ସୁପୌଲ ଜେଲକୁ 14 ଦିନିଆ ନ୍ୟାୟିକ ହେପାଜତରେ ଗଲେ ପପୁ ଯାଦବ, 32 ବର୍ଷ ପୁରୁଣା ମାମଲା
ଜନ ଅଧିକାର ପାର୍ଟିର ରାଷ୍ଟ୍ରୀୟ ଅଧ୍ୟକ୍ଷ ତଥା ପୂର୍ବତନ ସାଂସଦ ରାଜେଶ ରଂଜନ ଓରଫ୍ ପପୁ ଯାଦବଙ୍କୁ 14 ଦିନ ନ୍ୟାୟିକ ହେପାଜତରେ ସୁପୌଲ ଜେଲକୁ ପଠାଯାଇଛି । ବାସ୍ତବରେ, 32 ବର୍ଷ ପୁରୁଣା ଅପହରଣ ମାମଲାରେ ପାପୁ ଯାଦବଙ୍କୁ ପାଟନା ଯାଦବ ଗିରଫ କରାଯାଇଛି ।
ପାଟନା : ଜନ ଅଧିକାର ପାର୍ଟିର ରାଷ୍ଟ୍ରୀୟ ଅଧ୍ୟକ୍ଷ ତଥା ପୂର୍ବତନ ସାଂସଦ ରାଜେଶ ରଂଜନ ଓରଫ୍ ପପୁ ଯାଦବଙ୍କୁ 14 ଦିନ ନ୍ୟାୟିକ ହେପାଜତରେ ସୁପୌଲ ଜେଲକୁ ପଠାଯାଇଛି । ବାସ୍ତବରେ, 32 ବର୍ଷ ପୁରୁଣା ଅପହରଣ ମାମଲାରେ ପାପୁ ଯାଦବଙ୍କୁ ପାଟନା ଯାଦବ ଗିରଫ କରି ଗତକାଲି ବିଳମ୍ବିତ ରାତିରେ ପ୍ରବଳ ବିରୋଧ ମଧ୍ୟରେ ମଧେପୁରା ସିଭିଲ କୋର୍ଟକୁ ନିଆଯାଇଥିଲା । ଯେଉଁଠାରେ ପପୁ ରାତି ପ୍ରାୟ 11 ଟା ସମୟରେ ଭିଡିଓ କନଫରେନ୍ସିଂ ମାଧ୍ୟମରେ କୋର୍ଟରେ ହାଜର ହୋଇଥିଲେ । ଏହା ପରେ କୋର୍ଟ ପପୁ ଯାଦବଙ୍କୁ ସୁପୌଲ ଜେଲକୁ 14 ଦିନ ନ୍ୟାୟିକ ହେପାଜତରେ ପଠାଇଥିଲେ ।
ଅସୁସ୍ଥତା ବିଷୟରେ କହିଥିଲେ ପପୁ ଯାଦବ
ପପୁ ମଧେପୁରା କୋର୍ଟରେ ଭିଡିଓ କନଫରେନ୍ସିଂ ମାଧ୍ୟମରେ ହାଜର ହୋଇଥିଲେ । ପପୁ ଯାଦବ କୋର୍ଟ ସମ୍ମୁଖରେ ତାଙ୍କ ଅସୁସ୍ଥତା ବିଷୟରେ ଜଣାଇଥିଲେ । ଜୁଡିସିଆଲ ମାଜିଷ୍ଟ୍ରେଟ ସୁରଭି ଶ୍ରୀବାସ୍ତବ ପୂର୍ବତନ ସାଂସଦଙ୍କୁ ଭିଡିଓ କନଫରେନ୍ସିଂ ଜରିଆରେ 14 ଦିନିଆ ନ୍ୟାୟିକ ହେପାଜତ ପାଇଁ ବୀରପୁର (ସୁପୌଲ) ଜେଲକୁ ପଠାଇଥିଲେ ଏବଂ ଉନ୍ନତ ଚିକିତ୍ସା ପାଇଁ ନିର୍ଦ୍ଦେଶ ମଧ୍ୟ ଦେଇଥିଲେ । ଏହା ପରେ ରାତି ପ୍ରାୟ 12 ଟା ସମୟରେ ପୋଲିସ ପପୁ ଯାଦବଙ୍କୁ ବିରପୁର ଜେଲକୁ ନେଇଥିଲା ।
ପୋଲିସ ଦଳ ଉପରେ ଆକ୍ରମଣ କରିଥିଲେ ସମର୍ଥକ
ସୂଚନାନୁସାରେ, ରାଜେଶ ରଂଜନ ଓରଫ୍ ପପୁ ଯାଦବଙ୍କ ଗିରଫଦାରୀକୁ ବିରୋଧ କରି ପୋଲିସ ଦଳ ଉପରେ ସମର୍ଥକମାନେ ଜାତୀୟ ରାଜପଥରେ ଆକ୍ରମଣ କରିଥିଲେ । ଏହା ସହିତ ହାଜିପୁରର ରାଜପଥରେ ବ୍ୟାରିକେଡ୍ କରି କନଭେ ବନ୍ଦ କରିବାକୁ ମଧ୍ୟ ଚେଷ୍ଟା କରିଥିଲେ । ଏହି ସମୟରେ ଅନେକ ସମର୍ଥକ ଗାଡି ଆଗରେ ଶୋଇଥିଲେ ତ କେତେକ ଗାଡ଼ି ଉପରକୁ ଚଢିଆସିଥିଲେ । ବହୁ ସଂଘର୍ଷ ପରେ ପୋଲିସ ସମର୍ଥକଙ୍କୁ ନିୟନ୍ତ୍ରଣକୁ ନେଇ ଗାଡିଗୁଡ଼ିକୁ ସେଠାରୁ ହଟାଇ ଦେଇଥିଲା । ଏଭଳି ଘଟଣା ସମ୍ପର୍କରେ ପୋଲିସ ପୂର୍ବରୁ ଅବଗତ ଥିଲା, ଯେଉଁଥିପାଇଁ କଡା ସୁରକ୍ଷା ବ୍ୟବସ୍ଥା କରାଯାଇଥିଲା ।
କ'ଣ ରହିଛି 32 ବର୍ଷ ପୁରୁଣା ମାମଲା ?
ବାସ୍ତବରେ, 1989 ରେ, ମଧେପୁରାର ଉଦକିଶୁନଗଞ୍ଜର କୁମାର ଖଣ୍ଡ ପୋଲିସ ଷ୍ଟେସନ ଅଧିନରେ ଏକ ଅପହରଣ ମାମଲା ପଞ୍ଜିକୃତ ହୋଇଥିଲା । ଏହି ମାମଲାରେ ପପୁ ଯାଦବଙ୍କୁ ମଧ୍ୟ ଅଭିଯୁକ୍ତ କରାଯାଇଥିଲା । ଏହି ମାମଲାରେ ପପୁ ଯାଦବ ଜାମିନରେ ଥିଲେ, କିନ୍ତୁ ତାଙ୍କ ଜାମିନ ଚଳିତ ବର୍ଷ ମାର୍ଚ୍ଚରେ ଶେଷ ହୋଇଥିଲା । ଯାହା ପରେ 22 ମାର୍ଚ୍ଚ 2021 ରେ କୋର୍ଟ ଦ୍ୱାରା ୱାରେଣ୍ଟ ଜାରି କରାଯାଇଥିଲା । ଉକ୍ତ ମାମଲାରେ ପପୁ ଯାଦବଙ୍କୁ ଗିରଫ କରାଯାଇଛି ।
Click it and Unblock the Notifications
Sign in with Google