ଚଢାଉ ବେଳେ ମିଳିଲା 100 କୋଟି ଟଙ୍କାର ପାହାଡ଼, 32 କିଲୋ ସୁନା... ଗଣିବାକୁ ଲାଗିଲା 13 ଘଣ୍ଟା
ଆୟକର ଚଢାଉ ବେଳେ ଘରୁ ମିଳିଲା ପୁଳା ପୁଳା ଟଙ୍କା । 32 କିଲୋଗ୍ରାମ ସୁନା ଓ ହୀରା-ମୋତି । ଏହା ବ୍ୟତୀତ 100 କୋଟି ଟଙ୍କୁରୁ ଅଧିକ ବେନାମୀ ସମ୍ପତ୍ତି ଜବତ କରିଛି ଆୟକର ବିଭାଗ ।
ମୁମ୍ବାଇ : ଆୟକର ଚଢାଉ ବେଳେ ଘରୁ ମିଳିଲା ପୁଳା ପୁଳା ଟଙ୍କା । 32 କିଲୋଗ୍ରାମ ସୁନା ଓ ହୀରା-ମୋତି । ଏହା ବ୍ୟତୀତ 100 କୋଟି ଟଙ୍କୁରୁ ଅଧିକ ବେନାମୀ ସମ୍ପତ୍ତି ଜବତ କରିଛି ଆୟକର ବିଭାଗ ।
ଏପରି ଏକ ମାମଲା ଦେଖିବାକୁ ମିଳିଛି ମହାରାଷ୍ଟ୍ରର ଜଲନାରେ । ଆୟକର ବିଭାଗ ପକ୍ଷରୁ ଇସ୍ପାତ, କପଡ଼ା ତଥା ରିୟଲ୍ ଇଷ୍ଟେଟ୍ ଠିକାଦାର ଘରେ ଚଢାଉ କରି ଏ ସବୁ ଜିନିଷ ଜବତ କରିଛି । ଚଢାଉ ବେଳେ 100 କୋଟି ଟଙ୍କାର ବେନାମୀ ସମ୍ପତ୍ତି, 56 କୋଟି ଟଙ୍କା ନଗଦ, 32 କିଲୋଗ୍ରାମ ସୁନା, ହୀରା-ମୋତି ଆଦି ମିଳିଛି । ଏହି ଚଢାଉ ଅଗଷ୍ଟ 1 ରୁ 8 ତାରିଖ ପର୍ଯ୍ୟନ୍ତ ଚାଲିଥିଲା । ଜବତ ନୋଟ୍ ର ପରିମାଣ ଏତେ ଥିଲା ଯେ ଗଣିବାକୁ 13 ଘଣ୍ଟା ସମୟ ଲାଗିଲା ।
ଆୟକର ବିଭାଗର ନାଶିକ୍ ଶାଖା ଏହି ଚଢାଉ କରିଛି । ସୂଚନାନୁସାରେ, ଏହି କାର୍ଯ୍ୟାନୁଷ୍ଠାନରେ ରାଜ୍ୟର 260 ଅଧିକାରୀ ଏବଂ କର୍ମଚାରୀ ସାମିଲ ହୋଇଥିଲେ । ଆୟକର ବିଭାଗର କର୍ମଚାରୀମାନଙ୍କୁ ପାଞ୍ଚଟି ଦଳରେ ବିଭକ୍ତ କରାଯାଇଥିଲା ଏବଂ ଏହି ଆକ୍ରମଣରେ 120 ରୁ ଅଧିକ ଯାନ ବ୍ୟବହାର କରାଯାଇଥିଲା । ଟେକ୍ସଟାଇଲ ଏବଂ ଇସ୍ପାତ ବ୍ୟବସାୟୀଙ୍କ ଘରୁ ମିଳିଥିବା ନୋଟଗୁଡ଼ିକୁ ଜାଲନାରେ ସ୍ଥାନୀୟ ଷ୍ଟେଟ ବ୍ୟାଙ୍କ ଶାଖାକୁ ନିଆଯାଇ ଗଣନା କରାଯାଇଥିଲା । ସକାଳ 11 ଟାରୁ ନଗଦ ଗଣନା ଆରମ୍ଭ ହୋଇଥିଲା ଏବଂ ରାତି ପ୍ରାୟ 1 ଟା ସୁଦ୍ଧା ନୋଟ୍ ଗଣନା ସମାପ୍ତ ହୋଇଥିଲା ।
ଗଣମାଧ୍ୟମର ରିପୋର୍ଟ ଅନୁଯାୟୀ, ଜଲନାର ଚାରୋଟି ଇସ୍ପାତ କମ୍ପାନୀର କାରବାରରେ ଅନିୟମିତତା ଥିବା ଆୟକର ବିଭାଗ ସୂଚନା ପାଇଥିଲା । ଏହା ପରେ ଆୟକର ବିଭାଗ କାର୍ଯ୍ୟାନୁଷ୍ଠାନ ଗ୍ରହଣ କଲା । ଆଇଟି ଟିମ୍ ଘର ଏବଂ କାରଖାନା ଉପରେ ଚଢାଉ କରିଥିଲା । ଯଦିଓ ଦଳ ଘରେ କିଛି ପାଇଲା ନାହିଁ, ନଗର ବାହାରେ ଥିବା ଫାର୍ମହାଉସରେ ନଗଦ ଟଙ୍କା, ସୁନା ଏବଂ ହୀରା ସମେତ ଅନେକ କାଗଜପତ୍ର ଜବତ କରାଯାଇଥିଲା ।
Click it and Unblock the Notifications
Sign in with Google