ଲକ୍ଷ୍ମୀପୁର ଖେରୀ ମାମଲା : ଆଶିଷ ମିଶ୍ରଙ୍କୁ ତିନି ଦିନିଆ ରିମାଣ୍ଡରେ ନେବାକୁ ପୋଲିସକୁ କୋର୍ଟଙ୍କ ଅନୁମତି
କୋର୍ଟ କିଛି ବିଶେଷ ସର୍ତ୍ତ ସହିତ ଆଶିଷଙ୍କୁ ତିନି ଦିନିଆ ରିମାଣ୍ଡରେ ପଠାଇଛନ୍ତି । ବର୍ତ୍ତମାନ ମାମଲାର ଅନୁସନ୍ଧାନ କରୁଥିବା ଏସଆଇଟି ଆଶିଷଙ୍କୁ ଆଗାମୀ ତିନି ଦିନ ପାଇଁ ପଚରାଉଚରା କରିବ ।
ଲକ୍ଷ୍ନୌ : ଉତ୍ତରପ୍ରଦେଶର ଲକ୍ଷ୍ମୀପୁର ଜିଲ୍ଲାରେ ଉତ୍ତେଜନା ହେବାର ଏକ ସପ୍ତାହ ପରେ କେନ୍ଦ୍ର ଗୃହମନ୍ତ୍ରୀ ଅଜୟ ମିଶ୍ରଙ୍କ ପୁଅ ଆଶିଷଙ୍କ ପାଇଁ ଏବେ ସମସ୍ୟା ବଢିଛି । ରବିବାର ପଚରାଉଚରା ପରେ ତାଙ୍କୁ ଉତ୍ତରପ୍ରଦେଶ ପୋଲିସ ଗିରଫ କରିଥିଲା । ତା'ପରେ ସୋମବାର ଆଶିଷ ସିଜେଏମ୍ କୋର୍ଟରେ ହାଜର ହୋଇଥିଲେ । ଏହି ସମୟ ମଧ୍ୟରେ କୋର୍ଟ କିଛି ବିଶେଷ ସର୍ତ୍ତ ସହିତ ଆଶିଷଙ୍କୁ ତିନି ଦିନିଆ ରିମାଣ୍ଡରେ ପଠାଇଛନ୍ତି । ବର୍ତ୍ତମାନ ମାମଲାର ଅନୁସନ୍ଧାନ କରୁଥିବା ଏସଆଇଟି ଆଶିଷଙ୍କୁ ଆଗାମୀ ତିନି ଦିନ ପାଇଁ ପଚରାଉଚରା କରିବ ।
ଶୁଣାଣି ସମୟରେ କୋର୍ଟରେ ଆଶିଷଙ୍କ ଓକିଲ କହିଛନ୍ତି ଯେ ଏସଆଇଟି 40 ଟି ପ୍ରଶ୍ନ ପଚାରିବା ନେଇ କୁହାଯାଇଥିଲା, କିନ୍ତୁ ତାଙ୍କୁ ଅନେକ ପ୍ରଶ୍ନ କରାଯାଇଥିଲା । ଏପରି ପରିସ୍ଥିତିରେ, ପଚାରିବାକୁ କିମ୍ବା କହିବାକୁ କିଛି ବାକି ନାହିଁ । ଏହା ସହିତ, ଧାରା 161 ଅନ୍ତର୍ଗତ ତାଙ୍କ ବିବୃତ୍ତି ଯାଞ୍ଚକାରୀଙ୍କ ଆଗରେ ମଧ୍ୟ ରେକର୍ଡ କରାଯାଇଛି । ତେଣୁ ପୋଲିସର ରିମାଣ୍ଡର କୌଣସି ଆବଶ୍ୟକତା ନାହିଁ । ଏଥି ସହିତ, ମାମଲାକୁ ଗୁରୁତର ବୋଲି କହି 14 ଦିନ ପୋଲିସ ରିମାଣ୍ଡ ନେଇ ସରକାରୀ ଓକିଲ କହିଥିଲେ । ଉଭୟ ପକ୍ଷର ଯୁକ୍ତି ଶୁଣିବା ପରେ କୋର୍ଟ ତିନି ଦିନ ରିମାଣ୍ଡ ପାଇଁ ଅନୁମତି ଦେଇଛନ୍ତି ।
Lakhimpur Kheri incident | MoS Ajay Mishra Teni's son Ashish Mishra has been sent to three-day police remand with conditions: SP Yadav, Prosecution Advocate pic.twitter.com/H8Ecg5MA4M
— ANI UP (@ANINewsUP) October 11, 2021
ଶୁଣାଣି ଶେଷ ହେବା ପରେ ଓକିଲ ଏସପି ଯାଦବ କହିଛନ୍ତି ଯେ ଆଶିଷଙ୍କ ପାଇଁ 14 ଦିନ ରିମାଣ୍ଡ ଆବେଦନ କରାଯାଇଥିଲା, କିନ୍ତୁ କୋର୍ଟ ମାତ୍ର 3 ଦିନ ଅନୁମତି ଦେଇଛନ୍ତି । ବର୍ତ୍ତମାନ ସେ ଅକ୍ଟୋବର 12 ରୁ ଅକ୍ଟୋବର 15 ପର୍ଯ୍ୟନ୍ତ ପୋଲିସ ରିମାଣ୍ଡରେ ରହିବେ । ଏହି ସମୟରେ ତାଙ୍କର ଡାକ୍ତରୀ ଯାଞ୍ଚ ହେବ, ଯାହାଫଳରେ ପୋଲିସ ତାଙ୍କୁ ହଇରାଣ କରିପାରିବ ନାହିଁ । ସେମାନଙ୍କ ଓକିଲମାନେ ମଧ୍ୟ ଦୂରରେ ରହି କଥାବାର୍ତ୍ତା କରିପାରିବେ ।
Click it and Unblock the Notifications
Sign in with Google