ଏନସିବି ପୂର୍ବତନ ଅଧିକାରୀ ସମୀର ୱାନଖେଡେଙ୍କୁ ହତ୍ୟା ଧମକ

ମୁମ୍ବାଇର ପୂର୍ବତନ ଏନସିବି ଜୋନାଲ ନିର୍ଦ୍ଦେଶକ ସମୀର ୱାନକେଡେଙ୍କୁ ହତ୍ୟା ଧମକ ଦିଆଯାଇଛି । ସମୀର ୱାଖେଡେ ନିଜେ ପୋଲିସ ନିକଟରେ ଅଭିଯୋଗ କରିଛନ୍ତି । ସେ ଏ ସମ୍ପର୍କରେ ଗୋରେଗାଓଁ ଥାନାରେ ଅଭିଯୋଗ କରିଛନ୍ତି ।

Published: Friday, August 19, 2022, 12:21 [IST]

ମୁମ୍ବାଇ : ମୁମ୍ବାଇର ପୂର୍ବତନ ଏନସିବି ଜୋନାଲ ନିର୍ଦ୍ଦେଶକ ସମୀର ୱାନକେଡେଙ୍କୁ ହତ୍ୟା ଧମକ ଦିଆଯାଇଛି । ସମୀର ୱାଖେଡେ ନିଜେ ପୋଲିସ ନିକଟରେ ଅଭିଯୋଗ କରିଛନ୍ତି । ସେ ଏ ସମ୍ପର୍କରେ ଗୋରେଗାଓଁ ଥାନାରେ ଅଭିଯୋଗ କରିଛନ୍ତି । ସେ ତାଙ୍କ ଅଭିଯୋଗରେ କହିଛନ୍ତି ଯେ ସୋଶଆଲ ମିଡିଆରେ ମୋତେ ହତ୍ୟା ଧମକ ମିଳିଛି । ସେ କହିଛନ୍ତି ଯେ ଅଗଷ୍ଟ 14 ରେ ଟ୍ୱିଟରରେ ଏକ ନୂତନ ଆକାଉଣ୍ଟ ସୃଷ୍ଟି କରାଯାଇଥିଲା ଯାହା ମାଧ୍ୟମରେ ତାଙ୍କୁ ଧମକ ଦିଆଯାଇଥିଲା ।

ସମୀର ୱାନଖେଡେଙ୍କୁ ଧମକ ଦେଇଥିବା ଟ୍ୱିଟର ଆକାଉଣ୍ଟରେ ଉପଭୋକ୍ତା ଲେଖିଛନ୍ତି ଯେ 'ଆପଣ କ'ଣ କରିଛନ୍ତି ତାହା ଆପଣ ଜାଣି ନାହାଁନ୍ତି, ଆପଣଙ୍କୁ ଏହାର ଉତ୍ତର ଦେବାକୁ ପଡିବ । ଆମେ ତୁମକୁ ଶେଷ କରିଦେବୁ ।'

ସୋଶାଲ ମିଡିଆରୁ ଧମକ ପାଇବା ପରେ ସମୀର ୱାନଖେଡେ ଗୋରେଗାଓଁ ପୋଲିସ ଷ୍ଟେସନରେ ମାମଲା ଦାୟର କରିଛନ୍ତି । ପୋଲିସ ଏହି ମାମଲାରେ ଏଫ୍ଆଇଆର୍ ପଞ୍ଜୀକରଣ କରିଛି । ପୋଲିସ କହିଛି ଯେ ଯେଉଁ ଟ୍ୱିଟର ଆକାଉଣ୍ଟରୁ ସମୀର ୱାନଖେଡେଙ୍କୁ ଧମକ ଦିଆଯାଇଛି, ତାହାର କେହି ଫଲୋଅର୍ସ ନାହାଁନ୍ତି, କେବଳ ଧମକ ଦେବାକୁ ଏହି ଆକାଉଣ୍ଟ କରାଯାଇଥାଇ ପାରେ ବୋଲି ପୋଲିସ୍ ସନ୍ଦେହ କରୁଛି ।

ଆମେ ଆପଣଙ୍କୁ କହିରଖୁଛୁ ଯେ ସମୀର ୱାନଖେଡେ ଏନସିବି ମୁମ୍ବାଇ କାର୍ଯ୍ୟାଳୟରେ ଜୋନାଲ ନିର୍ଦ୍ଦେଶକ ଥିବାବେଳେ ଚର୍ଚ୍ଚାକୁ ଆସିଥିଲେ । ଏହି ସମୟରେ, ସେ ଅକ୍ଟୋବର 2021 ରେ ହାଇ ପ୍ରୋଫାଇଲ୍ ରେଡ୍ କରିଥିଲେ । ମୁମ୍ବାଇର ଏକ କ୍ରୁଜରେ ଚଢାଉ କରି ହିନ୍ଦୀ ଚଳଚ୍ଚିତ୍ର ଅଭିନେତା ଶାହାରୁଖ ଖାନଙ୍କ ପୁଅ ଆର୍ୟନ୍ ଖାନଙ୍କୁ ମଧ୍ୟ ଗିରଫ କରାଯାଇଥିଲା । ଆର୍ୟନ୍ ବ୍ୟତୀତ ଅନ୍ୟ 19 ଜଣଙ୍କୁ ମଧ୍ୟ ଏନସିବି ଗିରଫ କରିଥିଲା । ଅଭିଯୋଗ ହୋଇଥିଲା ଯେ ତାଙ୍କ ପାଖରେ ଡ୍ରଗ୍ସ ଥିଲା । ତେବେ ପରେ ତାଙ୍କୁ ମୁକ୍ତ କରାଯାଇଥିଲା ।

ସମୀର ୱାନଖେଡେଙ୍କ ବିରୋଧରେ ମଧ୍ୟ ଅନେକ ଦୁର୍ନୀତିର ଅଭିଯୋଗ କରାଯାଇଥିଲା, ଯାହା ପରେ ମୁମ୍ବାଇ ଜୋନରୁ କେନ୍ଦ୍ରୀୟ ଦଳକୁ ଏହି ମାମଲା ହସ୍ତାନ୍ତର କରାଯାଇଥିଲା । ପରେ ୱାନଖେଡେଙ୍କ ବିରୋଧରେ ମାମଲା ରୁଜୁ କରାଯାଇଥିଲା ଏବଂ ତାଙ୍କ ବିରୋଧରେ ଭିଜିଲାନ୍ସ ତଦନ୍ତ ଆରମ୍ଭ ହୋଇଥିଲା । ତେବେ, ପରେ ଏନସିବି ଏହି ପ୍ରସଙ୍ଗରେ ଆର୍ୟନ୍ ଖାନଙ୍କୁ କ୍ଲିନ୍ ଚିଟ୍ ଦେଇଥିଲା । ନବାବ ମଲିକ ସମୀର ୱାନଖେଡେଙ୍କ ବିରୋଧରେ ଦୁର୍ନୀତି ଅଭିଯୋଗ ଆଣିଥିଲେ, ଯାହା ପରେ ସମୀର ୱାନଖେଡେଙ୍କ ବିରୋଧରେ ତଦନ୍ତ ଆରମ୍ଭ ହୋଇଥିଲା ।

Published On August 19, 2022