'ନଗଦ ରାଣୀ' ଅର୍ପିତା ମୁଖାର୍ଜୀଙ୍କ ଘରୁ 4 ବିଳାସପୂର୍ଣ୍ଣ କାର ଗାଏବ, ଯାଞ୍ଚ ହେଉଛି ସିସିଟିଭି ଫୁଟେଜ

ଚାରିଟି ବିଳାସପୂର୍ଣ୍ଣ କାର ଗାଏବ ହୋଇଯାଇଛି । ଇଡି ର ଚଢାଉ ଏବଂ ଅର୍ପିତା ମୁଖାର୍ଜୀଙ୍କ ଗିରଫ ପରେ ଏହି ଚାରିଟି ବିଳାସପୂର୍ଣ୍ଣ କାର ଗାଏବ ହୋଇଛି ।

କୋଲକାତା : ପଶ୍ଚିମବଙ୍ଗରେ ଶିକ୍ଷକ ନିଯୁକ୍ତି ଦୁର୍ନୀତିରେ ଅଭିଯୁକ୍ତ ପାର୍ଥ ଚାଟାର୍ଜୀଙ୍କ ଘନିଷ୍ଠ ସହଯୋଗୀ ଅର୍ପିତା ମୁଖାର୍ଜୀଙ୍କ ଘରେ ଇଡି ଯେତେ ଚଢାଉ କରୁଛି ସେତେ ତଥ୍ୟ ସାମ୍ନାକୁ ଆସୁଛି । ବର୍ତ୍ତମାନ ତାଙ୍କ ଘରୁ ଚାରିଟି ବିଳାସପୂର୍ଣ୍ଣ କାର ଗାଏବ ହୋଇଯାଇଛି । ଇଡି ର ଚଢାଉ ଏବଂ ଅର୍ପିତା ମୁଖାର୍ଜୀଙ୍କ ଗିରଫ ପରେ ଏହି ଚାରିଟି ବିଳାସପୂର୍ଣ୍ଣ କାର ଗାଏବ ହୋଇଛି ।

କୋଲକାତାର ଡାଇମଣ୍ଡ ସିଟି କମ୍ପ୍ଲେକ୍ସରେ ଅର୍ପିତା ମୁଖାର୍ଜୀଙ୍କ ବାସଭବନରୁ ଚାରିଟି ବିଳାସପୂର୍ଣ୍ଣ କାର ଗାଏବ ହୋଇଯାଇଛି । ସୂଚନାନୁସାରେ, ଫ୍ଲାଟରୁ ଅର୍ପିତାଙ୍କୁ ଗିରଫ କରାଯିବା ପରେ କାରଗୁଡିକ ମିଳୁନାହିଁ । ଅଧିକାରୀମାନେ ସିସିଟିଭି ଫୁଟେଜ ଜରିଆରେ କାରଗୁଡ଼ିକୁ ଟ୍ରାକ୍ କରିବାକୁ ଚେଷ୍ଟା କରୁଛନ୍ତି । କୁହାଯାଉଛି ଯେ ଏହି 4 ଟି କାର ମଧ୍ୟରୁ 2 ଟି ଅର୍ପିତା ମୁଖାର୍ଜୀଙ୍କ ନାମରେ ଅଛି ।

ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ଜୁଲାଇ 22 ରେ ଅର୍ପିତା ମୁଖାର୍ଜୀଙ୍କ ଘରେ ଚଢାଉ କରି 21.90 କୋଟି ଟଙ୍କା ନଗଦ ରାଶି ଜବତ କରିଛି । ଅନୁସନ୍ଧାନକାରୀ ସଂସ୍ଥା 56 ଲକ୍ଷ ଟଙ୍କା ମୂଲ୍ୟର ବିଦେଶୀ ମୁଦ୍ରା ଏବଂ 76 ଲକ୍ଷ ଟଙ୍କା ମୂଲ୍ୟର ସୁନା ମଧ୍ୟ ଉଦ୍ଧାର କରିଥିଲା । କିଛି ଦିନ ପରେ ଇଡି 28.90 କୋଟି ଟଙ୍କା, 5 କିଲୋଗ୍ରାମରୁ ଅଧିକ ସୁନା ଏବଂ ଅର୍ପିତା ମୁଖାର୍ଜୀଙ୍କ ଦ୍ୱିତୀୟ ଆପାର୍ଟମେଣ୍ଟରୁ ଅନେକ ଦଲିଲ ଜବତ କରିଛି ।

ଇଡି ଅର୍ପିତା ମୁଖାର୍ଜୀଙ୍କୁ ପାର୍ଥ ଚାଟାର୍ଜୀଙ୍କ ଜଣେ ଘନିଷ୍ଠ ସହଯୋଗୀ ବୋଲି କହିଛନ୍ତି । ବହିଷ୍କୃତ ପଶ୍ଚିମବଙ୍ଗ ମନ୍ତ୍ରୀ ପାର୍ଥ ଚାଟାର୍ଜୀ ଗ୍ରୁପ୍ 'ସି' ଏବଂ 'ଡି' କର୍ମଚାରୀ, IX-XII ଶ୍ରେଣୀର ସହକାରୀ ଶିକ୍ଷକ ଏବଂ ପ୍ରାଥମିକ ଶିକ୍ଷକ ନିଯୁକ୍ତି ସ୍କାମରେ ଜଡିତ ଅଛନ୍ତି । ତାଙ୍କ ବିରୋଧରେ ଇଡି ଏହି ଅଭିଯୋଗ ଆଣିଛି । ଜବତ ହୋଇଥିବା ଅର୍ଥ ଶିକ୍ଷକ ନିଯୁକ୍ତି ସ୍କାମରୁ ଅନତିକ ଉପାୟରେ ଆୟ ବୋଲି ସନ୍ଦେହ କରାଯାଉଛି । ପାର୍ଥ ଚାଟାର୍ଜୀ ଏବଂ ଅର୍ପିତା ମୁଖାର୍ଜୀଙ୍କୁ ଅଗଷ୍ଟ 3 ପର୍ଯ୍ୟନ୍ତ ଇଡି ହେପାଜତକୁ ପଠାଯାଇଛି ।

English summary

Four Luxury Cars Missing Form Arpita Mukherjee's House After ED raid