ହତ୍ୟା ଅଭିଯୁକ୍ତଙ୍କୁ ଗୁଳି କରି ହତ୍ୟା
କାମାକ୍ଷାନଗର: ହତ୍ୟା ଅଭିଯୁକ୍ତଙ୍କୁ ଗୁଳି କରି ହତ୍ୟା । କାମାକ୍ଷାନଗରରେ ହୋଇଛି ଏହି ହତ୍ୟାକାଣ୍ଡ । ଗୁଳିମାଡ଼ରେ ପଥର ଖଣି ବ୍ୟବସାୟୀ ତଥା ହତ୍ୟା ଅଭିଯୁକ୍ତ ନିରାକାର ସାହୁଙ୍କ ମୃତ୍ୟୁ ହୋଇଛି ।
କାମାକ୍ଷାନଗର ଥାନା ଆଳତୁମା ମାଳବନ୍ଧ ନିକଟରେ ଘଟିଛି ଏହି ହତ୍ୟାକାଣ୍ଡ । 2021 ମସିହା ବାରୁଆଁ ସମିତି ସଭ୍ୟ ଦୀପକ ମାହୁନ୍ତ ହତ୍ୟାକାଣ୍ଡରେ ନିରାକାର ସାହୁ ସଂପୃକ୍ତ ଥିବାର ସୂଚନା ରହିଛି । ପୂର୍ବ ଶତ୍ରୁତାରୁ ଏହି ହତ୍ୟାକାଣ୍ଡ ଘଟିଥିବା ଚର୍ଚ୍ଚା ହେଉଛି ।
ନିରାକାର ସାହୁଙ୍କ ଘର ତୁମୁସିଙ୍ଗା ଥାନି କନ୍ତିଓପୁଟସାହିରେ ବୋଲି ଜଣାପଡ଼ିଛି । ତାଙ୍କ ଦେହରେ ଗୁଳି ବାଜିବା ସହ ବେକରେ କ୍ଷତ ଥିବା ରକ୍ତାକ୍ତ ମୃତଦେହ ପଡ଼ିଛି । ମୃତକ ଗତ 2021 ସେପ୍ଟେମ୍ବର 21 ତାରିଖରେ ଗୁଳିମାଡ଼ରେ ମୃତ ବାରୁଆଁ(କା) ସମିତି ସଭ୍ୟ ଦୀପକ ମାହୁନ୍ତ ହତ୍ୟା ମାମଲାର ମୁଖ୍ୟ ଆସାମୀ ଥିବା ବେଳେ ବିଗତ 4 ମାସ ହେବ ଜାମିନରେ ଆସି ଲଘୁ ଖଣିଜ ପଦାର୍ଥ ବ୍ୟବସାୟ କରିୁଥିଲେ । ପୂର୍ବ ଶତ୍ରୁତାରୁ ତାଙ୍କୁ ଯୋଜନାବଦ୍ଧ ଭାବେ ହତ୍ୟା କରାଯାଇଥିବା ତାଙ୍କ ଭାଇ ସର୍ବେଶ୍ୱର ସାହୁ ଗଣମାଧ୍ୟମ ଓ ପୋଲିସ ଆଗରେ ପ୍ରକାଶ କରିଛନ୍ତି । ଘଟଣାସ୍ଥଳରେ କାମାକ୍ଷାନଗର ଏସଡିପିଓ ପ୍ରଭାତ କୁମାର ତ୍ରିପାଠୀ ସଦଳବଳେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
Click it and Unblock the Notifications
Sign in with Google