ ଆର୍ଯ୍ୟନ୍ ଖାନ୍ ଏବଂ ଅନ୍ୟ ଦୁଇଜଣଙ୍କୁ ଜାମିନ ପ୍ରଦାନ କରିବାକୁ ମନା କରି ଦେଇଛନ୍ତି ।

English summary

NCB arrives at actor Shah Rukh Khan residence Mannat