ବେଆଇନ୍ ଖଣି ଖନନ ବନ୍ଦ କରିବାକୁ ଯାଇଥିବା DSPଙ୍କୁ ହତ୍ୟା
ନୁହ ରେ ବେଆଇନ ଖଣି ଖନନ ବନ୍ଦ କରିବାକୁ ଯାଇଥିବା ମେୱାତର ଡିଏସପି ସୁରେନ୍ଦ୍ର ସିଂହଙ୍କୁ ଖଣି ମାଫିଆ ଟ୍ରକ୍ ଚଢାଇ ହତ୍ୟା କରିଛନ୍ତି । ପଚଗାଓଁ ପାହାଡରେ ଡିଏସପିଙ୍କ ମୃତଦେହ ଉଦ୍ଧାର କରାଯାଇଛି ।
ନୂଆଦିଲ୍ଲୀ : ହରିୟାଣାରେ ଖଣି ମାଫିଆଙ୍କ ଦବଙ୍ଗଗିରି । DSP ଙ୍କୁ ଟ୍ରକ୍ ଚଢାଇ କଲେ ହତ୍ୟା । ନୁହ ରେ ବେଆଇନ ଖଣି ଖନନ ବନ୍ଦ କରିବାକୁ ଯାଇଥିବା ମେୱାତର ଡିଏସପି ସୁରେନ୍ଦ୍ର ସିଂହଙ୍କୁ ଖଣି ମାଫିଆ ଟ୍ରକ୍ ଚଢାଇ ହତ୍ୟା କରିଛନ୍ତି । ପଚଗାଓଁ ପାହାଡରେ ଡିଏସପିଙ୍କ ମୃତଦେହ ଉଦ୍ଧାର କରାଯାଇଛି । ଏହି ଘଟଣା ପରେ ପୋଲିସ ବିଭାଗରେ ଉତ୍ତେଜନା ପ୍ରକାଶ ପାଇଛି । ଅଭିଯୁକ୍ତକୁ ଗିରଫ କରିବା ପାଇଁ ପୋଲିସ ସର୍ଚ୍ଚ ଅପରେସନ କରୁଛି ।
ଏହି ଘଟଣା ଗୁରୁଗ୍ରାମ ସଂଲଗ୍ନ ନୁହ ଜିଲ୍ଲାର ତାୱଡୁ ପୋଲିସ ଷ୍ଟେସନ ଅଞ୍ଚ ପଚଗାଓଁରୁ ଆସିଛି। ମଙ୍ଗଳବାର ସକାଳେ ଡିଏସପି (ତାୱଡୁ) ସୁରେନ୍ଦ୍ର ସିଂହ ବିଷ୍ଣୋଇଙ୍କୁ ପଚଗାଓଁ ନିକଟସ୍ଥ ଅରବାଲି ପାହାଡ ଉପରେ ବେଆଇନ ଖଣି ଖନନ ସମ୍ପର୍କରେ ସୂଚନା ମିଳିଥିଲା । ଖଣି ଖନନ ବନ୍ଦ କରିବାକୁ ସେ ମଙ୍ଗଳବାର ସକାଳ 11 ଟାରେ ନିଜ ଦଳ ସହ ଘଟଣାସ୍ଥଳରେ ପହଞ୍ଚିଥିଲେ । ଘଟଣାସ୍ଥଳରେ ପୋଲିସକୁ ଦେଖି ଖଣି ଖନନକାରୀଙ୍କ ମଧ୍ୟରେ ଉତ୍ତେଜନା ଦେଖାଦେଇଥିଲା । ପୋଲିସ୍ ଟିମ୍ ଦେଖି ପାହାଡ ନିକଟରେ ଠିଆ ହୋଇଥିବା ଡମ୍ପର ଡ୍ରାଇଭର ଏବଂ ଖଣି କାର୍ଯ୍ୟରେ ନିୟୋଜିତ ଲୋକମାନେ ଦୌଡ଼ି ପଳାଇଥିଲେ ।
ଏହି ସମୟରେ ଯେତେବେଳେ ଡିଏସପି ସୁରେନ୍ଦ୍ର ସିଂହ ଗାଡି ଅଟକାଇବାକୁ ଆଗକୁ ଆସିଥିଲେ, ଡମ୍ପର ଡ୍ରାଇଭର ତାଙ୍କ ଉପରେ ଗାଡ଼ି ଚଢାଇ ପଳାଇ ଯାଇଥିଲା । ଗାଡ଼ି ତଳେ ଚାପି ହୋଇ ଡିଏସପିଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି । ଦୁର୍ଘଟଣା ସମ୍ପର୍କରେ ସୂଚନା ପାଇବା ପରେ ପୋଲିସ ସେଠାରେ ପହଞ୍ଚିଥିଲା । ଏସପି ଏବଂ ଏସଡିଏମ ଏବଂ ତହସିଲଦାର ତୱାଡୁଙ୍କ ନେତୃତ୍ୱରେ ଭାରୀ ପୋଲିସ ଘଟଣାସ୍ଥଳରେ ପହଞ୍ଚିଥିଲା ।
Click it and Unblock the Notifications
Sign in with Google