ପୂଜାପାଠ କରି ସନ୍ତାନ ଦେବାକୁ କହି ଟଙ୍କା ନେଇ ଠକିଥିବା ଭଣ୍ଡ ବାବା ଗିରଫ

ସନ୍ତାନ କରେଇଦେବା ନାଁ ରେ କଟକର ଏକ ଦମ୍ପତ୍ତିଙ୍କ ଠାରୁ ଲୁଟିଛି 3 ଲକ୍ଷ 90 ହଜାର ଟଙ୍କା । ଏ ନେଇ ବାଦାମବାଡ଼ି ଥାନାରେ ଅଭିଯୋଗ ହୋଇଥିଲା । ଅଭିଯୋଗ ଆଧାରରେ ଭଣ୍ଡ ବାବାଙ୍କୁ ବାଦାମବାଡ଼ି ପୁଲିସ ଗିରଫ କରିଥିଲା ।

କଟକ : ଟଙ୍କା ଦିଅ ! ପୂଜା ପାଠ କଲେ ସନ୍ତାନପ୍ରାପ୍ତି ହେବ । ଏମିତି କହି ଲୋକଙ୍କୁ ଠକୁଛନ୍ତି ଭଣ୍ଡ ବାବା । ଏଭଳି ଜଣେ ଭଣ୍ଡ ବାବାକୁ ଗିରଫ କରିଛି ବାଦମବାଡ଼ି ପୋଲିସ ।

ପଚରାଉଚୁରା ବେଳେ ଜଣାପଡ଼ିଛି ଭଣ୍ଡ ବାବା ହେଉଛି ଯାଜପୁର ଧର୍ମଶାଳାର ସିଦ୍ଧେଶ୍ଵର ସାମନ୍ତରାୟ । ଦମ୍ପତିଙ୍କ ସନ୍ତାନପ୍ରାପ୍ତି ଭଳି ପ୍ରଲୋଭନ ଦେଖାଇ ଲକ୍ଷ ଲକ୍ଷ ଟଙ୍କା ଲୁଟୁଥିଲା ଏହି ଭଣ୍ଡ ।

ସନ୍ତାନ କରେଇଦେବା ନାଁ ରେ କଟକର ଏକ ଦମ୍ପତ୍ତିଙ୍କ ଠାରୁ ଲୁଟିଛି 3 ଲକ୍ଷ 90 ହଜାର ଟଙ୍କା । ଏ ନେଇ ବାଦାମବାଡ଼ି ଥାନାରେ ଅଭିଯୋଗ ହୋଇଥିଲା । ଅଭିଯୋଗ ଆଧାରରେ ଭଣ୍ଡ ବାବାଙ୍କୁ ବାଦାମବାଡ଼ି ପୁଲିସ ଗିରଫ କରିଥିଲା ।

କେବଳ କଟକ ସହର ନୁହେଁ ଭୁବନେଶ୍ଵର ସମେତ ରାଜ୍ୟର ବିଭିନ୍ନ ସ୍ଥାନ ମାନଙ୍କରେ ନିଜର ଏହିଭଳି ବ୍ୟବସାୟ ଚଳାଇଥିଲା ଭଣ୍ଡ ବାବା । ଅଭିଯୋଗ ହେବା ପରେ ତନାଘନା ଆରମ୍ଭ କରିଥିଲା ବାଦାମବାଡ଼ି ଥାନା ପୁଲିସ । ଆଇଆଇସିଙ୍କ ତତ୍ତ୍ଵାବଧାନରେ ଏକ ସ୍ବତନ୍ତ୍ର ଟିମ ପ୍ରସ୍ତୁତ କରି ଭଣ୍ଡବାବାକୁ ଧରିବା ପାଇଁ ବାହାରିଥିଲା ପୁଲିସ । ଏହାପରେ ବାଲେଶ୍ଵର ସହରର ଶିଳ୍ପାଞ୍ଚଳ ଥାନା ଅଞ୍ଚଳରୁ ଶେଷରେ ଗିରଫ କରି କଟକ ଆଣିଥିଲା ବାଦାମବାଡ଼ି ଥାନା ପୁଲିସ ।
ତଥାପି ଭଣ୍ଡ ବାବାର ମୁହଁ ଫୁଟାଣି କମିନାହିଁ । ତା ବିରୋଧରେ ଷଡଯନ୍ତ୍ର ହୋଇଥିବା ସହ ଆଗକୁ ସାମ୍ବାଦିକ ସମ୍ମିଳନୀ ବି କରିବେ ବୋଲି କହୁଛି ଭଣ୍ଡ ବାବା । ଅନ୍ୟପଟେ ନିଜକୁ ନିର୍ଦ୍ଦୋଷ କହିବା ସହ ତାକୁ ଫସେଇ ଦିଆଯାଇଥିବା କଥା କହିଛି ଭଣ୍ଡ ବାବା ।

English summary

Fraud Baba Arrested From Cuttack