ନାବାଳିକା ଦୁଷ୍କର୍ମକାରୀକୁ 20 ବର୍ଷ ଜେଲ୍, 10 ହଜାର ଟଙ୍କା ଜରିମାନା
ମୟୂରଭଞ୍ଜ: ନାବାଳିକା ଦୁଷ୍କର୍ମକାରୀକୁ ଜେଲ୍ ଦଣ୍ଡ । ଦୁଷ୍କର୍ମକାରୀକୁ ହୋଇଛି 20 ବର୍ଷ ଜେଲ ଦଣ୍ଡାଦେଶ । ମୟୂରଭଞ୍ଜ ଜିଲ୍ଲା ଦୌରାଜଜ ତଥା ପୋକ୍ସୋ କୋର୍ଟର ଅଧ୍ୟକ୍ଷ ଏହି ଗୁରୁତ୍ୱପୂର୍ଣ୍ଣ ରାୟ ଶୁଣାଇଛନ୍ତି ।
ନାବାଳିକାଙ୍କ ସହ ଦୁଷ୍କର୍ମ କରିବା ଅଭିଯୋଗରେ ଅଭିଯୁକ୍ତକୁ ଦୋଷୀ ସାବ୍ୟସ୍ତ କରି 20 ବର୍ଷ ସଶ୍ରମ କାରାଦଣ୍ଡାଦେଶ ଦେଇଛନ୍ତି କୋର୍ଟ । ଏହା ସହ 10 ହଜାର ଟଙ୍କା ଜରିମାନା ମଧ୍ୟ କରାଯାଇଛି । ଅପରପକ୍ଷରେ ପୀଡିତାଙ୍କୁ ଥଇଥାନ ପାଇଁ ଜିଲ୍ଲା ଆଇନ ସହାୟତା ସଂସ୍ଥାକୁ 4 ଲକ୍ଷ ଟଙ୍କା ଆର୍ଥିକ ସହାୟତା ଯୋଗାଇ ଦେବାକୁ ନିର୍ଦ୍ଦେଶ ଦିଆଯାଇଛି ।
ଗୁରୁତ୍ୱପୂର୍ଣ୍ଣ କଥା ହେଉଛି ନାବାଳିକାଙ୍କ ସହ ଦୁଷ୍କର୍ମ କରିଥିବା ଅଭିଯୁକ୍ତ ଅନ୍ୟ କେହି ନୁହେଁ ବରଂ ପୀଡ଼ିତାଙ୍କ ଜେଜେ ବାପା ଜଗମୋହନ ନାୟକ । ଗତ 20 ମାର୍ଚ୍ଚ 2021 ମସିହାରେ ପୀଡ଼ିତାଙ୍କ ବାପା ମା' ଘରୁ ବାହାରକୁ ଯାଇଥିବା ସମୟରେ ନିଜ ଜେଜେବାପା 12 ବର୍ଷ ନାବାଳିକା ନାତୁଣୀ ପ୍ରତି ଅସଦାଚରଣ କରିଥିବା ନେି ଝାରପୋଖରିଆ ଥାନାରେ ମାମଲା ରୁଜୁ ହୋଇଥିଲା । ଝାରପୋଖରିଆ ପୋଲିସ ଘଟଣାର ତଦନ୍ତ କରି ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଥିଲା ।
Click it and Unblock the Notifications
Sign in with Google